ബിരുദ പ്രവേശനം: അപേക്ഷാതീയതി നീട്ടി
കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ 202223 അധ്യയനവർഷത്തെ ബിരുദ പ്രോഗ്രാമുകളിലേക്കുള്ള പ്രവേശനത്തിന് അപേക്ഷിക്കുന്നതിനുള്ള സമയം ഈമാസം 29ന് വൈകുന്നേരം അഞ്ചു വരെ നീട്ടി. വിശദവിവരങ്ങൾക്ക് സർവകലാശാല വെബ്സൈറ്റ് www.admission.kannuruniversity.ac.in സന്ദർശിക്കുക. ഹെൽപ്ലൈൻ നമ്പറുകൾ :0497 2715284 , 0497 2715261,7356948230.
പിജി പ്രവേശനം: റാങ്ക് ലിസ്റ്റ് പ്രസിദ്ധീകരിച്ചു
202223 അധ്യയനവർഷത്തിലെ സർവകലാശാല പഠനവകുപ്പിലെ വിവിധ പിജി പ്രോഗ്രാമുകളുടെ പ്രവേശനത്തിനുള്ള റാങ്ക് ലിസ്റ്റ് പ്രസിദ്ധീകരിച്ചു. റാങ്ക് ലിസ്റ്റ് സർവകലാശാല വെബ്സൈറ്റിൽ ലഭ്യമാണ്.
ഷുവർ ലിസ്റ്റിലുള്ള വിദ്യാർഥികൾക്ക് 27 മുതൽ തങ്ങളുടെ പ്രൊഫൈൽ ലോഗിൻ ചെയ്ത് സെലക്ഷൻ മെമ്മോ ഡൗൺലോഡ് ചെയ്യാം. 29 മുതൽ ഓഗസ്റ്റ് രണ്ട് വരെയാണ് പ്രവേശനം നടക്കുന്നത്. വെയ്റ്റിംഗ് ലിസ്റ്റിലുള്ള വിദ്യാർഥികൾ അതത് പഠന വകുപ്പുകളിൽനിന്ന് മെയിൽ മുഖേന അറിയിപ്പ് ലഭിക്കുന്നതിന് വിധേയമായി സെലക്ഷൻ മെമ്മോ ഡൌൺലോഡ് ചെയ്ത് അതത് പഠനവകുപ്പുകളിൽ നിർദേശിച്ചിട്ടുള്ള സമയത്ത് ഇന്റർവ്യൂവിന് ഹാജരാക്കേണ്ടതാണ്. കൂടുതൽ വിവരങ്ങൾക്ക് സർവകലാശാല വെബ് സൈറ്റ് www.admission.kannuruniversity.ac.in സന്ദർശിക്കുക.
ഹാൾടിക്കറ്റ്
29ന് ആരംഭിക്കുന്ന ഒന്നാം സെമസ്റ്റർ ഇന്റഗ്രേറ്റഡ് എംഎസ്സി (റഗുലർ/സപ്ലിമെന്ററി/ഇംപ്രൂവ്മെന്റ്), ഒക്ടോബർ 2021 പരീക്ഷയുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
ഓഗസ്റ്റ് ഒന്നിന് ആരംഭിക്കുന്ന അഫിലിയേറ്റഡ് കോളജുകളിലെയും സെന്ററുകളിലെയും നാലാം സെമസ്റ്റർ എംബിഎ (റഗുലർ/സപ്ലിമെന്ററി), ഏപ്രിൽ 2022 പരീക്ഷയുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
തീയതി നീട്ടി
നാലാം സെമസ്റ്റർ ബിരുദ (റഗുലർ), ഏപ്രിൽ 2022 പരീക്ഷയുടെ എപിസി സമർപ്പിക്കുന്നതിനുള്ള സമയപരിധി 26ന് വൈകുന്നേരം അഞ്ചുവരെ നീട്ടി.