കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിലെ പിജി പ്രവേശനത്തിന് അപേക്ഷിക്കാനുള്ള അവസാന തിയതി 24 വരെ നീട്ടി. പ്രവേശനം ആഗ്രഹിക്കുന്നവർ ഓൺലൈനായി രജിസ്റ്റർ ചെയ്യേണ്ടതാണ്. രജിസ്ട്രേഷൻ നടത്തുമ്പോൾ 20 ഓളം ഓപ്ഷൻ നൽകാം. ഒരിക്കൽ അലോട്ട്മെന്‍റ് ലഭിച്ചാൽ പിന്നീട് നടത്തുന്ന അലോട്ട്മെന്‍റുകളിൽ ഹയർ ഓപ്ഷനായി നൽകിയവ മാത്രമേ പരിഗണിക്കുകയുള്ളൂ. ലോവർ ഓപ്ഷൻ പരിഗണിക്കുന്നതല്ല. അതിനാൽ ഒപ്ഷൻ നൽകുമ്പോൾ പ്രത്യേകം ശ്രദ്ധിക്കേണ്ടതാണ്. 24 വരെ ഓപ്ഷനിൽ മാറ്റം വരുത്താനുള്ള അവസരം ലഭ്യമാണ്. അലോട്ട്മെന്‍റ് തുടങ്ങിയാൽ ഓപ്ഷൻ മാറ്റാൻ അവസരം ലഭിക്കുന്നതല്ല.
ഇതിനകം ഓൺലൈൻ രജിസ്ടേഷൻ നടത്തിയവർക്ക് അവരുടെ പേര്, ജനനതീയതി എന്നിവയൊഴികെ ബാക്കി എല്ലാ വിവരങ്ങളും ആവശ്യമെങ്കിൽ എഡിറ്റ് ചെയ്യാം. പേര്, ജനനതീയതി എന്നിവയിൽ മാറ്റം വരുത്തണമെങ്കിൽ
[email protected] എന്ന ഇമെയിൽ ഐഡിയിലേക്ക് അയയ്ക്കേണ്ടതാണ്.
സർവകലാശാല പഠനവകുപ്പിലേക്കുള്ള 202223 അധ്യയനവർഷത്തിലെ പിജി പ്രവേശനത്തിന് രജിസ്റ്റർ ചെയ്തിട്ടുള്ളവർ കണ്ണൂർ സർവകലാശാലയോട് അഫിലിയേറ്റ് ചെയ്ത കോളജുകളിലെ പിജി പ്രവേശനത്തിന് ആഗ്രഹിക്കുന്നുണ്ടെങ്കിൽ അഡ്മിഷൻ വെബ്സൈറ്റിൽ ലഭ്യമായ ലിങ്ക് വഴി വീണ്ടും ഓൺലൈനായി രജിസ്റ്റർ ചെയ്യേണ്ടതാണ്.
കമ്യൂണിറ്റി ക്വാട്ട, മാനേജ്മെന്‍റ് ക്വാട്ട, സ്പോർട്സ് ക്വാട്ട എന്നീ വിഭാഗങ്ങളിൽ അപേക്ഷിക്കുന്നവർ ഓൺലൈനായി രജിസ്റ്റർ ചെയ്തതിനുശേഷം അതത് കോളജുകളിൽ അപേക്ഷ സമർപ്പിക്കേണ്ടതാണ്. കൂടുതൽ വിവരങ്ങൾക്ക് സർവകലാശാല വെബ്സൈറ്റ് www.admission.kannuruniversity.ac.in സന്ദർശിക്കുക.
കോളജുകളിലെ പിജി പ്രവേശനം ട്രയൽ അലോട്ട്മെന്‍റ് പ്രസിദ്ധീകരിച്ചു കണ്ണൂർ സർവകലാശാലയുടെ കീഴിലുള്ള അഫിലിയേറ്റഡ് കോളജിലേക്കുള്ള 202223 അധ്യയനവർഷത്തെ പിജി പ്രവേശനത്തിനുള്ള ട്രയൽ അലോട്ട്മെന്‍റ് പ്രസിദ്ധീകരിച്ചു. അപേക്ഷകർക്ക് ലോഗിൻ ചെയ്ത് അലോട്ട്മെന്‍റ് വിവരങ്ങൾ അറിയാം.
ജൂലൈ 19 വരെ ലഭിച്ച അപേക്ഷകൾ പരിഗണിച്ചാണ് ട്രയൽ അലോട്ട്മെന്‍റ് നടത്തിയിട്ടുള്ളത്. അലോട്ട്മെന്‍റ് ലഭിക്കുന്നത് എങ്ങനെയാണെന്ന് അറിയുന്നതിനുവേണ്ടി മാത്രമാണ് ട്രയൽ അലോട്ട്മെന്‍റ് നടത്തുന്നത്. ജൂലൈ 24 വരെ രജിസ്റ്റർ ചെയ്യാനും ഓപ്ഷൻ മാറ്റാനും അവസരമുള്ളതിനാൽ ട്രയൽ അലോട്ട്മെന്‍റിൽ ലഭിച്ച ഒപ്ഷൻ തന്നെ പിന്നീട് ഫസ്റ്റ് അലോട്ട്മെന്‍റിൽ ലഭിക്കണമെന്നില്ല. അപേക്ഷയിലെ പിഴവുകൾ തിരുത്താനും ഓപ്ഷൻ മാറ്റാനും 24 വരെ വിദ്യാർഥികൾക്ക് അവസരമുണ്ട്.
അപേക്ഷയിലെ പേര്, ജനനതീയതി എന്നിവയിലെ പിഴവുകൾ തിരുത്താൻ ആപ്ലിക്കേഷൻ നമ്പറും ആവശ്യമായ രേഖകളും സഹിതം
[email protected] എന്ന ഇ മെയിലിലേക്ക് അപേക്ഷ സമർപ്പിക്കാം. ഹെൽപ്പ് ലൈൻ നമ്പറുകൾ: 04972715261, 7356948230 Email id:
[email protected] എംഎഡ് പ്രവേശനം: തീയതി നീട്ടി കണ്ണൂർ സർവകലാശാലയുടെ ധർമശാല സ്‌കൂൾ ഓഫ് പെഡഗോഗിക്കൽ സയൻസസിൽ നടത്തുന്ന രണ്ടു വർഷ എംഎഡ് പ്രോഗ്രാമിലേക്ക് അപേക്ഷിക്കാനുള്ള അവസാന തീയതി ഓഗസ്റ്റ് പത്തുവരെ നീട്ടി.
ബിഎ എൽഎൽബി പ്രവേശന പരീക്ഷയുടെ ഹാൾ ടിക്കറ്റ് പ്രസിദ്ധീകരിച്ചു സർവകലാശാല പഠനവകുപ്പിലെ ബിഎ എൽഎൽബി പ്രവേശനത്തിനായി 25 ന് ഉച്ചകഴിഞ്ഞ് മൂന്നു മുതൽ വൈകുന്നേരം അഞ്ചു വരെ നടത്തുന്ന പ്രവേശന പരീക്ഷയുടെ ഹാൾ ടിക്കറ്റ് സർവകലാശാല വെബ്സൈറ്റിൽ ലഭ്യമാണ്. വിദ്യാർഥികൾക്ക് തങ്ങളുടെ പ്രൊഫൈൽ ലോഗിൻ ചെയ്ത് ഹാൾ ടിക്കറ്റ് ഡൗൺലോഡ് ചെയ്യാം. വിശദവിവരങ്ങൾക്ക് സർവകലാശാല വെബ്സൈറ്റ് (www.admission.kannuruniversity.ac.in) സന്ദർശിക്കുക.
അപേക്ഷകളുടെ പ്രിന്‍റൗട്ട് നാലാം സെമസ്റ്റർ ബിരുദ (റഗുലർ/സപ്ലിമെന്‍ററി/ഇംപ്രൂവ്മെന്‍റ്2016 അഡ്മിഷൻ മുതൽ), ഏപ്രിൽ 2022 പരീക്ഷകൾക്കുള്ള അപേക്ഷകളുടെ പ്രിന്‍റൗട്ടും അനുബന്ധ രേഖകളും 22 ന് വൈകുന്നേരം അഞ്ചിനകം സർവകലാശാലയിൽ സമർപ്പിക്കണം.
ഇന്‍റേണൽ മാർക്ക് രണ്ടാം സെമസ്റ്റർ ന്യൂ ജനറേഷൻ ബിരുദ (റഗുലർ), ഏപ്രിൽ 2021 പരീക്ഷകളുടെ ഇന്‍റേണൽ അസസ്മെന്‍റ് മാർക്ക് 23 ന് വൈകുന്നേരം അഞ്ചുവരെ സമർപ്പിക്കാം.
ഒന്നാം സെമസ്റ്റർ എംഎസ്‌സി പ്ലാന്‍റ് സയൻസ് വിത്ത് ബയോ ഇൻഫമാറ്റിക്സ് (റഗുലർ), ഒക്‌ടോബർ 2021 പരീക്ഷകളുടെ ഇന്‍റേണൽ അസസ്മെന്‍റ് മാർക്ക് 23 ന് വൈകുന്നേരം അഞ്ചുവരെ സമർപ്പിക്കാം.
ഹാൾടിക്കറ്റ് 25 ന് ആരംഭിക്കുന്ന അഫിലിയേറ്റഡ് കോളജുകളിലെയും സെന്‍ററുകളിലെയും ഒന്നാം സെമസ്റ്റർ എംസിഎ (റഗുലർ/സപ്ലിമെന്‍ററി/ഇംപ്രൂവ്മെന്‍റ്), നവംബർ 2021 പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.