കണ്ണൂർ സർവകലാശാല യൂണിയൻ തെരഞ്ഞെടുപ്പ് ജൂൺ പത്തിന്
കണ്ണൂർ: കണ്ണൂർ സർവകലാശാല വിദ്യാർഥി യൂണിയന്റെ 2021 22 വർഷത്തേക്കുള്ള ഭാരവാഹികളുടെ തെരഞ്ഞെടുപ്പ് ജൂൺ പത്തിന് താവക്കര ആസ്ഥാനത്ത് നടക്കും. തെരഞ്ഞെടുപ്പ് വിജ്ഞാപനം ജൂൺ ഒന്നിന് നിലവിൽ വരും. പ്രാഥമിക വോട്ടർപട്ടിക ജൂൺ ഒന്നിന് വൈകുന്നേരം നാലിനും അന്തിമ വോട്ടർ പട്ടിക ജൂൺ നാലിന് ഉച്ചകഴിഞ്ഞ് മൂന്നിനും പ്രസിദ്ധീകരിക്കും. നാമനിർദേശ പത്രിക സമർപ്പിക്കുന്നതിനുള്ള അവസാന സമയം ജൂൺ ഏഴിന് ഉച്ചയ്ക്ക് ഒന്നുവരെയും പിൻവലിക്കാനുള്ള അവസാനസമയം ജൂൺ എട്ടിന് രാവിലെ 11.30 വരെയുമാണ്. അന്തിമ നാമനിർദേശ പട്ടിക ജൂൺ എട്ടിന് ഉച്ചകഴിഞ്ഞ് മൂന്നിന് പ്രസിദ്ധീകരിക്കും.
കോഴ്സ് ഡയറക്ടർ നിയമനം: അപേക്ഷാതീയതി നീട്ടി
കണ്ണൂർ സർവകലാശാലയ്ക്കു കീഴിലുള്ള ഡോ. പി.കെ. രാജൻ മെമ്മോറിയൽ കാമ്പസിൽ പുതുതായി ആരംഭിക്കുന്ന ഇന്റഗ്രേറ്റഡ് എംകോം പ്രോഗ്രാമിലേക്കായി രണ്ടുവർഷ കാലാവധി വ്യവസ്ഥയിൽ കോഴ്സ് ഡയറക്ടറുടെ തസ്തികയിലേക്ക് ഓൺലൈൻ അപേക്ഷ സമർപ്പിക്കാനുള്ള അവസാന തീയതി 31 വരെ നീട്ടി. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
പുനഃപരീക്ഷ
ഏപ്രിൽ 21, 22 തീയതികളിൽ നടത്താൻ തീരുമാനിക്കുകയും റദ്ദാക്കുകയും ചെയ്ത മൂന്നാം സെമസ്റ്റർ ബിഎസ്സി സൈക്കോളജി (റഗുലർനവംബർ 2021) 3B05PSY: PSYCHOLOGY OF INDIVIDUAL DIFFERENCES, 3C03PSY: NEUROBIOLOGICAL PERSPECTIVE പേപ്പറുകളുടെ പുനഃപരീക്ഷ യഥാക്രമം 31, ജൂൺ ഒന്ന് തീയതികളിൽ നടക്കും.
പുനഃക്രമീകരിച്ച പരീക്ഷാതീയതി
മൂന്നാം സെമസ്റ്റർ ബിഎ ഫിലോസഫി പ്രോഗ്രാമിന്റെ മാറ്റിവച്ച 3C07PSY : PERSPECTIVES IN PSYCHOLOGY (റഗുലർനവംബർ 2021) പരീക്ഷ 31 ന് നടക്കും.
പുനർമൂല്യനിർണയഫലം
നാലാം സെമസ്റ്റർ ബിരുദ (ഏപ്രിൽ 2021) പരീക്ഷകളുടെ പുനർമൂല്യനിർണയഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചത്. പൂർണ ഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്ക് നടത്തും. റഗുലർ വിദ്യാർഥികൾ അവരുടെ പുതിയ മാർക്കുകൾ മാറ്റിചേർക്കുന്നതിന് പ്രത്യേക അപേക്ഷ സമർപ്പിക്കേണ്ടതില്ല. എന്നാൽ ഈ ഫലം ലഭിച്ചതോടെ ബിരുദം വിജയകരമായി പൂർത്തിയാക്കിയ വിദ്യാർഥികൾ അവരുടെ മാർക്ക് ലിസ്റ്റും റിസൽട്ട് മെമ്മോയുടെ ഡൗൺലോഡ് ചെയ്ത പകർപ്പും സഹിതം മാർക്ക് ലിസ്റ്റ് പുതുക്കി ലഭിക്കുന്നതിനുള്ള അപേക്ഷ ബന്ധപ്പെട്ട ടാബുലേഷൻ സെക്ഷനിൽ സമർപ്പിക്കേണ്ടതാണ്.
പരീക്ഷാഫലം
ഒന്നാംവർഷ വിദൂരവിദ്യാഭ്യാസ എംഎ അറബിക് (സപ്ലിമെന്ററി /ഇംപ്രൂവ്മെന്റ്) ജൂൺ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ജൂൺ ഏഴുവരെ അപേക്ഷിക്കാം. മാർക്ക് ലിസ്റ്റുകൾ വിതരണം ചെയ്യുന്ന തീയതി പിന്നീട് അറിയിക്കും.