പ്രോഗ്രാമര് കരാര്‍ നിയമനം
കാലിക്കട്ട് സര്‍വകലാശാലാ കമ്പ്യൂട്ടര്‍ സെന്‍ററില്‍ പ്രോഗ്രാമര് തസ്തികയില്‍ കരാര്‍ നിയമനം നടത്തുന്നതിനുള്ള പാനല്‍ തയ്യാറാക്കുന്നതിലേക്ക് അപേക്ഷ ക്ഷണിച്ചു. താല്‍പര്യമുള്ളവര്‍ 31ന് മുമ്പായി ഓണ്‍ലൈന്‍ അപേക്ഷ സമര്‍പ്പിക്കണം. യോഗ്യത, പ്രായപരിധി, വേതനം തുടങ്ങി വിശദവിവരങ്ങള്‍ വെബ്‌സൈറ്റില്‍.
ലൈറ്റിംഗ് ടെക്‌നിഷ്യന്‍ കരാര്‍ നിയമനം
കാലിക്കട്ട് സര്‍വകലാശാലക്കു കീഴിലുള്ള തൃശൂര്‍ ജോണ്‍ മത്തായി സെന്‍ററിലെ സ്‌കൂള്‍ ഓഫ് ഡ്രാമാ ആൻഡ് ഫൈന്‍ ആര്‍ട്‌സില്‍ ലൈറ്റിംഗ് ടെക്‌നീഷ്യന്‍ കരാര്‍ നിയമനത്തിന് അപേക്ഷ ക്ഷണിച്ചു. താല്‍പര്യമുള്ളവര്‍ 31നകം ഓണ്‍ലൈന്‍ അപേക്ഷ സമര്‍പ്പിക്കണം. യോഗ്യത, പ്രായപരിധി, വേതനം തുടങ്ങി വിശദവിവരങ്ങള്‍ വെബ്‌സൈറ്റില്‍.
മ്യൂസിക് കോഴ്‌സ് കോഓര്‍ഡിനേറ്റര്‍ നിയമനം
കാലിക്കട്ട് സര്‍വകലാശാലക്കു കീഴിലുള്ള തൃശൂര്‍ ജോണ്‍ മത്തായി സെന്‍ററിലെ സ്‌കൂള്‍ ഓഫ് ഡ്രാമാ ആൻഡ് ഫൈന്‍ ആര്‍ട്‌സില്‍ മ്യൂസിക് കോഴ്‌സുകളുടെ കോഓര്‍ഡിനേറ്ററായി കരാര്‍ നിയമനം നടത്തുന്നതിന് അപേക്ഷ ക്ഷണിച്ചു. താല്‍പര്യമുള്ളവര്‍ 25നകം വിശദമായ ബയോഡാറ്റ ഓണ്‍ലൈനായി സമര്‍പ്പിക്കണം. വിശദവിവരങ്ങള്‍ വെബ്‌സൈറ്റില്‍.
സര്‍ട്ടിഫിക്കറ്റ് സൂക്ഷ്മപരിശോധന
കാലിക്കട്ട് സര്‍വകലാശാലാ അഫിലിയേറ്റഡ് കോളജുകളില്‍ 2021ല്‍ പ്രവേശനം നേടിയ പിജി വിദ്യാര്‍ഥികളുടെ യോഗ്യതാ സര്‍ട്ടിഫിക്കറ്റുകള്‍ 21ന് മുമ്പായി അതാത് കോളജ് പ്രിന്‍സിപ്പാള്‍മാര്‍ സര്‍വകലാശാലയില്‍ സമര്‍പ്പിക്കേണ്ടതാണ്. അല്ലാത്തപക്ഷം 30ന് തുടങ്ങുന്ന ഒന്നാം സെമസ്റ്റര്‍ പരീക്ഷാ ഹാള്‍ടിക്കറ്റുകള്‍ തടഞ്ഞുവയ്ക്കും.
അധ്യാപകര്‍ക്കായി സ്‌പെഷ്യല്‍ സമ്മര്‍ സ്‌കൂള്‍
കാലിക്കട്ട് സര്‍വകലാശാലാ ഹ്യൂമന്‍ റിസോഴ്‌സ് ഡവലപ്‌മെന്‍റ് സെന്‍റര്‍ കോളജ്, യൂണിവേഴ്‌സിറ്റി അധ്യാപകര്‍ക്കായി സ്‌പെഷ്യല്‍ സമ്മര്‍ സ്‌കൂള്‍ (റിഫ്രഷര്‍ കോഴ്‌സ്) സംഘടിപ്പിക്കുന്നു. എഡ്യുക്കേഷനല്‍ സൈക്കോളജിയില്‍ ജൂണ്‍ എട്ട് മുതല്‍ 21 വരെ നടക്കുന്ന കോഴ്‌സിലേക്ക് മെയ് 30 വരെ ഓണ്‍ലൈനായി അപേക്ഷിക്കാം. ഏതു വിഷയങ്ങള്‍ പഠിപ്പിക്കുന്ന അധ്യാപകര്‍ക്കും അപേക്ഷിക്കാം. ഫോണ്‍ 0494 2407351
മാര്‍ക്ക് ലിസ്റ്റ് വിതരണം
അദീബി ഫാസില്‍ ഫൈനല്‍ ഏപ്രില്‍ 2021 റഗുലര്‍, സപ്ലിമെന്‍ററി പരീക്ഷയുടെ മാര്‍ക്ക് ലിസ്റ്റ് പരീക്ഷാ കേന്ദ്രങ്ങളില്‍ നിന്ന് 20 മുതല്‍ വിതരണം ചെയ്യും.
പരീക്ഷ റദ്ദാക്കി
2021 ഡിസംബര്‍ 17ന് നടത്തിയ ഒന്നാം സെമസ്റ്റര്‍ ബിഎസ്‌സി. ഇന്‍ഫര്‍മേഷന്‍ ടെക്‌നോളജി നവംബര്‍ 2020 റഗുലര്‍, സപ്ലിമെന്‍ററി പരീക്ഷയുടെ മാത്തമറ്റിക്കല്‍ ഫൗണ്ടേഷന്‍ ഓഫ് ഇന്‍ഫര്‍മേഷന്‍ ടെക്‌നോളജി പേപ്പര്‍ പരീക്ഷ റദ്ദാക്കി. പുനഃപരീക്ഷ 27ന് നടക്കും.
പരീക്ഷ
ഒന്നാം സെമസ്റ്റര്‍ എംഎസ്‌സി. ഫുഡ്‌സയന്‍സ് ആൻഡ് ടെക്‌നോളജി ഡിസംബര്‍ 2021 സപ്ലിമെന്‍ററി പരീക്ഷ 30ന് തുടങ്ങും.
മൂന്നാം സെമസ്റ്റര്‍ എംബിഎ, എംബിഎ ഹെല്‍ത്ത് കെയര്‍ മാനേജ്‌മെന്‍റ്, എംബിഎ ഇന്‍റര്‍നാഷണല്‍ ഫിനാന്‍സ് ഏപ്രില്‍ 2022 ഒറ്റത്തവണ റഗുലര്‍ സപ്ലിമെന്‍ററി പരീക്ഷ 24ന് സര്‍വകലാശാലാ കാമ്പസില്‍ തുടങ്ങും.
ഒന്നാം സെമസ്റ്റര്‍ പിജി നവംബര്‍ 2021 റഗുലര്‍, സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകള്‍ 30ന് തുടങ്ങും. വിശദമായ ടൈംടേബിള്‍ വെബ്‌സൈറ്റില്‍.
പുനര്‍മൂല്യനിര്‍ണയ ഫലം
മൂന്നാം സെമസ്റ്റര്‍ എംബിഎ റഗുലര്‍, ഈവനിംഗ് ജനുവരി 2021 പരീക്ഷയുടെ പുനര്‍മൂല്യനിര്‍ണയ ഫലം പ്രസിദ്ധീകരിച്ചു.