സംസ്കൃത സര്വകലാശാലയില് നടനകലകള്ക്ക് 22 വരെ അപേക്ഷിക്കാം
കാലടി: ശ്രീ ശങ്കരാചാര്യ സംസ്കൃത സര്വകലാശാലയില് എംഎ. ഡാന്സ് (മോഹിനിയാട്ടം, ഭരതനാട്യം) പ്രോഗ്രാമുകള്ക്ക് ഇപ്പോള് അപേക്ഷിക്കാം. 22ന് മുമ്പ് ഓണ്ലൈനായി അപേക്ഷിക്കണം. പ്രവേശന പരീക്ഷ ഫീസ് ഓണ്ലൈനായി അടയ്ക്കാം. കാലടി മുഖ്യ ക്യാമ്പസിലെ കൂത്തമ്പലത്തിലാണ് കോഴ്സ്. ദൈര്ഘ്യം രണ്ട് വര്ഷം.
പ്രവേശന പരീക്ഷയുടെയും (എഴുത്തുപരീക്ഷ), അഭിരുചി/പ്രായോഗിക പരീക്ഷ എന്നിവയുടെ അടിസ്ഥാനത്തിലായിരിക്കും പ്രവേശനം. ഈ സര്വകലാശാലയില് നിന്നും ബിരുദം നേടിയവര്ക്കോ സര്വകലാശാല അംഗീകരിക്കുന്ന മറ്റു സര്വകലാശാലകളില് നിന്നും ബിരുദം (10+ 2+ 3 പാറ്റേണ്) നേടിയവര്ക്കോ അപേക്ഷിക്കാം. പ്രവേശന പരീക്ഷയ്ക്ക് കുറഞ്ഞത് 40% മാര്ക്ക് (എസ് സി/എസ്ടി, ഭിന്നശേഷി വിദ്യാര്ഥികള്ക്ക് 35% മാര്ക്ക്) നേടിയിരിക്കണം.
ഏപ്രില് / മെയ് മാസങ്ങളില് അവസാന സെമസ്റ്റര് പരീക്ഷ എഴുതുന്നവര്ക്കും ഫലം കാത്തിരിക്കുന്നവര്ക്കും അപേക്ഷിക്കാം. ഇവര് ഒാഗസ്റ്റിന് മുന്പായി അവസാന വര്ഷ ഡിഗ്രി ഗ്രേഡ് ഷീറ്റ്, പ്രൊവിഷണല് ഡിഗ്രി സര്ട്ടിഫിക്കറ്റ് എന്നിവ ഹാജരാക്കണം. ww w.ssus.ac.in സന്ദര്ശിക്കുക. ഫോണ്: 04842463380.