കണ്ണൂർ സർവകലാശാലയുടെ നാലാം സെമസ്റ്റർ എംബിഎ (റഗുലർ/സപ്ലിമെന്ററി), മേയ് 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനഃപരിശോധന, ഫോട്ടോകോപ്പി, സൂക്ഷ്മ പരിശോധന എന്നിവയ്ക്കുള്ള അപേക്ഷകൾ 10 വരെ സ്വീകരിക്കും.
സർവകലാശാല പഠനവകുപ്പുകളിലെ പരീക്ഷകൾ
സർവകലാശാല പഠനവകുപ്പുകളിലെ രണ്ടാം സെമസ്റ്റർ റഗുലർ (മേയ് 2021) പരീക്ഷകൾ ഈമാസം മൂന്നാം വാരം നടക്കും.
പുനർമൂല്യനിർണയഫലം
രണ്ടാം വർഷ വിദൂരവിദ്യാഭ്യാസ ബികോം (ഏപ്രിൽ 2020) പരീക്ഷകളുടെ പുനർമൂല്യ നിർണയഫലം സർവകലാശാല വെബ്സൈറ്റിൽ ലഭ്യമാണ്.
പ്രായോഗിക പരീക്ഷകൾ
നാലാം സെമസ്റ്റർ ബിടിടിഎം ഡിഗ്രി (റഗുലർ /സപ്ലിമെന്ററി) ഏപ്രിൽ 2021 പ്രായോഗിക/വാചാ പരീക്ഷകൾ ആറ്, ഏഴ് തീയതികളിൽ അതത് കേന്ദ്രങ്ങളിൽ നടക്കും.
നാലാം സെമസ്റ്റർ ബികോം റഗുലർ /സപ്ലിമെന്ററി ഏപ്രിൽ 2021 പരീക്ഷയുടെ പ്രായോഗിക പരീക്ഷകൾ രണ്ടുമുതൽ അതത് കോളജുകളിൽ നടക്കും വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ ലഭ്യമാണ്. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
തുറന്ന സംവാദം 14 ന്
കണ്ണൂർ സർവകലാശാലയിൽ ട്രാവൽ ആൻഡ് ടൂറിസം മാനേജ്മെന്റിൽ ഗവേഷണം നടത്തുന്ന നിമിന രാമചന്ദ്രൻ എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻ മേലുള്ള തുറന്ന സംവാദം 14 ന് രാവിലെ 10.30 ന് വീഡിയോ കോൺഫറൻസിംഗിലൂടെ നടത്തുമെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം സെമിനാറിന് മൂന്നു ദിവസം മുന്പ് മുതൽ കണ്ണൂർ യൂണിവേഴ്സിറ്റി ഡോ. ഹെർമൻ ഗുണ്ടർട്ട് സെൻട്രൽ ലൈബ്രറിയിൽ പരിശോധനയ്ക്ക് ലഭ്യമായിരിക്കും.
കണ്ണൂർ സർവകലാശാലയിൽ ഫിസിക്കൽ എഡ്യുക്കേഷനിൽ ഗവേഷണം നടത്തുന്ന പി.എസ്. ഷിജില എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള തുറന്ന സംവാദം 17 ന് രാവിലെ 10.30ന് വീഡിയോ കോൺഫറൻസിംഗിലൂടെ നടത്തുമെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം സെമിനാറിന് മൂന്നു ദിവസം മുന്പ് മുതൽ കണ്ണൂർ സർവകലാശാല സ്കൂൾ ഓഫ് ഫിസിക്കൽ എഡ്യുക്കേഷൻ ആൻഡ് സ്പോർട്സ് സയൻസ് ലൈബ്രറിയിൽ പരിശോധനയ്ക്ക് ലഭ്യമായിരിക്കും.
പ്രോജക്ട് റിപ്പോർട്ട്
വിദൂര വിദ്യാഭ്യാസ വിഭാഗം എംഎ ഇംഗ്ലീഷ് രണ്ടാം വർഷ വിദ്യാർഥികളുടെ പ്രോജക്ട് റിപ്പോർട്ട് 24നകം കണ്ണൂർ സർവകലാശാല (താവക്കര) വിദൂര വിദ്യാഭ്യാസ വിഭാഗത്തിൽ സമർപ്പിക്കേണ്ടതാണ്.
പ്രീമാരിറ്റല് കോഴ്സ് ഉദ്ഘാടനം
സംസ്ഥാന ന്യൂനപക്ഷ ക്ഷേമ വകുപ്പ് കണ്ണൂര് സര്വകലാശാലയുമായി സഹകരിച്ച് ഡോ. ജാനകി അമ്മാള് കാന്പസില് വിവാഹപൂര്വ കൗണ്സലിംഗ് സംഘടിപ്പിച്ചു. ഉദ്ഘാടനം പ്രോ വൈസ് ചാൻസലർ ഡോ. എ. സാബു നിര്വഹിച്ചു. കാന്പസ് ഡയറക്ടര് ഡോ. അനുപ് കുമാര് അധ്യക്ഷത വഹിച്ചു. മാനേജ്മെന്റ് പഠന വിഭാഗം ഹെഡ് ഇൻചാർജ് അനീഷ് കുമാര്, സർവകലാശാല വിദ്യാർഥി യൂണിയൻ ചെയർമാന് എം.കെ. ഹസന് തുടങ്ങിയവര് പ്രസംഗിച്ചു. തലശേരി സിസിഎംവൈ പ്രിന്സിപ്പൽ ടി.കെ. മുനീര്, മീര എന്നിവർ ക്ലാസെടുത്തു.