ഒന്നാം വർഷ ബിരുദാനന്തരബിരുദ പ്രവേശനം 2021 ട്രയൽ അലോട്ട്മെന്റ് പ്രസിദ്ധീകരിച്ചു
202122 അധ്യയന വർഷത്തിലെ ബിരുദാനന്തര ബിരുദ കോഴ്സുകളിലേയ്ക്ക് പ്രവേശനത്തിനുള്ള ട്രയൽ അലോട്ട്മെന്റ് വെബ്സൈറ്റിൽ (http://admissions.keralauniversity.ac.in) പ്രസിദ്ധീകരിച്ചു. ട്രയൽ അലോട്ട്മെന്റ് പരിശോധിച്ചതിനുശേഷം വിദ്യാർഥികൾക്ക് ഓപ്ഷനുകൾ ചേർക്കുന്നതിനും പുനഃക്രമീകരിക്കുന്നതിനും 27നു വൈകുന്നേരം അഞ്ച്വരെ സമയം ഉണ്ടായിരിക്കും. മാറ്റങ്ങൾ വരുത്തുന്നവർ പുതിയ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കണം.
ട്രയൽ അലോട്ട്മെന്റിനു ശേഷം വിദ്യാർഥികൾ ഓപ്ഷനുകളിൽ മാറ്റങ്ങൾ വരുത്തുന്നതിനാൽ ട്രയൽ അലോട്ട്മെന്റിൽ ലഭിച്ച കോളജുകൾക്കും കോഴ്സുകൾക്കും മാറ്റങ്ങൾ വരുവാൻ സാധ്യതയുണ്ട്.
പരീക്ഷാഫലം
മാർച്ചിൽ നടത്തിയ ഒന്നാം സെമസ്റ്റർ എംഎഫ്എ (പെയിന്റിംഗ് ആൻഡ് സ്കൾപ്പ്ച്ചർ), നാലാം വർഷ ബിഎഫ്എ പരീക്ഷകളുടെ ഫലം പ്രസിദ്ധീകരിച്ചു. ബിഎഫ്എ പരീക്ഷയുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കും, എംഎഫ്എ പരീക്ഷയുടെ സൂക്ഷ്മപരിശോധനയ്ക്കും അപേക്ഷിക്കാനുള്ള അവസാന തീയതി നവംബർ 20. വിശദവിവരങ്ങൾ വെബ്സൈറ്റിൽ.
പുതുക്കിയ പരീക്ഷാ തീയതി
ഒക്ടോബർ 18 മുതൽ 22 വരെ നടത്താനിരുന്നതും മാറ്റിവച്ചതുമായ പരീക്ഷകൾ ഒക്ടോബർ 26 മുതലുള്ള ദിവസങ്ങളിലേക്ക് പുനഃക്രമീകരിച്ചു. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ പുതുക്കിയ ടൈംടേബിൾ
വിദൂരവിദ്യാഭ്യാസപഠനകേന്ദ്രം 2021 മേയിൽ നടത്തിയ ഒന്ന്, രണ്ട് സെമസ്റ്റർ എംഎസ്സി കന്പ്യൂട്ടർസയൻസ് പരീക്ഷയുടെ പ്രാക്ടിക്കൽ പരീക്ഷകളുടെ പുതുക്കിയ ടൈംടേബിൾ വെബ്സൈറ്റിൽ.
20, 21, 22 തീയതികളിൽ നടത്താനിരുന്ന മൂന്നാം സെമസ്റ്റർ സിബിസിഎസ്എസ്. സിആർ ബികോം കൊമേഴ്സ് വിത്ത് കന്പ്യൂട്ടർ ആപ്ലിക്കേഷൻ പ്രാക്ടിക്കൽ പരീക്ഷകൾ യഥാക്രമം 27, 28, 29 തീയതികളിൽ നടത്തും.
പ്രാക്ടിക്കൽ
ആറാം സെമസ്റ്റർ ബിടെക് ഫെബ്രുവരി 2021 (2013 സ്കീം) പ്രാക്ടിക്കൽ പരീക്ഷകൾ ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് ബ്രാഞ്ചിന്റെ 13607 മൈക്രോപ്രൊസസർ ലാബ്, 13608 സോഫ്റ്റ്വെയർ ലാബ്, 13609 സിസ്റ്റംസ് ആൻഡ് കണ്ട്രോൾ ലാബ് എന്നീ പ്രാക്ടിക്കൽ പരീക്ഷകൾ യഥാക്രമം 27, 26, 25 തീയതികളിൽ കൊല്ലം ടി.കെ.എം. കോളജ് ഓഫ് എൻജിനിയറിംഗിലിം, മെക്കനിക്കൽ സ്ട്രീം ഓട്ടോമൊബൈൽ എൻജിനിയറിംഗ് ബ്രാഞ്ചിന്റെ 13608 ഇലക്ട്രിക്കൽ ആൻഡ് ഇലക്ട്രോണിക്സ് ലാബിന്റെ പ്രാക്ടിക്കൽ പരീക്ഷ 25 ന് പാപ്പനംകോട് എസ്.സി.ടി. കോളജ് ഓഫ് എൻജിനിയറിംഗിലും നടത്തും. വിശദവിവരങ്ങൾ വെബ്സൈറ്റിൽ.
സ്പെഷൽ പരീക്ഷ
നാലാം സെമസ്റ്റർ എംഎ /എംഎസ്സി/ എംകോം ഡിഗ്രി സ്പെഷൽ പരീക്ഷ നവംബർ ഒന്നിന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
വൈവാ വോസി
23 ന് കരുനാഗപ്പള്ളി ശ്രീ വിദ്യാധിരാജ കോളേജ് ഓഫ് ആർട്സ് ആൻഡ് സയൻസിൽ നടത്താൻ തീരുമാനിച്ചിരുന്ന നാലാം സെമസ്റ്റർ ബാച്ചിലർ ഓഫ് സോഷ്യൽവർക്ക് (ബി.എസ്.ഡബ്ല്യൂ. 315) പ്രോഗ്രാമിന്റെ വൈവാ വോസി പരീക്ഷ 25 ലെ ബാച്ചിനൊപ്പം നടത്തും.
പരീക്ഷാഫീസ്
2021 ഡിസംബറിൽ നടത്തുന്ന അഞ്ചാം സെമസ്റ്റർ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (റെഗുലർ 2019 അഡ്മിഷൻ, സപ്ലിമെന്ററി 2017 2018 അഡ്മിഷൻ) ഡിഗ്രി പരീക്ഷയുടെ വിജ്ഞാപനം പ്രസിദ്ധീകരിച്ചു. പരീക്ഷയ്ക്ക് 30 വരെയും 150 രൂപ പിഴയോടെ നവംബർ മൂന്നുവരെയും 400 രൂപ പിഴയോടെ നവംബർ ആറുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഡിസംബർ ഒന്നിന് ആരംഭിക്കുന്ന അഞ്ചാം സെമസ്റ്റർ സിബിസിഎസ് ബിഎ, ബിഎസ്സി, ബികോം ഡിഗ്രി (റെഗുലർ 2019 അഡ്മിഷൻ, സപ്ലിമെന്ററി 2018 & 2017 അഡ്മിഷൻ) പരീക്ഷകൾക്ക് 29 വരെയും 150 രൂപ പിഴയോടെ നവംബർ രണ്ടു വരെയും 400 രൂപ പിഴയോടെ നവംബർ അഞ്ചുവരെയും ഓണ്ലൈനായി അപേക്ഷിക്കാം. വിശദമായ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്.
2021 ഡിസംബർ ഒന്നിന് ആരംഭിക്കുന്ന അഞ്ചാം സെമസ്റ്റർ കരിയർ റിലേറ്റഡ് ബിഎ, ബിഎസ്സി, ബികോം, ബിപിഎ, ബിവോക്, ബിബിഎ, ബിസിഎ, ബിഎംഎസ്, ബിഎസ്ഡബ്ല്യൂ സിബിസിഎസ്എസ് (റെഗുലർ 2019 അഡ്മിഷൻ, സപ്ലിമെന്ററി 2017 2018 അഡ്മിഷൻ) പരീക്ഷകൾക്ക് പിഴകൂടാതെ 29 വരെയും 150 രൂപ പിഴയോടെ നവംബർ രണ്ടുവരെയും 400 രൂപ പിഴയോടെ നവംബർ അഞ്ച് വരെയും ഓണ്ലൈനായി അപേക്ഷിക്കാം. വിശദമായ വിജ്ഞാപനം സർവകലാശാല വെബ്സൈറ്റിൽ.
മെറിറ്റ് സ്കോളർഷിപ്പ് 2020 21 അപേക്ഷ ക്ഷണിക്കുന്നു
2020 21 വർഷയത്തെ സർവകലാശാല മെറിറ്റ് സ്കോളർഷിപ്പിനുള്ള അപേക്ഷകൾ ക്ഷണിക്കുച്ചു. സർവകലാശാലയുടെ വിവിധ ഡിപ്പാർട്ട്മെന്റുകൾ, അഫിലിയേറ്റഡ് കോളജുകൾ (ഓട്ടോണമസ് കോളജുകൾ ഒഴികെ) കാര്യവട്ടം യൂണിവേഴ്സിറ്റി എൻജിനിയറിംഗ് കോളജ് എന്നിവിടങ്ങളിൽ 2020 21 വർഷം വിവിധ ബിരുദ/ബിരുദാനന്തരബിരുദ കോഴ്സുകൾക്കും (ബിഎ/ ബിഎസ്സി/ ബികോം/ ബിബിഎ/ ബിടെക്/ എൽഎൽബി/ എംഎ/ എംഎസ്സി /എംകോം/ എംഎസ്ഡബ്ല്യൂ/ എംസിജെ/ എംബിഎ/ എംഎഡ്/ എൽഎൽഎം/ എംഎ ജർമൻ/ എംഎ റഷ്യൻ/എംടെക്) പ്രവേശനം ലഭിച്ച വിദ്യാർഥികൾക്ക് അപേക്ഷിക്കാം. കോളജ്/ഡിപ്പാർട്ട്മെന്റ് മേധാവി വഴി നിശ്ചിത ഫോമിലുള്ള അപേക്ഷയും, യോഗ്യതാ പരീക്ഷയുടെ സാക്ഷ്യപ്പെടുത്തിയ പകർപ്പുകളും ലഭിക്കേണ്ട അവസാന തീയതി നവംബർ 30. വിശദവിവരങ്ങൾക്ക് (അപേക്ഷഫോം, സർവകലാശാല മെറിറ്റ് സ്കോളർഷിപ്പിനുള്ള നിയമാവലി) സർവകലാശാലയുടെ വെബ്സൈറ്റ് സന്ദർശിക്കുക.