എംബിഎ സപ്ലിമെന്ററി റാങ്ക്ലിസ്റ്റ്
202122 അധ്യയന വര്ഷത്തെ സര്വകലാശാലാ പഠനവകുപ്പിലേയും അഫിലിയേറ്റഡ് കോളജുകൾ, സ്വാശ്രയ സെന്ററുകള് എന്നിവയിലേയും ഒഴിവുള്ള സീറ്റുകളിലേക്കുള്ള സപ്ലിമെന്ററി റാങ്ക് ലിസ്റ്റ് പ്രവേശന വെബ്സൈറ്റില് പ്രസിദ്ധീകരിച്ചു.
ലിസ്റ്റില് ഉള്പ്പെട്ടവര് അതത് പഠനവകുപ്പ്/കോളജ്/സെന്ററുമായി ബന്ധപ്പെട്ട് 25ന് മുമ്പായി പ്രവേശനം നേടേണ്ടതാണ്. കെമാറ്റ്, സിമാറ്റ്, കാറ്റ് യോഗ്യതയുള്ളവരുടെ അഭാവത്തില് മാത്രമേ ബിരുദധാരികളെ പരിഗണിക്കുകയുള്ളൂ.
ഒറ്റത്തവണ റഗുലര് സപ്ലിമെന്റ് പരീക്ഷ
വിദൂരവിദ്യാഭ്യാസ വിഭാഗം സിസിഎസ്എസ്യുജി 2011 മുതല് 2013 വരെ ബിരുദ പ്രവേശനം നേടിയവര്ക്ക് ഒന്ന്, രണ്ട്, നാല് സെമസ്റ്ററുകളിലേക്കുള്ള സെപ്റ്റംബര് 2021 ഒറ്റത്തവണ റഗുലര് സപ്ലിമെന്ററി പരീക്ഷയ്ക്ക് അപേക്ഷ ക്ഷണിച്ചു. ഓണ്ലൈന് രജിസ്ട്രേഷനുള്ള അവസാന തീയതി നവംബര് 30. രജിസ്ട്രേഷന് ഫീസ് 500 രൂപ. പരീക്ഷാ ഫീസ് നിരക്ക്, അടയ്ക്കേണ്ട തീയതി, പരീക്ഷാ തീയതി എന്നിവ പിന്നീട് അറിയിക്കും. സര്വകലാശാലാ കാമ്പസിലാണ് പരീക്ഷാ കേന്ദ്രം. വിശദവിവരങ്ങള് വെബ്സൈറ്റിൽ.