വിവിധ പഠനവകുപ്പുകളിലും ഇന്റർസ്കൂൾ സെന്ററിലും നടത്തുന്ന ബിരുദ, ബിരുദാനന്തരബിരുദ പ്രോഗ്രാമുകളിൽ പ്രവേശനത്തിനായി 10, 11 തീയതികളിൽ നടത്തുന്ന പൊതുപ്രവേശന പരീക്ഷ (സിഎടി എംജിയു 2021)യുടെ ഹാൾടിക്കറ്റ് അപേക്ഷകർക്ക് www.cat.mgu.ac.in എന്ന വെബ് സൈറ്റിൽ നിന്നും ഡൗണ്ലോഡ് ചെയ്യാം. നേരത്തെ ഓഗസ്റ്റ് 12, 13 തീയതികളിൽ നടത്താനിരുന്ന പരീക്ഷയാണ് മാറ്റി പുതുക്കിയ സമയക്രമമനുസരിച്ച് നടത്തുന്നത്.
നേരത്തെ ഹാൾടിക്കറ്റ് ഡൗണ്ലോഡ് ചെയ്ത് എടുത്തിട്ടുള്ളവർക്ക് പുതുതായി ഹാൾടിക്കറ്റ് ഡൗണ്ലോഡ് ചെയ്യുകയോ പഴയ ഹാൾടിക്കറ്റ് തന്നെ ഉപയോഗിക്കുകയോ ചെയ്യാം. പഴയ ഹാൾടിക്കറ്റ് ഉപയോഗിക്കുന്നവർ വെബ് സൈറ്റ് സന്ദർശിച്ച് പരീക്ഷ തീയതി, സമയം, പരീക്ഷകേന്ദ്രം എന്നിവ കൃത്യമായി ഉറപ്പുവരുത്തേണ്ടതാണ്. എറണാകുളം സെന്റ് തെരേസാസ് ഹയർ സെക്കൻഡറി സ്കൂളിലെ പരീക്ഷ കേന്ദ്രത്തിന് മാറ്റമുണ്ട്. ഈ കേന്ദ്രത്തിന് പകരം പാർക്ക് അവന്യുവിലുള്ള സെന്റ് തെരേസാസ് കോളജിലായിരിക്കും പ്രവേശന പരീക്ഷ നടക്കുക. കൂടുതൽ വിവരങ്ങൾ 04812733595 എന്ന ഫോണ് നന്പറിലുംcat<\@>mgu.ac.in എന്ന ഇമെയിൽ വിലാസത്തിലും ലഭിക്കും.
അപേക്ഷ 10 വരെ കോവിഡ് രോഗബാധ മൂലമോ അനുബന്ധ പ്രശ്നങ്ങളാലോ എംബിഎ സ്പെഷ്യൽ മേഴ്സി ചാൻസ് പരീക്ഷ എഴുതാൻ കഴിയാതിരുന്ന (2015 അഡ്മിഷൻ) വിദ്യാർഥികൾക്കുകൂടി പരീക്ഷ എഴുതാൻ അവസരം. ഇതിലേക്കുള്ള അപേക്ഷകൾ 10 ന് മുന്പ് സമർപ്പിക്കണം. പരീക്ഷാ ഫീസിനും സി.വി. ക്യാംപ് ഫീസിനും പുറമെ സ്പെഷ്യൽ ഫീസായി 5250 രൂപയും ലുമ്യ. epay.
mgu.ac.in മുഖേന അടയ്ക്കണം. അപേക്ഷയോടൊപ്പം അദാലത്ത് സ്പെഷ്യൽ മേഴ്സി ചാൻസ് എംബിഎ പരീക്ഷയുടെ ഹാൾ ടിക്കറ്റും അപ്ലോഡ് ചെയ്യണം. അപേക്ഷയും അനുബന്ധ രേഖകളും
[email protected] എന്ന ഇമെയിൽ വിലാസത്തിലും അയക്കണം.
പരീക്ഷാ തിയതി മൂന്നും നാലും സെമസ്റ്റർ ബിഎ/ബികോം (സിബിസിഎസ്എസ് 2017ന് മുന്പുള്ള അഡ്മിഷൻ സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ് പ്രൈവറ്റ് രജിസ്ട്രേഷൻ) പരീക്ഷകൾ യഥാക്രമം 22, ഒക്ടോബർ ആറ് തീയതികളിൽ ആരംഭിക്കും. വിശദമായ ടൈംടേബിൾ സർവകലാശാല വെബ് സൈറ്റിൽ.
പരീക്ഷഫലം 2021 ഫെബ്രുവരിയിൽ സ്കൂൾ ഓഫ് പ്യുവർ ആന്റ് അപ്ലൈഡ് സയൻസസ് നടത്തിയ മൂന്നാം സെമസ്റ്റർ എംഎസ് സി ഫിസിക്സ് (സിഎസ്എസ് 20192021 ബാച്ച് റഗുലർ) പരീക്ഷയുടെ ഫലം പ്രസിദ്ധീകരിച്ചു.
പിഎച്ച്ഡി പരീക്ഷ സർവകലാശാലയുടെ അംഗീകൃത ഗവേഷണ കേന്ദ്രങ്ങളിൽ 2019ൽ പിഎച്ച്ഡിക്കായി രജിസ്റ്റർ ചെയ്തവർക്കും സെക്കന്റ് സ്പെൽ പൂർത്തിയാക്കിയവർക്കും 2018 സെക്കന്റ് സ്പെൽ പൂർത്തിയാക്കിയവർക്കും സപ്ലിമെന്ററിക്കാർക്കുമുള്ള കോഴ്സ് ഒന്ന്, കോഴ്സ് രണ്ട്, കോഴ്സ് നാല് പരീക്ഷ കോട്ടയം സിഎംഎസ് കോളജ്, എറണാകുളം മഹാരാജാസ് കോളജ് എന്നിവിടങ്ങളിൽ 14, 15, 16 തീയതികളിൽ നടക്കും. 23ന് നടക്കുന്ന കോഴ്സ് മൂന്ന് പരീക്ഷ അതതു റിസർച്ച് സെന്ററുകളിലാണ് നടക്കുക. ഹാൾടിക്കറ്റുകൾ www.distance.mg u.ac.in/mguPhd എന്ന ലിങ്കിലൂടെ യൂസർ ഐഡിയും പാസ്വേഡും ഉപയോഗിച്ച് സെപ്തംബർ ഒന്പതിന് വൈകുന്നേരം മുതൽ ഡൗണ്ലോഡ് ചെയ്യാം. വിശദവിവരത്തിന് ഫോണ്: 04812732947.