ഇന്റേണൽ മാർക്ക് ജൂലൈ 16 വരെ അപ്ലോഡ് ചെയ്യാം
ആറാം സെമസ്റ്റർ സിബിസിഎസ്എസ് ബിഎ/ബിഎസ്സി/ബികാം & സിബിസിഎസ്എസ് (കരിയർ റിലേറ്റഡ്) കോഴ്സുകളുടെ ഇന്റേണൽ മാർക്ക് അപ്ലോഡ് ചെയ്യാനുളള അവസാന തീയതി ജൂലൈ 16.
പുതുക്കിയ പരീക്ഷാക്രമം
ഏപ്രിൽ 3, 6 തീയതികളിൽ നടത്താൻ നിശ്ചയിച്ചിരുന്നതും മാറ്റിവച്ചതുമായ ബികോം/ബിഎ/ബിഎസ്സി എസ്ഡിഇ നാലാം സെമസ്റ്റർ പരീക്ഷകൾ 29, ജൂലൈ ഒന്ന് തീയതികളിൽ ഉച്ചയ്ക്ക് 1.30 മുതൽ 4.30 വരെ നടത്തും. പരീക്ഷാകേന്ദ്രങ്ങളിൽ മാറ്റമില്ല.
പരീക്ഷാഫീസ്
ജൂലൈയിൽ ആരംഭിക്കുന്ന രണ്ടാം സെമസ്റ്റർ എംബിഎ (യുഐഎം/ട്രാവൽ ആന്ഡ് ടൂറിസം/റെഗുലർ ഈവനിംഗ്) (2014 സ്കീം ആന്ഡ് 2018 സ്കീം) സപ്ലിമെന്ററി പരീക്ഷകളുടേയും, 2014 സ്കീം (2014 അഡ്മിഷൻ മാത്രം) മേഴ്സിചാൻസ് പരീക്ഷയുടേയും വിജ്ഞാപനം പ്രസിദ്ധീകരിച്ചു. ഓണ്ലൈൻ രജിസ്ട്രേഷൻ ആരംഭിച്ചു. 30 വരെയും 150 രൂപ പിഴയോടെ ജൂലൈ അഞ്ചു വരെയും 400 രൂപ പിഴയോടെ ജൂലൈ ഏഴു വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാഫലം
മൂന്നാം സെമസ്റ്റർ ബിഎഡ് ഡിഗ്രി (റെഗുലർ 2019 സ്കീം, സപ്ലിമെന്ററി 2015 സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ ഒമ്പതു വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പിഎച്ച്ഡി രജിസ്ട്രേഷൻ ജൂലൈ 2021 ഓണ്ലൈൻ അപേക്ഷ ക്ഷണിച്ചു
ജൂലൈ 2021 സെഷൻ പിഎച്ച്.ഡി. രജിസ്ട്രേഷന് ഒഴിവുകളുളള വിഷയങ്ങളിൽ ഓണ്ലൈൻ അപേക്ഷ ക്ഷണിക്കുന്നു. 2021 ജൂലൈ 1 മുതൽ 15 വരെ സർവകലാശാലയുടെ റിസർച്ച് പോർട്ടൽ വെബ്സൈറ്റിൽ അപേക്ഷകൾ സമർപ്പിക്കാം. വിശദവിവരങ്ങൾക്ക് റിസർച്ച് പോർട്ടൽ വെബ്സൈറ്റ് സന്ദർശിക്കുക. യൂണിവേഴ്സിറ്റി ടീച്ചിംഗ് ഡിപ്പാർട്ട്മെന്റുകൾ ഇല്ലാത്ത വിഷയങ്ങളിൽ അപേക്ഷിച്ചവർ ഓണ്ലൈൻ അപേക്ഷയുടെ പകർപ്പും അനുബന്ധരേഖകളും ജൂലൈ 16 ന് അഞ്ചിനു മുൻപായി രജിസ്ട്രാറിന് സമർപ്പിക്കണം. അപേക്ഷകർ ഫീസ് ഒടുക്കുന്നതിന് ഓണ്ലൈൻ സംവിധാനം പരമാവധി പ്രയോജനപ്പെടുത്തേണ്ടതാണ്