മധ്യവേനൽ അവധി ഇന്നു മുതൽ മേയ് 31 വരെ
എല്ലാ അഫിലിയേറ്റഡ് കോളജുകളുടേയും മധ്യവേനൽ അവധി ഇന്നു മുതൽ മേയ് 31 വരെ ആയിരിക്കും. ജൂണ് ഒന്നിന് കോളജുകൾ തുറന്നു പ്രവർത്തിക്കും
ടൈംടേബിൾ
ജനുവരി 18 ന് ആരംഭിക്കാനിരുന്ന അവസാനവർഷ ബിഡിഎസ് (സപ്ലിമെന്ററി 2008 സ്കീം), ഒക്ടോബർ പരീക്ഷയുടെ പ്രാക്ടിക്കലും വൈവയും എട്ടു മുതൽ തിരുവനന്തപുരം ഗവ.ഡന്റൽ കോളജിൽ നടത്തും.
രണ്ടാം വർഷ (ത്രിവത്സരം) എൽഎൽബി (ഓൾഡ് സ്കീം മേഴ്സി ചാൻസ്) (1998 അഡ്മിഷന് മുൻപുളളത്) പരീക്ഷ 13 ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ .
ആറാം സെമസ്റ്റർ സിബിസിഎസ്എസ് ബിഎ/ബിഎസ്സി/ബികോം. (റെഗുലർ 2018 അഡ്മിഷൻ, സപ്ലിമെന്ററി 2015, 2016, 2017 അഡ്മിഷൻ) പരീക്ഷകൾ 15 മുതൽ ആരംഭിക്കും.
കേരളസർവകലാശാലയുടെ ആറാം സെമസ്റ്റർ സിആർസിബിസിഎസ്എസ് ബിഎ/ബിഎസ്സി/ബികോം/ബിവോക്/ബിപിഎ/ബിസിഎ/ബിബിഎ ഡിഗ്രി പരീക്ഷകൾ 15 മുതൽ ആരംഭിക്കും.
വിശദമായ ടൈംടേബിൾ വെബ്സൈറ്റിൽ .
പരീക്ഷാഫലം
സെപ്റ്റംബറിൽ നടത്തിയ രണ്ടാം സെമസ്റ്റർ ബിഎഡ് സ്പെഷൽ എഡ്യൂക്കേഷൻ (ഐഡി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 13 വരെ അപേക്ഷിക്കാം.
പരീക്ഷാഫീസ്
ബികോം എസ്ഡിഇ ഒന്നും രണ്ടും സെമസ്റ്റർ (2019 അഡ്മിഷൻ, 2018 അഡ്മിഷൻ ആന്ഡ് 2017 അഡ്മിഷൻ) പരീക്ഷയ്ക്കുളള ഓണ്ലൈൻ രജിസ്ട്രേഷൻ ആരംഭിച്ചു. പരീക്ഷയ്ക്ക് എപ്രിൽ ഒമ്പതു വരെയും 150 രൂപ പിഴയോടെ ഏപ്രിൽ 15 വരെയും 400 രൂപ പിഴയോടെ ഏപ്രിൽ 17 വരെയും രജിസ്റ്റർ ചെയ്യാം. പരീക്ഷാത്തീയതി പിന്നീട് അറിയിക്കും.
കേരളസർവകലാശാല നടത്തുന്ന ഒന്നും രണ്ടും സെമസ്റ്റർ ബിഎസ്സി കന്പ്യൂട്ടർ സയൻസ്/ബിസിഎ (വിദൂരവിദ്യാഭ്യാസവിഭാഗം 2019 അഡ്മിഷൻ റെഗുലർ, 2017 & 2018 അഡ്മിഷൻ ഇംപ്രൂവ്മെന്റ്/സപ്ലിമെന്ററി) പരീക്ഷകൾക്ക് ഒമ്പതു വരെയും 150 രൂപ പിഴയോടെ 15 വരെയും 400 രൂപ പിഴയോടെ 17 വരെയും അപേക്ഷിക്കാം. ഓണ്ലൈൻ രജിസ്ട്രേഷൻ ആരംഭിച്ചു. പരീക്ഷാഫീസിനു പുറമേ സിവി ക്യാന്പ് ഫീസായ 250 രൂപയും ആകെ ഫീസിന്റെ അഞ്ചു ശതമാനം തുകയും അധികമായി അടയ്ക്കണം.
ക്യാഷ് കൗണ്ടർ
കേരളസർവകലാശാല പാളയം കാന്പസിലെ ക്യാഷ് കൗണ്ട ർ 5, 7 തീയതികളിൽ പരിമിതമായ രീതിയിൽ മാത്രമേ പ്രവർത്തിക്കുകയുളളൂ. ഈ ദിവസങ്ങളിൽ ഫീസ് ഒടുക്കുവാൻ ഓണ്ലൈൻ സംവിധാനം പരമാവധി പ്രയോജനപ്പെടുത്തേണ്ട താണ്. കോളജിൽ നിന്നും മറ്റുമുളള മൊത്തത്തിലുളള പണം ഒടുക്കലുകൾ മേൽപ്പറഞ്ഞ ദിവസങ്ങളിൽ അനുവദിക്കില്ല. പ്രവർത്തനം എട്ടു മുതൽ പുനരാരംഭിക്കും.
പെൻഷൻ/ഫാമിലി പെൻഷൻ മസ്റ്ററിംഗ്
പെൻഷൻ/ഫാമിലി പെൻഷൻ കൈപ്പറ്റുന്നവർക്കായുളള 2021 22 വർഷത്തെ മസ്റ്ററിംഗ് 2021 ഏപ്രിൽ 3 മുതൽ മേയ് 15 വരെയാണ്. ഇതിനായി പെൻഷൻകാർക്ക് ജീവൻപ്രമാണ് പോർട്ടൽ വഴി ഓണ്ലൈനായോ ഗസറ്റഡ് ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ് ഫിനാൻസ് ഓഫീസർ, കേരളസർവകലാശാല, പാളയം, തിരുവനന്തപുരം 34 എന്ന വിലാസത്തിൽ തപാൽ മാർഗം അയച്ചോ, നേരിട്ടു ഹാജരായോ മസ്റ്റർ ചെയ്യാവും. ഇതിനോടൊപ്പം 2021 22 സാന്പത്തിക വർഷത്തെ ആന്റിസിപ്പേറ്ററി ഇൻകം ടാക്സ് സ്റ്റേറ്റ്മെന്റ് കൂടി നൽകണം.
ജീവൻ പ്രമാണ് സംവിധാനം വഴി പെൻഷൻകാർക്ക് പിപിഒ നന്പർ, ആധാർ നന്പർ, മൊബൈൽ നന്പർ, ബാങ്ക് അക്കൗണ്ട് നന്പർ എന്നീ രേഖകളോടെ പോസ്റ്റ് ഓഫീസ്/അക്ഷയ/ജനസേവന കേന്ദ്രങ്ങളിൽ നിന്നും ഓണ്ലൈനായി മസ്റ്റർ ചെയ്യാം.