പരീക്ഷകൾ മാറ്റിവച്ചു
16ന് ആരംഭിക്കാനിരുന്ന രണ്ടാം സെമസ്റ്റർ പിജിഡിഎൽഡി (നവംബർ 2020) പരീക്ഷകൾ മാറ്റിവച്ചു. പുതുക്കിയ തീയതി പിന്നീട് അറിയിക്കും.
പരീക്ഷകൾ പുനഃക്രമീകരിച്ചു
22ന് നടത്താൻ നിശ്ചയിച്ച അഞ്ചാം സെമസ്റ്റർ ബിരുദ പരീക്ഷകൾ 24ന് നടക്കുന്ന രീതിയിൽ പുനഃക്രമീകരിച്ചു.
17ന് നടത്താൻ നിശ്ചയിച്ച അഫിലിയേറ്റഡ് കോളജുകളിലെ അഞ്ചാം സെമസ്റ്റർ ബിരുദ, മൂന്നാം സെമസ്റ്റർ ബിരുദാനന്തര ബിരുദ പരീക്ഷകൾ മാർച്ച് ഒന്പതിന് നടക്കുന്ന രീതിയിൽ പുനഃക്രമീകരിച്ചു.
19ന് നടത്താൻ നിശ്ചയിച്ച മൂന്നാം സെമസ്റ്റർ ബിരുദാനന്തര ബിരുദ പരീക്ഷകൾ മാർച്ച് പത്തിന് നടക്കുന്ന രീതിയിൽ പുനഃക്രമീകരിച്ചു.
25ന് നടത്താൻ നിശ്ചയിച്ച അഞ്ചാം സെമസ്റ്റർ ബിരുദ ‘ഓപ്പൺ കോഴ്സ്’ പരീക്ഷകൾ മാർച്ച് പത്തിന് നടക്കുന്ന രീതിയിൽ പുനഃക്രമീകരിച്ചു.
ഈ ദിവസങ്ങളിൽ നടത്താൻ നിശ്ചയിച്ച മറ്റു പരീക്ഷകൾക്ക് മാറ്റമില്ല. മാറ്റിവച്ച പരീക്ഷകൾ ഉച്ചയ്ക്ക് 1.30 ന് ആരംഭിക്കും.
മൂന്നാം സെമസ്റ്റർ ബിരുദ പരീക്ഷകൾ
മാർച്ച് എട്ടിന് ആരംഭിക്കാനിരുന്ന മൂന്നാം സെമസ്റ്റർ ബിരുദ പരീക്ഷകൾ മാർച്ച് 15ന് ആരംഭിക്കും.
ഹാൾടിക്കറ്റ്
അഫിലിയേറ്റഡ് കോളജുകളിലെ മൂന്നാം സെമസ്റ്റർ ബിരുദാനന്തര ബിരുദ (ഒക്ടോബർ 2020) പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
സീറ്റൊഴിവ്
കണ്ണൂർ സർവകലാശാല പാലയാട് ഡോ. ജാനകിയമ്മാൾ കാമ്പസിൽ ഒന്നാംവർഷ എംഎസ്സി കംപ്യൂട്ടേഷണൽ ബയോളജി പ്രോഗ്രാമിൽ എസ്സി /എസ്ടി വിഭാഗത്തിൽ രണ്ടു സീറ്റ് ഒഴിവുണ്ട്. ബിഎസ്സി ലൈഫ് സയൻസ് വിഷയങ്ങൾ/കെമിസ്ട്രി /ഫിസിക്സ്/കംപ്യൂട്ടർ സയൻസ്/ മാത്തമാറ്റിക്സ് യോഗ്യതയുള്ളവർ അസൽ രേഖകൾ സഹിതം ജാനകിയമ്മാൾ കാമ്പസിലെ ബയോടെക്നോളജി/മൈക്രോബയോളജി വകുപ്പിൽ 18ന് രാവിലെ 11ന് ഹാജരാകണം.
മാനന്തവാടി കാമ്പസിൽ ഒന്നാംവർഷ എംഎസ്സി പ്ലാന്റ് സയൻസസ് പ്രോഗ്രാമിൽ എസ്സി/എസ്ടി വിഭാഗത്തിൽ ഒരു സീറ്റ് ഒഴിവുണ്ട്. ബിഎസ്സി ബോട്ടണി/പ്ലാന്റ് സയൻസ് യോഗ്യതയുള്ളവർ അസൽ രേഖകൾ സഹിതം മാനന്തവാടി കാമ്പസിലെ പ്ലാന്റ് സയൻസസ് വകുപ്പിൽ 18ന് രാവിലെ 10.30ന് ഹാജരാകണം.