അഞ്ചും മൂന്നും സെമസ്റ്റർ എംസിഎ/എംസിഎ (ലാറ്ററൽ എൻട്രി) റഗുലർ/സപ്ലിമെന്‍ററി/ഇംപ്രൂവ്മെന്‍റ് (2014 അഡ്മിഷൻ മുതൽ) നവംബർ 2020 പരീക്ഷകൾ വിജ്ഞാപനം ചെയ്തു. അഞ്ചാം സെമസ്റ്ററിന് 25 മുതൽ 27വരെ പിഴയില്ലാതെയും മാർച്ച് ഒന്നുവരെ പിഴയോടുകൂടെയും അപേക്ഷിക്കാം. അപേക്ഷകളുടെ പകർപ്പ് മാർച്ച് നാലിനകം സർവകലാശാലയിൽ ലഭിക്കണം. മൂന്നാം സെമസ്റ്ററിന് മാർച്ച് രണ്ടുമുതൽ നാലുവരെ പിഴയില്ലാതെയും ആറുവരെ പിഴയോടുകൂടെയും അപേക്ഷിക്കാം. അപേക്ഷകളുടെ പകർപ്പ് പത്തിനകം സർവകലാശാലയിൽ ലഭിക്കണം. പരീക്ഷാവിജ്ഞാപനങ്ങൾ സർവകലാശാല വെബ്സൈറ്റിൽ.
സീറ്റൊഴിവ്
പാലയാട് ഡോ. ജാനകിയമ്മാൾ കാമ്പസിൽ ഒന്നാംവർഷ എംഎസ്‌സി കംപ്യൂട്ടേഷണൽ ബയോളജി പ്രോഗ്രാമിൽ എസ്‌സി/എസ്ടി വിഭാഗത്തിൽ രണ്ടു സീറ്റ് ഒഴിവുണ്ട്. ബിഎസ്‌സി ലൈഫ് സയൻസ് വിഷയങ്ങൾ/കെമിസ്ട്രി /ഫിസിക്സ്/കംപ്യൂട്ടർ സയൻസ്/മാത്തമാറ്റിക്സ് യോഗ്യതയുള്ളവർ അസൽ രേഖകൾ സഹിതം കാമ്പസിലെ ബയോടെക്നോളജി/മൈക്രോബയോളജി വകുപ്പിൽ 11ന് രാവിലെ 10.30ന് ഹാജരാകണം.
പയ്യന്നൂർ കാമ്പസിൽ ഒന്നാംവർഷ എംഎസ്‌സി നാനോ സയൻസ് ആൻഡ് നാനോ ടെക്നോളജി പ്രോഗ്രാമിൽ എസ്‌സി/എസ്ടി വിഭാഗത്തിൽ രണ്ടു സീറ്റ് ഒഴിവുണ്ട്. ബിഎസ്‌സി കെമിസ്ട്രി/ഫിസിക്സ് യോഗ്യതയുള്ളവർ അസൽ രേഖകൾ സഹിതം സ്വാമി ആനന്ദതീർത്ഥ കാമ്പസിലെ കെമിസ്ട്രി വിഭാഗത്തിൽ എട്ടിനു രാവിലെ 10.30ന് ഹാജരാകണം.
ലാബ് അസിസ്റ്റന്‍റ് നിയമനം
മാങ്ങാട്ടുപറമ്പ് കാമ്പസിൽ പ്രവർത്തിക്കുന്ന സ്കൂൾ ഓഫ് ബിഹേവിയറൽ സയൻസസ് ഡിപ്പാർട്ട്മെന്‍റിൽ ലാബ് അസിസ്റ്റന്‍റ് തസ്തികയിലേക്ക് ഈഴവ/തീയ്യ/ബിലവ വിഭാഗത്തിന് സംവരണം ചെയ്ത ഒഴിവിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നു. സൈക്കോളജിയിൽ ബിരുദമാണ് യോഗ്യത. ഇലക്‌ട്രിക്കൽ /റേഡിയോ ആൻഡ് ടെലിവിഷൻ ട്രേഡ് സർട്ടിഫിക്കറ്റ്, ഡിസിഎ /കംപ്യൂട്ടർ ഹാർഡ്‌വെയർ ആൻഡ് നെറ്റ്‌വർക്ക് ഡിപ്ലോമ എന്നീ അധികയോഗ്യതകൾ ഉള്ളവർക്ക് മുൻഗണന. ഉദ്യോഗാർഥികൾ അസൽ രേഖകൾ സഹിതം പത്തിനു രാവിലെ 11ന് സ്കൂൾ ഓഫ് ബിഹേവിയറൽ സയൻസസ് ഡിപ്പാർട്ട്മെന്‍റിൽ അഭിമുഖത്തിന് ഹാജരാകണം. ഫോൺ 04972782441.
ടെക്കിനിക്കൽ അസിസ്റ്റന്‍റ് നിയമനം
മാങ്ങാട്ടുപറമ്പ് കാമ്പസിലെ ഇൻഫർമേഷൻ ടെക്നോളജി പഠനവകുപ്പിൽ ഈഴവ/തീയ്യ/ബിലവ വിഭാഗത്തിന് സംവരണം ചെയ്ത ഒഴിവിലേക്ക് കരാറടിസ്ഥാനത്തിൽ ടെക്നിക്കൽ അസിസ്റ്റന്‍റിനെ നിയമിക്കുന്നു. ഉദ്യോഗാർഥികൾ യോഗ്യത തെളിയിക്കുന്ന രേഖകളുടെ അസലും പകർപ്പും സഹിതം 12ന് രാവിലെ 11നുമുമ്പ് താവക്കര ആസ്ഥാനത്ത് അഭിമുഖത്തിന് ഹാജരാകണം. വിശദവിവരങ്ങൾ വെബ്സൈറ്റിൽ ലഭ്യമാണ്.
ഗ്രേഡ് കാർഡ് വിതരണം
വിദൂരവിദ്യാഭ്യാസ വിഭാഗത്തിൽ 2020 മാർച്ച് മൂന്നാംവർഷ ബിരുദ (റഗുലർ, സപ്ലിമെന്‍ററി, ഇംപ്രൂവ്മെന്‍റ്) പരീക്ഷയെഴുതിയ മാനന്തവാടി ഗവ. കോളജ് പരീക്ഷാകേന്ദ്രമായി തെരഞ്ഞെടുത്ത (ബിഎ, ബികോം, ബിബിഎ, ബിഎസ്‌സി) വിദ്യാർഥികളുടെ ഗ്രേഡ് കാർഡ് ഒന്പതിന് രാവിലെ 10.30 മുതൽ ഉച്ചകഴിഞ്ഞ് 2.30 വരെ മാനന്തവാടി മേരിമാതാ ആർട്സ് ആൻഡ് സയൻസ് കോളജിൽ വിതരണം ചെയ്യും. വിദ്യാർഥികൾ സർവകലാശാല നൽകിയ തിരിച്ചറിയൽ രേഖ, ഫീസടച്ച രസീത് എന്നിവ ഹാജരാക്കുകയും കോവിഡ് മാനദണ്ഡങ്ങൾ പാലിക്കുകയും ചെയ്യുക. വിശദവിവരങ്ങൾ വെബ്സൈറ്റിൽ ലഭ്യമാണ്.