കണ്ണൂർ സർവകലാശാല മാങ്ങാട്ടുപറമ്പ് കാമ്പസിലെ പരിസ്ഥിതിപഠന വകുപ്പിൽ ഇടിബിക്ക് സംവരണം ചെയ്ത ലാബ് അസിസ്റ്റന്‍റിന്‍റെ ഒരു താത്കാലിക ഒഴിവുണ്ട്. ഏതെങ്കിലും ശാസ്ത്ര വിഷയത്തിൽ ബിരുദം നേടിയ ഉദ്യോഗാർഥികൾ ഒന്പതിന് രാവിലെ 10.30 ന് മുമ്പ് യോഗ്യത തെളിയിക്കുന്ന അസൽ രേഖകളുമായി പരിസ്ഥിതിപഠന വകുപ്പിൽ അഭിമുഖത്തിന് ഹാജരാകണം. ഫോൺ: 9746602652, 04972 781043.
കോഷൻ ഡെപ്പോസിറ്റ് 201820 ബാച്ചിൽ എംഎസ്‌സി എൻവയോൺമെന്‍റൽ സയൻസ് പാസായ കുട്ടികളുടെ കോഷൻ ഡെപ്പോസിറ്റ് ഒന്പതിന് വിതരണം ചെയ്യും.
ഗ്രേഡ് കാർഡ് വിതരണം വിദൂര വിദ്യാഭ്യാസ വിഭാഗത്തിൽ 2020 മാർച്ച് മൂന്നാംവർഷ ബിരുദ (റഗുലർ, സപ്ലിമെന്‍ററി, ഇംപ്രൂവ്മെന്‍റ്) പരീക്ഷയെഴുതിയ കാസർഗോഡ് ഗവ. കോളജ്, മഞ്ചേശ്വരം ജിപിഎം കോളജ് എന്നീ കോളജുകൾ പരീക്ഷാകേന്ദ്രങ്ങളായി തെരഞ്ഞെടുത്ത ബിരുദ (ബിഎ, ബികോം, ബിബിഎ, ബിഎസ്‌സി) വിദ്യാർഥികളുടെ ഗ്രേഡ് കാർഡ് നാളെ കാസർഗോഡ് ചാല കാന്പസിൽ രാവിലെ 10.30 മുതൽ ഉച്ചകഴിഞ്ഞ് 2.30 വരെ വിതരണം ചെയ്യും. വിദ്യാർഥികൾ സർവകലാശാല നൽകിയ തിരിച്ചറിയൽ രേഖ, ഫീസടച്ച രസീത് എന്നിവ ഹാജരാക്കുകയും കോവിഡ് മാനദണ്ഡങ്ങൾ പാലിക്കുകയും ചെയ്യണം. വിശദവിവരങ്ങൾ വെബ്സൈറ്റിൽ.
പ്രോജക്ട് റിപ്പോർട്ട് വിദൂരവിദ്യാഭ്യാസ വിഭാഗം മൂന്നാംവർഷ ബിഎ ഹിസ്റ്ററി, ബികോം വിദ്യാർഥികളുടെ പ്രോജക്ട് റിപ്പോർട്ട് മാർച്ച് മൂന്നുമുതൽ 22 വരെ രാവിലെ 10.30 മുതൽ വൈകുന്നേരം നാലുവരെ താവക്കരയിലെ വിദൂര വിദ്യാഭ്യാസ വിഭാഗത്തിൽ സമർപ്പിക്കണം. വിശദവിവരങ്ങൾ സർവകലാശാലാ വെബ്സൈറ്റിൽ.
നവകേരളം യുവകേരളം; ഓൺലൈൻ രജിസ്ട്രേഷൻ മാങ്ങാട്ടുപറമ്പ് കാന്പസിൽ 13ന് നടക്കുന്ന ’നവകേരളം യുവകേരളം’ സിഎം അറ്റ് കാന്പസ് പരിപാടിയിൽ ഓൺലൈനായി രജിസ്റ്റർ ചെയ്യുന്നതിനുള്ള സമയപരിധി ഇന്നു വൈകുന്നേരം അഞ്ചുവരെ ദീർഘിപ്പിച്ചു. സർവകലാശാലാ വെബ്സൈറ്റിൽ ’നവകേരളം യുവകേരളം’ സിഎം അറ്റ് കാന്പസ് എന്ന പോർട്ടലിൽ ഓൺലൈൻ രജിസ്ട്രേഷനുള്ള ലിങ്ക് ലഭ്യമാണ്. പരിപാടിയിൽ നേരിട്ടു പങ്കെടുക്കാൻ കോളജ് തലത്തിൽ തെഞ്ഞെടുക്കപ്പെട്ട വിദ്യാർഥികളുടെ പേരുവിവരം നിശ്ചിത ഫോർമാറ്റിൽ സർവകലാശാലയിൽ എത്തിക്കാൻ പ്രിൻസിപ്പൽമാരും വകുപ്പുതലവൻമാരും ശ്രദ്ധിക്കണം. ഡയറക്‌ടർ, വിദ്യാർഥിക്ഷേമവിഭാഗം, താവക്കര കാന്പസ്, കണ്ണൂർ സർവകലാശാല, കണ്ണൂർ2 എന്ന വിലാസത്തിലോ,
[email protected] എന്ന ഇമെയിൽ വിലാസത്തിലോ വേണം വിവരങ്ങൾ നൽകേണ്ടത്.
അക്കാഡമിക് കൗൺസിൽ തെരഞ്ഞെടുപ്പ് കണ്ണൂർ സർവകലാശാല അക്കാഡമിക് കൗൺസിലിലേക്ക് വിവിധ വിഷയങ്ങളിലെ അധ്യാപകരുടെ മണ്ഡലത്തിൽനിന്നുള്ള തെരഞ്ഞെടുപ്പ് നാളെ രാവിലെ 10 മുതൽ മൂന്നു വരെ സർവകലാശാല കാമ്പസുകളിലും ഗവ./എയ്ഡഡ് കോളജുകളിലും നടത്തും.
പ്രായോഗിക പരീക്ഷകൾ വിദൂരവിദ്യാഭ്യാസ വിഭാഗം ഒന്ന്, രണ്ട്, വർഷ ബിസിഎ ഏപ്രിൽ 2020 പ്രായോഗിക പരീക്ഷകൾ കോവിഡ് മാനദണ്ഡപ്രകാരം അഞ്ച്, എട്ട് തീയതികളിൽ കണ്ണൂർ ചാല ചിന്മയ ആർട്സ് ആൻഡ് സയൻസ് വനിതാ കോളജിൽ നടക്കും. വിശദവിവരങ്ങൾ വെബസൈറ്റിൽ.
ടൈംടേബിൾ 11ന് ആരംഭിക്കുന്ന മൂന്നാംസെമസ്റ്റർ ബിപിഎഡ് (റഗുലർ/സപ്ലിമെന്‍ററി) നവംബർ 2020 പരീക്ഷാടൈംടേബിൾ പ്രസിദ്ധീകരിച്ചു.
17ന് ആരംഭിക്കുന്ന അഫിലിയേറ്റഡ് കോളജുകളിലെ മൂന്നാംസെമസ്റ്റർ ബിരുദാനന്തര ബിരുദ (റഗുലർ/സപ്ലിമെന്‍ററി/ഇംപ്രൂവ്മെന്‍റ്2014 അഡ്മിഷൻ മുതൽ) ഒക്‌ടോബർ 2020 പരീക്ഷാടൈംടേബിൾ പ്രസിദ്ധീകരിച്ചു. ടൈംടേബിളുകൾ സർവകലാശാല വെബ്സൈറ്റിൽ.
ഹാൾടിക്കറ്റ് സർവകലാശാല പഠനവകുപ്പുകളിലെ മൂന്നാം സെമസ്റ്റർ ബിരുദാനന്തര ബിരുദ (റഗുലർ/സപ്ലിമെന്‍ററി) നവംബർ 2020 പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
ഇന്‍റേണൽ അസസ്മെന്‍റ് മാർക്ക് ബിഎ എൽഎൽബി 2019 അഡ്മിഷൻ വിദ്യാർഥികളുടെ ഒന്നാം സെമസ്റ്റർ (നവംബർ 2019) ബിരുദ റഗുലർ പരീക്ഷയുടെ ഇന്‍റേണൽ അസെസ്മെന്‍റ് മാർക്ക് അഞ്ചു മുതൽ ഒന്പത് വരെ വൈകുന്നേരം അഞ്ചു വരെ സമർപ്പിക്കാം.
പ്രായോഗിക പരീക്ഷ ഒന്ന്, രണ്ട് വർഷ വിദൂരവിദ്യാഭ്യാസ ബിസിഎ (ഏപ്രിൽ 2020) പ്രായോഗിക പരീക്ഷകൾ കോവിഡ് മാനദണ്ഡ പ്രകാരം അഞ്ച്, എട്ട് തീയതികളിൽ കണ്ണൂർ ചാല ചിന്മയ ആർട്സ് ആൻഡ് സയൻസ് കോളജിൽ നടക്കും.