പിജി പ്രവേശനം; എസ്‌സി, എസ്ടി രണ്ടാം പ്രത്യേക അലോട്ടുമെന്റിന് അപേക്ഷിക്കാം
ഏകജാലകം വഴിയുള്ള ബിരുദാനന്തര ബിരുദ പ്രവേശനത്തിന് പട്ടികജാതി, പട്ടികവർഗ വിഭാഗക്കാർക്കുള്ള രണ്ടാം പ്രത്യേക അലോട്ടുമെന്റിന് ഇന്നും നാളെയും ഓപ്ഷൻ രജിസ്ട്രേഷൻ നടത്താം. നിലവിൽ അപേക്ഷ നൽകാത്തവർക്കും മുൻ അലോട്ടുമെന്റിൽ പ്രവേശനം ലഭിച്ചവർക്കും ഓപ്ഷൻ നൽകാം. ഓണ്‍ലൈൻ അപേക്ഷയിൽ വരുത്തിയ തെറ്റുമൂലം അലോട്ടുമെന്റിന് പരിഗണിക്കപ്പെടാത്തവർക്കും അലോട്ടുമെന്റിലൂടെ ലഭിച്ച പ്രവേശനം റദ്ദാക്കിയവർക്കും പ്രത്യേക ഫീസ് അടയ്ക്കാതെ ഓപ്ഷൻ നൽകാം. നിലവിലുള്ള ആപ്ലിക്കേഷൻ നന്പരും പാസ് വേഡും ഉപയോഗിച്ച് www.cap.mgu.ac.in എന്ന വെബ്സൈറ്റിലെ അക്കൗണ്ട് ക്രിയേഷൻ ലിങ്കിൽ ക്ലിക്ക് ചെയ്യുന്പോൾ ലഭിക്കുന്ന പുതിയ ആപ്ലിക്കേഷൻ നന്പരും പഴയ പാസ് വേഡും ഉപയോഗിച്ച് ലോഗിൻ ചെയ്താണ് പുതുതായി ഓപ്ഷൻ നൽകേണ്ടത്.
പരീക്ഷാഫലം
2020 ജനുവരിയിൽ നടന്ന ഒന്നും രണ്ടും സെമസ്റ്റർ ബിഎ പ്രൈവറ്റ് (സിബിസിഎസ്എസ് 2017ന് മുന്പുള്ള അഡ്മിഷൻ സപ്ലിമെന്‍ററി, 2012 അഡ്മിഷൻ മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി 13 വരെ സർവകലാശാല വെബ്സൈറ്റിലെ സ്റ്റുഡന്‍റ്സ് പോർട്ടൽ ലിങ്ക് വഴി ഓണ്‍ലൈനായി അപേക്ഷിക്കാം.