ബിരുദാനന്തരബിരുദ പ്രവേശനം: ഒന്നാം സപ്ലിമെന്‍ററി അലോട്ട്മെന്റ് പ്രസിദ്ധീകരിച്ചു
ഒന്നാംവർഷ ബിരുദാനന്തരബിരുദ പ്രവേശനത്തിനുള്ള ഒന്നാം സപ്ലിമെന്‍ററി അലോട്ട്മെന്റ് പ്രസിദ്ധീകരിച്ചു. വിദ്യാർഥികൾക്ക് പ്രൊഫൈലിൽ ലോഗിൻ ചെയ്ത് അലോട്ട്മെന്റ് പരിശോധിക്കാം. പുതിയതായി അലോട്ട്മെന്റ് ലഭിച്ചവർ ഓണ്‍ലൈനായി ഫീസ് അടച്ച് അലോട്ട്മെന്റ് മെമ്മോ ഡൗണ്ലോഡ് ചെയ്യുക. നിലവിൽ ഏതെങ്കിലും കോളേജിൽ അഡ്മിഷൻ എടുത്ത് സ്പെഷൽ സപ്ലിമെന്‍ററി അലോട്ട്മെന്റ് ഓപ്ഷൻ നൽകിയവർ പുതിയ അലോട്ട്മെന്റ് ലഭിക്കുകയാണെങ്കിൽ പ്രൊഫൈലിൽ നിന്നും അലോട്ട്മെന്റ് മെമ്മോ ഡൗണ്ലോഡ് ചെയ്യണം. ഇന്നു മുതൽ അഞ്ച്‌വരെയാണ് കോളജിൽ പോയി അഡ്മിഷൻ എടുക്കേണ്ടത്. കോളേജിൽ പോയി അഡ്മിഷൻ എടുക്കേണ്ട തീയതിയും സമയവും അലോട്ട്മെന്റ് മെമ്മോയിൽ നൽകിയിട്ടുണ്ട്. അലോട്ട്മെന്റ് ലഭിച്ചവർ മെമ്മോയിൽ പറഞ്ഞിരിക്കുന്ന സമയത്ത് തന്നെ ആവശ്യമായ രേഖകളുടെ ഒറിജിനൽ സഹിതം കോളജിൽ ഹാജരായി അഡ്മിഷൻ എടുക്കണം.
സ്പോർട്സ് ക്വാട്ട സീറ്റുകളിലേക്കുള്ള പ്രവേശനം: കൗണ്‍സിലിംഗ് 11 ന്
ഒന്നാം വർഷ ബിരുദാനന്തര ബിരുദ പ്രവേശനം സ്പോർട്സ് ക്വാട്ട സീറ്റുകളിലേക്കുള്ള റാങ്ക് ലിസ്റ്റ് പ്രസിദ്ധീകരിച്ചു. വിദ്യാർഥികൾക്ക് അവരുടെ പ്രൊഫൈലിൽ ലോഗിൻ ചെയ്ത് സ്പോർട്സ് ക്വാട്ട എന്ന ടാബ് ഉപയോഗിച്ച് റാങ്ക് ലിസ്റ്റ് പരിശോധിക്കാം. സ്പോർട്സ് ക്വാട്ട സീറ്റുകളിലേക്കുള്ള കൗണ്‍സിലിംഗ് 11ന് അതത് കോളജുകളിൽ നടക്കും. പ്രവേശനം ആഗ്രഹിക്കുന്ന സ്പോർട്സ് ക്വാട്ട റാങ്ക് ലിസ്റ്റിൽ ഉൾപ്പെട്ടവർ 11ന് രാവിലെ 10.30ന് അതത് കോളജുകളിൽ ഹാജരായിരിക്കണം. വിശദവിവരങ്ങൾക്ക് അഡ്മിഷൻ വെബ്സൈറ്റ് സന്ദർശിക്കുക.
സ്പെഷൽ ഫിനാൻഷ്യൽ അസിസ്റ്റൻസ് ഫോർ എസ്‌സി/എസ്ടി റിസർച്ച് സ്കോളർസ്
എസ്‌സി/എസ്ടി (ഫുൾടൈം) ഗവേഷക വിദ്യാർഥികൾക്കുളള സ്പെഷൽ ഫിനാൻഷ്യൽ അസിസ്റ്റൻസ് (2020 2021) യോഗ്യരായ വിദ്യാർഥികളിൽ നിന്നും അപേക്ഷകൾ ക്ഷണിച്ചു. അപേക്ഷകൾ സ്വീകരിക്കുന്ന അവസാന തീയതി 29. അപേക്ഷാഫോമും വിശദവിവരങ്ങളും വെബ്സൈറ്റിൽ.
എംഎസ്ഡബ്ല്യൂ അഡ്മിഷൻ
2020 21 അധ്യയന വർഷത്തേക്കുളള ലയോള കോളജ് ഓഫ് സോഷ്യൽ സയൻസസ്, ശ്രീകാര്യത്തെ എംഎസ്ഡബ്ല്യൂ ഡിസാസ്റ്റർ മാനേജ്മെന്‍റ് കോഴ്സിലേക്കും വിഗ്യാൻ കോളജ് ഓഫ് അപ്ലൈഡ് സയൻസസ്, ശ്രീ വിദ്യാധിരാജാ ആർട്സ് ആൻഡ് സയൻസ് കോളജ് എന്നീ കോളജുകളിലെ എംഎസ്ഡബ്ല്യൂ കോഴ്സിലേക്കും അഡ്മിഷനു വേണ്ടി അപേക്ഷകൾ സമർപ്പിക്കാം. അപേക്ഷകൾ സമർപ്പിക്കേണ്ട അവസാന തീയതി 10. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ജനുവരി നാലിന് ആരംഭിക്കുന്ന അഞ്ചാം സെമസ്റ്റർ ബിഎ എസ്എൽപി (സിബിസിഎസ്എസ് സ്ട്രീം) സപ്ലിമെന്‍ററി ഡിഗ്രി പരീക്ഷയ്ക്ക് പിഴകൂടാതെ ഒന്പതുവരെയും 150 രൂപ പിഴയോടെ 14 വരെയും 400 രൂപ പിഴയോടെ 16 വരെയും അപേക്ഷിക്കാം.
പി.ജി. ഡിപ്ലോമ ഇൻ കൗണ്‍സിലിംഗ് സൈക്കോളജി അപേക്ഷ ക്ഷണിച്ചു
തുടർവിദ്യാഭ്യാസ വ്യാപനകേന്ദ്രത്തിന്‍റെ ആഭിമുഖ്യത്തിൽ തിരുവനന്തപുരം ലയോള കോളജിൽ നടത്തുന്ന പി.ജി. ഡിപ്ലോമ ഇൻ കൗണ്‍സിലിംഗ് സൈക്കോളജി കോഴ്സിന് 11വരെ അപേക്ഷിക്കാം. യോഗ്യത: അംഗീകൃത ബിരുദം. ഉയർന്ന പ്രായപരിധി ഇല്ല. ഫീസ്: 16,500/ രൂപ. കോഴ്സ് ദൈർഘ്യം: ഒരു വർഷം, ക്ലാസുകൾ: ശനി, ഞായർ ദിവസങ്ങളിൽ. അപേക്ഷാഫോറം 100 രൂപയ്ക്ക് കോളജ് ഓഫീസിൽ നിന്നും ലഭിക്കും. തപാലിൽ ലഭിക്കേണ്ടവർ പ്രിൻസിപ്പലിന്‍റെ പേരിൽ 110 രൂപ ഡിഡിയും സ്വന്തം മേൽവിലാസം എഴുതി സ്റ്റാന്പൊട്ടിച്ച കവറും അയയ്ക്കുക. വിശദവിവരങ്ങൾക്ക്: 0471 2592059, 0471 2591018
എംടെക് ഒപ്റ്റോ ഇലക്ട്രോണിക്സ് സ്പോട്ട് അഡ്മിഷൻ
ഒപ്റ്റോഇലക്ട്രോണിക്സ് പഠന വകുപ്പിൽ നടത്തുന്ന AICTE അംഗീകാരമുള്ള M.Tech Electronics & Communication (Optoelectronics & Optical Communication) പ്രോഗ്രാമിന് പട്ടികജാതി/ പട്ടികവർഗ വിഭാഗത്തിലുള്ള വിദ്യാർഥികൾക്കായി ഒഴിവുള്ള രണ്ടു സീറ്റിലേക്ക് സ്പോട്ട് അഡ്മിഷൻ നടത്തുന്നു. താല്പര്യമുള്ള വിദ്യാർഥികൾ അസൽ സർട്ടിഫിക്കറ്റുകളുമായി നാലിന് രാവിലെ 10ന് കാര്യവട്ടത്തുള്ള കേരളസർവകലാശാല ഒപ്റ്റോഇലക്ട്രോണിക്സ് പഠന വകുപ്പിൽ ഹാജരാകണം. കൂടുതൽ വിവരങ്ങൾക്ക് 04712308167 എന്ന നന്പറിൽ ബന്ധപ്പെടുക.