ആകാശ് സ്കോളര്ഷിപ്പ് പരീക്ഷ 12 മുതല്
കൊച്ചി: ആകാശ് ഇന്സ്റ്റിറ്റ്യൂട്ടിന്റെ ദേശീയ വാര്ഷിക സ്കോളര്ഷിപ്പ് പരീക്ഷയായ ആകാശ് നാഷണല് ടാലന്റ് ഹണ്ട് എക്സാം ആന്തെന്റെ (ANTHE 2020) പുതുക്കിയ പരീക്ഷ തീയതികള് പ്രഖ്യാപിച്ചു. 12 മുതല് 20 വരെ എല്ലാ ദിവസവും ഉച്ചയ്ക്കു 12 മുതല് രാത്രി 8.30 വരെയാണ് ഓണ്ലൈന് പരീക്ഷകള് നടത്തുന്നത്. ലോഗിന് വിന്ഡോയില്നിന്നു വിദ്യാര്ഥികള്ക്ക് എപ്പോള് വേണമെങ്കിലും പരീക്ഷ എഴുതാം.
ഓണ്ലൈന് പരീക്ഷയ്ക്ക് അപേക്ഷ സമര്പ്പിക്കുന്നതിനുള്ള അവസാന തീയതി പരീക്ഷ തീയതിയുടെ മൂന്ന് ദിവസം മുമ്പാണ്. ഓഫ് ലൈന് പരീക്ഷയ്ക്കു പരീക്ഷാ തിയതിയുടെ ഏഴ് ദിവസം മുമ്പ് വരെയും അപേക്ഷിക്കാം. 200 രൂപയാണ് പരീക്ഷ ഫീസ്.