കുഫോസ്: ബിടെക് സ്പോട്ട് അഡ്മിഷന്‍ നാലിന്
കൊച്ചി: കേരള ഫിഷറീസ് സമുദ്രപഠന സര്‍വകലാശാല(കുഫോസ്)യില്‍ ബിടെക് ഫുഡ് സയന്‍സ് ആന്‍ഡ് ടെക്നോളജി കോഴ്സില്‍ ഒഴിവുള്ള സീറ്റുകളിലേക്ക് നാലിനു സ്പോട്ട് അഡ്മിഷന്‍ നടത്തും. ജനറല്‍ വിഭാഗത്തിലും എന്‍ആര്‍ഐ ക്വോട്ടയിലും മത്സ്യത്തൊഴിലാളികളുടെ മക്കള്‍ക്കായി സംവരണം ചെയ്തിട്ടുള്ള സീറ്റുകളിലും ഒഴിവുകള്‍ ഉണ്ട്. കെഇഎഎം റാങ്ക് ലിസ്റ്റില്‍ ഉള്‍പ്പെട്ട താത്പര്യമുള്ള വിദ്യാര്‍ഥികള്‍ സര്‍ട്ടിഫിക്കറ്റുകളും മറ്റു രേഖകളും സഹിതം നാലിനു രാവിലെ 9.30ന് എറണാകുളം പനങ്ങാടുള്ള കുഫോസ് ആസ്ഥാനത്ത് ഹാജരാകണം. എന്‍ആര്‍ഐ ക്വോട്ടയിലെ പ്രവേശനത്തിന് കെഇഎഎം റാങ്ക് സര്‍ട്ടിഫിക്കറ്റ് നിര്‍ബന്ധമല്ലെന്നും അധികൃതര്‍ അറിയിച്ചു.