ബിരുദാനന്തര ബിരുദ പ്രവേശനം; സാധ്യത അലോട്ട്മെന്റ് പ്രസിദ്ധീകരിച്ചു
ഏകജാലകം വഴിയുള്ള ബിരുദാനന്തര ബിരുദപ്രവേശനത്തിന് സാധ്യത അലോട്ട്മെന്റ് പ്രസിദ്ധീകരിച്ചു. www.ca p.mgu.ac.in എന്ന വെബ് സൈറ്റിലെ പിജി ക്യാപ് 2020 എന്ന ലിങ്കിൽ വിശദവിവരം ലഭിക്കും. അപേക്ഷകർക്ക് തിരുത്തലുകൾ വരുത്താനും ഓപ്ഷനുകൾ ചേർക്കാനും ഒഴിവാക്കാനും പുനഃക്രമീകരിക്കാനും അഞ്ചിനു വൈകുന്നേരം നാലുവരെ അവസരം ലഭിക്കും.
പട്ടികജാതി/പട്ടികവർഗ വിഭാഗത്തിൽപ്പെടുന്നവർ ജാതി സർട്ടിഫിക്കറ്റും എസ്ഇബിസി, ഒഇസി വിഭാഗത്തിൽപ്പെടുന്നവർ ജാതി, വരുമാന സർട്ടിഫിക്കറ്റുകളും (ഒരു ഫയലായി) അല്ലെങ്കിൽ നോണ് ക്രീമിലെയർ സർട്ടിഫിക്കറ്റും ഇഡബ്ല്യുഎസ് വിഭാഗക്കാർ ഇൻകം ആൻഡ് അസറ്റ് സർട്ടിഫിക്കറ്റും അപ്ലോഡ് ചെയ്യണം. വിവരങ്ങൾ വെബ്സൈറ്റിൽ.
യുജി, പിജി പ്രൈവറ്റ് രജിസ്ട്രേഷന് അപേക്ഷിക്കാം
ബിഎ, ബികോം, എംഎ, എംകോം, എംഎസ് സി. (മാത്തമാറ്റിക്സ്) എന്നീ കോഴ്സുകളിലേക്ക് പ്രൈവറ്റ് രജിസ്ട്രേഷന് അപേക്ഷ ക്ഷണിച്ചു. ഇന്നു മുതൽ അപേക്ഷ നൽകാം. വിവരങ്ങൾ വെബ്സൈറ്റിൽ.
യുജി നോണ് ഫുൾ കോഴ്സുകളിൽ രണ്ടുമുതൽ ആറുവരെ സെമസ്റ്ററുകളിലേക്കുള്ള റഗുലർ ടു പ്രൈവറ്റ് സ്ട്രീം മാറ്റം, ബികോം അഡീഷണൽ ഓപ്ഷണൽ, ഇലക്ടീവ്, അഡീഷണൽ സെക്കന്റ് ലാംഗ്വേജ്/കോമണ്കോഴ്സ് രണ്ട്, അഡീഷണൽ ഡിഗ്രി, ഫാക്കൽറ്റി മാറ്റം, അഡീഷണൽ കോമണ് കോഴ്സ് ഒന്ന് ആൻഡ് രണ്ട് എന്നീ വിഭാഗങ്ങളിൽ പ്രൈവറ്റ് രജിസ്ട്രേഷൻ അനുവദിക്കും.
പിജി നോണ് ഫുൾ കോഴ്സ് വിഭാഗത്തിൽ രണ്ടുമുതൽ നാലു സെമസ്റ്റർ വരെ 2019 സിലബസിൽ റെഗുലർ ടു പ്രൈവറ്റ് സ്ട്രീം മാറ്റം അനുവദിച്ചിട്ടുണ്ട്. ഫുൾ കോഴ്സ്, നോണ് ഫുൾ കോഴ്സ് അപേക്ഷകൾ 21 വരെ സ്വീകരിക്കും.
ഒന്നും രണ്ടും സെമസ്റ്റർ യുജി, പിജി ഫുൾ കോഴ്സ് രജിസ്ട്രേഷന് ഓണ്ലൈനായി അപേക്ഷ നൽകണം. ഓണ്ലൈൻ രജിസ്ട്രേഷൻ പോർട്ടലിൽക്കൂടി മാത്രമേ ഫീസടയ്ക്കാവൂ. www.epay.mgu.ac.in കോഴ്സുകളുടെ അപേക്ഷയും അനുബന്ധരേഖകളും അസോസിയേറ്റ് പ്രൊഫസർ ഇൻ ചാർജ് ഓഫ് പ്രൈവറ്റ് രജിസ്ട്രേഷൻ, മഹാത്മാഗാന്ധി സർവകലാശാല, തപാൽ സെക്ഷൻ, റൂം നന്പർ 49, പ്രിയദർശിനിഹിൽസ് പിഒ, കോട്ടയം 686560 എന്ന വിലാസത്തിൽ രജിസ്ട്രേഡ് പോസ്റ്റിൽ അയയ്ക്കാം. കൂടാതെ സർവകലാശാല ഫ്രണ്ട് ഓഫീസിലെ പ്രത്യേക ബോക്സിൽ ഇടാം. www.mg u.ac.in ഫോണ്: 04812733681, 2731325 (ബികോം), 2733455 (ബികോം), 2733427 (എംഎ, എംകോം, എംഎസ് സി.), 2733365 (ബിഎ, ബികോം, എംകോം).
സീറ്റൊഴിവ്
സർവകലാശാല സ്കൂൾ ഓഫ് ബയോസയൻസസിൽ എംഎസ്സി. ബയോടെക്നോളജി, ബയോകെമിസ്ട്രി, ബയോഫിസിക്സ് പ്രോഗ്രാമുകളിൽ എസ്ടി വിഭാഗത്തിൽ ഓരോ സീറ്റൊഴിവുണ്ട്. യോഗ്യരായവർ ജാതി, യോഗ്യത എന്നിവ തെളിയിക്കുന്ന രേഖകളുമായി നാലിന് രാവിലെ 11ന് പഠനവകുപ്പിലെത്തണം.
യുജിസി നെറ്റ്, ജെആർഎഫ് പരീക്ഷാ പരിശീലനം
മാനവിക വിഷയങ്ങൾക്കുള്ള യുജിസിനെറ്റ്, ജെആർഎഫ്. പരീക്ഷയുടെ ജനറൽ പേപ്പറിനുവേണ്ടിയുള്ള പരിശീലനം സർവകലാശാല എംപ്ലോയ്മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയുടെ ആഭിമുഖ്യത്തിൽ ആരംഭിക്കുന്നു. വിശദവിവരത്തിന് ഫോണ്: 04812731025.