ഒന്നാം വർഷ ബിരുദാനന്തര ബിരുദ പ്രവേശനം 2020 ഓണ്ലൈൻ രജിസ്ട്രേഷൻ ആരംഭിച്ചു
കേരളസർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ കോളജുകൾ / സെന്ററുകൾ എന്നിവിടങ്ങളിലെ 202021 അധ്യയന വർഷത്തെ ഒന്നാം വർഷ ബിരുദാനന്തര ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ ആരംഭിച്ചു ().
എല്ലാ കോളജുകളിലേയും മെറിറ്റ് സീറ്റുകളിലേക്കും എസ്സി/എസ്ടി/ എസ്ഇബിസി സംവരണ സീറ്റുകളിലേക്കും ഏകജാലക സംവിധാനം വഴിയായിരിക്കും അലോട്ട്മെന്റ്. കേരള സർവകലാശാലയുടെ കീഴിൽ ബിരുദാനന്തര ബിരുദ പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി അപേക്ഷ സമർപ്പിച്ചിരിക്കണം.
കമ്മ്യൂണിറ്റി ക്വാട്ട, സ്പോർട്ട്സ് ക്വാട്ട പ്രവേശനത്തിനായുള്ള രജിസ്ട്രേഷൻ ഓണ്ലൈനായി നടത്തും. കോളജുകളിൽ അപേക്ഷ സമർപ്പിക്കേണ്ടതില്ല.
സ്പോർട്സ് ക്വാട്ട
സ്പോർട്സ് ക്വാട്ടയിൽ പ്രവേശനം ആഗ്രഹിക്കുന്ന വിദ്യാർഥികൾ ഓണ്ലൈൻ അപേക്ഷയിലെ സ്പോർട്സ് കോളത്തിന് നേരെ "യെസ് ’ എന്ന് രേഖപ്പെടുത്തണം. സ്പോർട്സ് ഇനം, ഏതു തലത്തിലെ നേട്ടമാണ് എന്നിവ സെലക്ട് ചെയ്തിരിക്കണം. സ്പോർട്സ് നേട്ടങ്ങളുടെ സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്യണം. ഓണ്ലൈൻ രജിസ്ട്രേഷനിൽ നൽകിയിട്ടുള്ള കോളജുകളും ഓപ്ഷനുകളും മാത്രമേ പരിഗണിക്കുകയുള്ളു. സ്പോർട്സ് ക്വാട്ട പ്രവേശനം ആഗ്രഹിക്കുന്ന, സ്പോർട്സ് സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്ത എല്ലാ വിദ്യാർഥികളും വെബ്സൈറ്റിൽ നിന്നും ഡൗണ്ലോഡ് ചെയ്ത പ്രൊഫോർമയുടെ പകർപ്പ് അപേക്ഷയിൽ ഓപ്ഷൻ നൽകിയിട്ടുള്ള കോളജുകളിൽ (പ്രവേശനത്തിന് താൽപര്യമുള്ള കോളജുകളിൽ മാത്രം) രജിസ്ട്രേഷൻ അവസാനിക്കുന്ന തീയതിക്കുള്ളിൽ നേരിട്ടോ ഇമെയിൽ ആയോ സമർപ്പിക്കണം. ഒരു കോളജിലെ ഒന്നിലധികം കോഴ്സുകളിലേയ്ക്കുള്ള സ്പോർട്സ് ക്വാട്ട സീറ്റിലേയ്ക്ക് അപേക്ഷിച്ചിട്ടുണ്ടെങ്കിലും അവയിലേയ്ക്കെല്ലാം പരിഗണിക്കുന്നതിനായി ഒരു കോളജിൽ ഒരു പ്രൊഫോർമ സമർപ്പിച്ചാൽ മതി.
കമ്മ്യൂണിറ്റി ക്വാട്ട
എയ്ഡഡ് കോളജുകളിലെ കമ്മ്യൂണിറ്റി ക്വാട്ട സീറ്റുകളിലേക്ക് ബന്ധപ്പെട്ട സമുദായത്തിലെ വിദ്യാർഥികൾക്ക് അപേക്ഷിക്കാം. മെറിറ്റ് അടിസ്ഥാനത്തിൽ റാങ്ക് പട്ടിക തയാറാക്കും. ഓണ്ലൈൻ രജിസ്ട്രേഷൻ പൂർത്തിയാക്കിയവർക്ക് ലോഗിൻ ചെയ്ത ശേഷം താത്പര്യമുള്ള വിഷയങ്ങൾ / കോളജുകൾ പ്രത്യേക ഓപ്ഷനായി നൽകാം. ഓപ്ഷനുകൾ നൽകിയതിനുശേഷം സേവ് ചെയ്ത് അതിന്റെ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കുക. പ്രിന്റൗട്ടിന്റെ പകർപ്പ് കോളജുകളിലോ സർവകലാശാലയിലോ സമർപ്പിക്കേണ്ടതില്ല. കമ്മ്യൂണിറ്റി ക്വാട്ടക്കു മാത്രമായി പുതിയ രജിസ്ട്രേഷൻ അനുവദിക്കുന്നതല്ല. നിലവിൽ രജിസ്ട്രേഷനുള്ളവർക്ക് മാത്രം അപേക്ഷ സമർപ്പിക്കാം. നിശ്ചിത സമയം കഴിഞ്ഞ് രജിസ്ട്രേഷൻ നടത്താൻ കഴിയുന്നതല്ല.
പ്രത്യേക ശ്രദ്ധയ്ക്ക്
ഏകജാലക സംവിധാനത്തിലുള്ള എല്ലാ ഫീസുകളും ഓണ്ലൈൻ വഴി മാത്രം അടയ്ക്കേണ്ടതാണ്. ഡിമാന്റ് ഡ്രാഫ്റ്റ്, ചെക്ക് എന്നിവ സ്വീകരിക്കുന്നതല്ല. സംശയനിവാരണത്തിന് എല്ലാ പ്രവർത്തി ദിവസങ്ങളിലും 8281883052, 8281883053 എന്നീ ഹെൽപ്പ്ലൈൻ നന്പരുകളിൽ ബന്ധപ്പെടാം. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാല ആസ്ഥാനത്തേയ്ക്ക് അയയ്ക്കേണ്ടതില്ല. ആയത് പ്രവേശന സമയത്ത് അതത് കോളജുകളിൽ ഹാജരാക്കിയാൽ മതിയാകും.
പ്രോസ്പെക്ടസ് വായിച്ചതിനു ശേഷം മാത്രം ഓണ്ലൈൻ രജിസ്ട്രേഷൻ നടത്തുക. കൂടുതൽ വിവരങ്ങൾക്ക് എന്ന വെബ്സൈറ്റ് സന്ദർശിക്കുക.
കേരള സർവകലാശാല ഒന്നാം വർഷ ബിരുദ പ്രവേശനം 2020 ഒന്നാം ഘട്ട അലോട്ട്മെന്റ്
കേരള സർവകലാശാലയുടെ 202021 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിനുള്ള ഒന്നാം ഘട്ട അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ച അപേക്ഷകർ അഡ്മിഷൻ വെബ്സൈറ്റിൽ ലോഗ് ഇൻ ചെയ്ത് നിശ്ചിത സർവകലാശാല ഫീസ് (ഫീസ് വിശദാംശങ്ങൾ വെബ്സൈറ്റിൽ) സെപ്റ്റംബർ 17ന് വൈകുന്നേരം അഞ്ചിനകം ഓണ്ലൈനായി ഒടുക്കി തങ്ങളുടെ അലോട്ട്മെന്റ് ഉറപ്പാക്കണം. വിശദവിവരങ്ങൾ വെബ്സൈറ്റിൽ.
ടൈംടേബിൾ
23 ന് ആരംഭിക്കുന്ന രണ്ടാം സെമസ്റ്റർ എംഎഡ് റിസർച്ച് പ്രൊപ്പോസൽ പ്രിപ്പറേഷൻ ആൻഡ് പ്രസന്റേഷൻ ആൻഡ് ഇന്റർഫേസ് വിത്ത് എക്സ്റ്റേണൽ ബോർഡ് (ഐഇബി) പരീക്ഷയുടെ വിശദമായ ടൈംടേബിൾ വെബ്സൈറ്റിൽ.
ബിഎ ആന്വൽ സ്കീം പാർട്ട് മൂന്ന് ഇംഗ്ലീഷ്, ഏപ്രിൽ 2020 പരീക്ഷയുടെ വൈവ വോസി 17, 18, 22, 23 എന്നീ തീയതികളിൽ കേരള സർവകലാശാല സെനറ്റ് ഹാളിലും, 23, 24, 25 എന്നീ തീയതികളിൽ കെയുസിടിഇ ബോയിസ് എച്ച്എസ് കാന്പസ് തേവള്ളി, കൊല്ലത്തും , 24, 25 എന്നീ തീയതികളിൽ എസ്ഡി കോളജ്, ആലപ്പുഴയിലും നടത്തും. വിശദമായ ടൈംടേബിൾ വെബ്സൈറ്റിൽ .
എൽഎൽബി പരീക്ഷകൾക്ക് പുതിയ നാല് പരീക്ഷാകേന്ദ്രങ്ങൾ
28 ന് ആരംഭിക്കുന്ന രണ്ടാം സെമസ്റ്റർ യൂണിറ്ററി (ത്രിവൽസരം) എൽഎൽബി പരീക്ഷകൾക്ക് സർവകലാശാലയുടെ കീഴിലുള്ള ഏഴ് ലോ കോളജുകൾ കൂടാതെ സെന്റ് മൈക്കിൾസ് കോളജ്, ചേർത്തല, ഗവ.കോളജ്, നാട്ടകം കോട്ടയം, ഗവ.കോളജ് മീഞ്ചന്ത കോഴിക്കോട്, ഗവ.ട്രെയിനിംഗ് കോളജ്, തലശേരി എന്നീ നാലു പുതിയ പരീക്ഷാകേന്ദ്രങ്ങൾ കൂടി അനുവദിച്ചിരിക്കുന്നു. പരീക്ഷാകേന്ദ്രം മാറി എഴുതുവാൻ ആഗ്രഹിക്കുന്ന വിദ്യാർഥികൾ പ്രസ്തുത വിവരം അവരവരുടെ കോളജ് പ്രിൻസിപ്പൽമാരെ 23നു മുൻപ് അറിയിക്കണം.
പരീക്ഷാഫീസ്
ബിടെക് പാർട്ട് ടൈം റീസ്ട്രക്ച്ചേർഡ് നാലാം സെമസ്റ്റർ (2008 ആൻഡ് 2013 സ്കീം) ആറാം സെമസ്റ്റർ (2008 സ്കീം) സപ്ലിമെന്ററി പരീക്ഷകളുടെ രജിസ്ട്രേഷൻ ആരംഭിച്ചു. പിഴകൂടാതെ 23 വരെയും 150 രൂപ പിഴയോടെ 28 വരെയും 400 രൂപ പിഴയോടെ സെപ്റ്റംബർ 30 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.