ന്യൂഡൽഹി എസ്പിഎയിൽ എംആർക്, എംപ്ലാൻ
കേന്ദ്ര മാനവശേഷി വികസന മന്ത്രാലയം ദേശീയ പ്രാധാന്യമുള്ള സ്ഥാപനമായി അംഗീകരിച്ചിട്ടുള്ള ന്യൂഡൽഹിയിലെ സ്കൂൾ ഓഫ് പ്ലാനിംഗ് ആൻഡ് ആർക്കിടെക്ചറിൽ (എസ്പിഎ) മാസ്റ്റേഴ്സ്, ഡോക്ടറൽ പ്രോഗ്രാമുകളിലേക്കുള്ള അഡ്മിഷനുള്ള പ്രവേശന പരീക്ഷയും ഇന്‍റർവ്യുവും മാർച്ച് 30, 31, ഏപ്രിൽ ഒന്ന് തീയതികളിൽ നടത്തും. 25 മുതൽ മാർച്ച് 13 വരെ ഓൺലൈനായി അപേക്ഷിക്കാം. രണ്ടു വർഷം ദൈർഘ്യമുള്ളതാണ് എംആർക്/എംപ്ലാൻ കോഴ്സുകൾ. വെബ്സൈറ്റ്: www.spa.ac.in.
മാസ്റ്റേഴ്സ് കോഴ്സുകളും യോഗ്യതയും
ആർക്കിടെക്ചറൽ കൺസർവേഷൻ ആൻഡ് അർബൻ ഡിസൈൻ: ബിആർക്/ ബിപ്ലാൻ.
എൻവയൺമെന്‍റൽ പ്ലാനിംഗ്: ബിആർക്ക്/ ബിപ്ലാൻ/ബിടെക് സിവിൽ, എൻവയൺമെന്‍റൽ എൻജിനിയറിംഗ്. അല്ലെങ്കിൽ ജ്യോഗ്രഫി, ഇക്കണോമിക്സ്,സോഷ്യോളജി, എൻവയൺമെന്‍റൽ സയൻസിൽ മാസ്റ്റേഴ്സ് ഡിഗ്രി.
റീജണൽ പ്ലാനിംഗ് ആൻഡ് അർബൻ പ്ലാനിംഗ്, ഹൗസിംഗ്: ബിആർക്/ ബിപ്ലാൻ/ബിടെക് സിവിൽ, എൻവയൺമെന്‍റൽ എൻജിനിയറിംഗ്. അല്ലെങ്കിൽ ജ്യോഗ്രഫി, ഇക്കണോമിക്സ്,സോഷ്യോളജി മാസ്റ്റേഴ്സ് ഡിഗ്രി.
ട്രാൻസ്പോർട് പ്ലാനിംഗ്: ബിആർക്/ ബിപ്ലാൻ/ബിടെക് സിവിൽ എൻജിനിയറിംഗ്. അല്ലങ്കിൽ ഇക്കണോമിക്സ്, സ്റ്റാറ്റിസ്റ്റിക്സ് എന്നിവയിൽ മാസ്റ്റേഴ്സ് ബിരുദം.
ലാൻഡ്സ്കേപ് ആർക്കിടെക്ചർ: ബിആർക്ക്/ ബിപ്ലാൻ/ലാൻഡ് സ്കേപ് ആർക്കിടെക്ചറിൽ ബിരുദം.
ബിൽഡിംഗ് എൻജിനിയറിംഗ് ആൻഡ് മാനേജ്മെന്‍റ്: ബിആർക്ക്/ ബിടെക് സിവിൽ/ കൺസ്ട്രക്ഷൻ എൻജിനിയറിംഗിൽ അഞ്ചു വർഷത്തെ ഡിപ്ലോമ.
ഇൻഡസ്ട്രിയൽ ഡിസൈൻ: ബാച്ചിലേഴ്സ് ഡിഗ്രി ഇൻ ആർക്കിടെക്ചർ, എൻജിനിയറിംഗ്, ഡിസൈൻ, ഫൈൻആർട്സ്.കുറഞ്ഞത് 55 ശതമാനം മാർക്ക് നേടിയിരിക്കണം. അവസാന വർഷ വിദ്യാർഥികൾക്കും അപേക്ഷിക്കാം.
അപേക്ഷാ ഫീസ് 2500 രൂപ.
ബിആർക്ക്/ബി പ്ലാൻ: ബിആർക്ക്/ബിപ്ലാൻ കോഴ്സുകളിലേക്കുള്ള അഡ്മിഷൻ നാഷണൽ ടെസ്റ്റിംഗ് ഏജൻസി നടത്തുന്ന ജെഇഇമെയിൻ പരീക്ഷയുടെ റാങ്ക് പട്ടിക അടിസ്ഥാനമാക്കിയാണ്. ബിപ്ലാൻ കോഴ്സിൽ നിന്നും 15 വിദ്യാർഥികളെ മാസ്റ്റേഴ്സ് ഓഫ് പ്ലാനിംഗ് ഇന്‍റഗ്രേറ്റഡ് കോഴ്സിലേക്കു തെരഞ്ഞെടുക്കും.