തിരുവനന്തപുരം: സംസ്ഥാന സഹകരണ യൂണിയന്‍റെ ആഭിമുഖ്യത്തിൽ ജൂണിൽ ആരംഭിക്കുന്ന ജൂണിയർ ഡിപ്ലോമ ഇൻ കോഓപ്പറേഷൻ (ജെഡിസി) കോഴ്‌സിന് അപേക്ഷ ക്ഷണിച്ചു. അപേക്ഷാഫോം 15 മുതൽ മാർച്ച് 31 വരെ എല്ലാ സഹകരണ പരിശീലന കേന്ദ്രങ്ങളിലും ആറൻമുള, പാലാ, നോർത്ത് പറവൂർ, തിരൂർ, തലശേരി എന്നീ സഹകരണ പരിശീലന കോളജുകളിലും ലഭിക്കും.
അപേക്ഷകർ എസ്എസ്എൽസി/ തത്തുല്യമായ സർക്കാർ അംഗീകരിച്ചിട്ടുളള പരീക്ഷ പാസായവരും ജൂൺ ഒന്നിന് 16 വയസ് പൂർത്തിയായവരും, 40 വയസ് കഴിഞ്ഞിട്ടില്ലാത്തവരുമായിരിക്കണം. ഉയർന്ന പ്രായപരിധി എസ്‌സി/എസ്ടി വിഭാഗക്കാർക്ക് 45 വയസും, ഒബിസി വിഭാഗക്കാർക്ക് 43 വയസുമാണ്. സഹകരണ സംഘം ജീവനക്കാർക്ക് ഉയർന്ന പ്രായപരിധി ബാധകമല്ല.
ജനറൽ, പട്ടികജാതി/ പട്ടികവർഗം, സഹകരണ സംഘം ജീവനക്കാർ എന്നീ മൂന്ന് വിഭാഗങ്ങളിലേക്കുളള അപേക്ഷാഫോമുകൾ പ്രത്യേകം ലഭിക്കും.
അപേക്ഷാഫോം തിരുവനന്തപുരം (കുറവൻകോണം, കവടിയാർ.പി.ഒ, ഫോൺ 04712436689), കൊട്ടാരക്കര (അവന്നൂർ, 04742454787), ആറൻമുള (പഞ്ചായത്ത് സാംസ്‌ക്കാരിക നിലയം, ആറൻമുള (04682278140), ചേർത്തല (ദീപിക ജംഗ്ഷൻ, ചേർത്തല 04782813070), കോട്ടയം (നാഗമ്പടം, കോട്ടയം, 04812564738), പാല (മീനച്ചിൽ കോംപ്ലക്‌സ്, പാല, 04822213107), ഇടുക്കി, (പടിഞ്ഞാറെക്കവല, നെടുങ്കണ്ടം, 04868234311), നോർത്ത് പറവൂർ (സഹകാരി ഭവൻ, നോർത്ത് പറവൂർ, എറണാകുളം 04842447866), തൃശൂർ (സിവിൽ ലൈൻ റോഡ്, അയ്യന്തോൾ, 04872380462), പാലക്കാട് (കോളജ് റോഡ്, 04912522946), തിരൂർ (സഹകരണ ഭവൻ, മാവുംകുന്ന് തിരൂർ, മലപ്പുറം, 04942423929), കോഴിക്കോട് (തളി, 04952702095), തലശേരി (മണ്ണയാട്, നെട്ടൂർ.പി.ഒ, 04902354065), കണ്ണൂർ (സൗത്ത് ബസാർ, 04972706790), വയനാട് (കരണി, 04936289725), കാസർഗോഡ് (മുന്നാട്, ചെങ്കള 04994207350) എന്നീ സഹകരണ പരിശീലന കേന്ദ്രങ്ങളിൽ /കോളജുകളിൽ നിന്നും ലഭിക്കും. പൂരിപ്പിച്ച അപേക്ഷാ ഫോം, പ്രോസ്പെക്ടസിൽ നിർദേശിച്ചിട്ടുള്ള രേഖകൾ എന്നിവ സഹിതം ബന്ധപ്പെട്ട സഹകരണ പരിശീലന കേന്ദ്രം/കോളജ് പ്രിൻസിപ്പലിന് മാർച്ച് 31 വൈകുന്നേരം നാലിനു മുൻപായി ലഭ്യമാക്കണം.