എംബിഎ ഫുള്ടൈം/ പാര്ട്ട്ടൈം പ്രവേശനത്തിന് അപേക്ഷ ക്ഷണിച്ചു
കോമേഴ്സ് ആൻഡ് മാനേജ്മെന്റ് സ്റ്റഡീസ്, സര്വകലാശാലാ സ്വാശ്രയ കേന്ദ്രങ്ങള് (ഫുള്ടൈം/പാര്ട്ട്ടൈം), സാശ്രയ കോളജുകള് എന്നിവയില് എംബിഎ പ്രവേശനത്തിന് അപേക്ഷ ക്ഷണിച്ചു. സര്വകലാശാലാ ഫണ്ടിലേക്ക് ഇപെയ്മെന്റായി 555 രൂപ (എസ് സി/ എസ്ടി 187 രൂപ) ഫീസടച്ച് 28നകം ഓണ്ലൈനായി രജിസ്റ്റര് ചെയ്യണം. രണ്ട് ഘട്ടങ്ങളായാണ് അപേക്ഷ സമര്പ്പിക്കേണ്ടത്. ആദ്യഘട്ടത്തില് കാപ് ഐഡിയും പാസ്വേര്ഡും മൊബൈലില് ലഭ്യമാവുന്നതിന് അപേക്ഷകര് www.cuonline.ac.in വെബ്സൈറ്റിലെ എംബിഎ 2020 രജിസ്ട്രേഷന് എന്ന ലിങ്കിലൂടെ അടിസ്ഥാന വിവരങ്ങള് നല്കണം. രണ്ടാംഘട്ടത്തില് മൊബൈലില് ലഭിച്ച കാപ് ഐഡിയും പാസ് വേര്ഡും ഉപയോഗിച്ച് ലോഗിന് ചെയ്ത് അപേക്ഷ പൂര്ത്തീകരിക്കണം. അപേക്ഷയുടെ അവസാനമാണ് ഫീസടച്ച് ഫൈനല് രജിസ്റ്റര് ചെയ്യേണ്ടത്. അപേക്ഷാ ഫീ അടച്ചതിന് ശേഷം റീ ലോഗിന് ചെയ്ത് അപേക്ഷയുടെ പ്രിന്റൗട്ട് എടുക്കണം. സ്വാശ്രയ കോളജുകളിലെ മാനേജ്മെന്റ് ക്വോട്ടയില് പ്രവേശനം ആഗ്രഹിക്കുന്നവരും നിശ്ചിത ഫീസടച്ച് രജിസ്റ്റര് ചെയ്യണം. ബിരുദഫലം കാത്തിരിക്കുന്നവര്ക്കും അപേക്ഷിക്കാം. യോഗ്യതാ മാര്ക്ക് ലിസ്റ്റിന്റെ ഒറിജിനല് ജൂണ് ഒന്നിനകം സമര്പ്പിക്കണം. അപേക്ഷകര് കെമാറ്റ്/ സിമാറ്റ്/ കാറ്റ് യോഗ്യത നേടിയിരിക്കണം. അപേക്ഷയുടെ പ്രിന്റൗട്ട്, ചലാന് (എസ് സി/ എസ്ടി വിഭാഗം കമ്യൂണിറ്റി സര്ട്ടിഫിക്കറ്റിന്റെ പകര്പ്പ്) എന്നിവ സഹിതം മാര്ച്ച് രണ്ടിന് വൈകുന്നേരം അഞ്ചിനകം ഹെഡ് ഓഫ് ദി ഡിപ്പാര്ട്ട്മെന്റ്, ഡിപ്പാര്ട്ട്മെന്റ് ഓഫ് കോമേഴ്സ് ആൻഡ് മാനേജ്മെന്റ് സ്റ്റഡീസ്, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തില് സമര്പ്പിക്കണം. വിവരങ്ങള് വെബ്സൈറ്റില് . ഫോണ്: 0494 2407363, 2407017.
യുജി സ്റ്റാറ്റിസ്റ്റിക്സ് കോംപ്ലിമെന്ററി പേപ്പര് പരീക്ഷ 20ന്
2019 ഡിസംബര് ആറിന് നടത്താനിരുന്ന മാറ്റിവച്ച അഫിലിയേറ്റഡ് കോളജ്/ വിദൂരവിദ്യാഭ്യാസം/ പ്രൈവറ്റ് രജിസ്ട്രേഷന് മൂന്നാം സെമസ്റ്റര് യു.ജി സ്റ്റാറ്റിസ്റ്റിക്സിന്റെ കോംപ്ലിമെന്ററി പേപ്പര് എസ് റ്റി എസ് 3.സി. 03സ്റ്റാറ്റിസ്റ്റിക്കല് ഇന്ഫിയറന്സ് (2015 മുതല് പ്രവേശനം) റഗുലര് / സപ്ലിമെന്ററി/ ഇംപ്രൂവ്മെന്റ് പരീക്ഷ 20ന് നടക്കും.
പരീക്ഷ
അഫ്സല് ഉല്ഉലമ പ്രിലിമിനറി രണ്ടാം വര്ഷ (2013 സിലബസ്2015 പ്രവേശനം മാത്രം, 2016 സിലബസ്2016, 2017, 2018 പ്രവേശനം) റഗുലര്/ സപ്ലിമെന്ററി/ ഇംപ്രൂവ്മെന്റ് പരീക്ഷ മാര്ച്ച് പത്തിന് ആരംഭിക്കും.
പരീക്ഷാഫലം
രണ്ടാം സെമസ്റ്റര് ബിഎ മള്ട്ടിമീഡിയ/ ബിഎംഎംസി ഏപ്രില് 2019 റഗുലര് / സപ്ലിമെന്ററി/ ഇംപ്രൂവ്മെന്റ് പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 22 വരെ അപേക്ഷിക്കാം.
2019 ജൂലൈയില് നടത്തിയ രണ്ടാം സെമസ്റ്റര് എംബിഎ (റഗുലര്, ഈവനിംഗ്സിയുസിഎസ്എസ്) പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 22 വരെ അപേക്ഷിക്കാം.
ഒന്ന്, രണ്ട് സെമസ്റ്റര് ബി.ടെക് (2009 പ്രവേശനം) സപ്ലിമെന്ററി പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 25 വരെ അപേക്ഷിക്കാം.