ബിരുദാനന്തര ബിരുദ പ്രവേശനത്തിനുള്ള ക്യാറ്റ് രജിസ്ട്രേഷൻ 20 മുതൽ
പഠനവകുപ്പുകളിലെ ബിരുദാനന്തര ബിരുദ പ്രവേശനത്തിനു ദേശീയതലത്തിൽ നടത്തുന്ന പ്രവേശന പരീക്ഷയുടെ (ക്യാറ്റ്) രജിസ്ട്രേഷൻ 20ന് ആരംഭിച്ച് മാർച്ച് 20ന് അവസാനിക്കും. പ്രവേശന പരീക്ഷ ഏപ്രിൽ 25, 26 തീയതികളിൽ നടക്കും.
അപേക്ഷാതീയതി
അഞ്ചാം സെമസ്റ്റർ സിബിസിഎസ് യുജി പരീക്ഷയിൽ പരാജയപ്പെട്ട വിദ്യാർഥികൾക്ക് ആറുമുതൽ 10 വരെയും 525 രൂപ പിഴയോടെ 11 വരെയും 1050 രൂപ സൂപ്പർഫൈനോടെ 12 വരെയും സർവകലാശാല പോർട്ടലിലൂടെ അപേക്ഷിക്കാം. വിദ്യാർഥികൾ പേപ്പറൊന്നിന് 35 രൂപ വീതം (സെമസ്റ്ററിന് പരമാവധി 210 രൂപ) സിവി ക്യാന്പ് ഫീസടയ്ക്കണം. കൂടാതെ രജിസ്ട്രേഷൻ ഫീസായി 55 രൂപയും പരീക്ഷഫീസിനു പുറമെ അടയ്ക്കണം. ഇന്റേണൽ മൂല്യനിർണയ റീഡു പരീക്ഷയ്ക്ക് അപേക്ഷിക്കുന്നവർ പേപ്പറൊന്നിന് 105 രൂപ വീതം അടയ്ക്കണം. പ്രോജക്ട് മൂല്യനിർണയത്തിന് 100 രൂപ പ്രോജക്ട് ഇവാല്യുവേഷൻ ഫീസടയ്ക്കണം. പരീക്ഷ തീയതി പിന്നീട്.
പരീക്ഷാതീയതി
ഒന്നാം വർഷ ബിഎസ്സി നഴ്സിംഗ് (പുതിയ സ്കീം 2016 അഡ്മിഷൻ മുതൽ) സപ്ലിമെന്ററി പരീക്ഷകൾ 25 മുതൽ ആരംഭിക്കും. 10 വരെയും 525 രൂപ പിഴയോടെ 11 വരെയും 1,050 രൂപ സൂപ്പർ ഫൈനോടെ 12 വരെയും അപേക്ഷിക്കാം. വിദ്യാർഥികൾ പേപ്പറൊന്നിന് 35 രൂപ വീതം (പരമാവധി 210 രൂപ) സിവി ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
പ്രാക്ടിക്കൽ
2019 നവംബറിലെ ഒന്നാം സെമസ്റ്റർ ബിഎ മൾട്ടിമീഡിയ, ആനിമേഷൻ ആൻഡ് ഗ്രാഫിക് ഡിസൈൻ, വിഷ്വൽ ആർട്സ്, വിഷ്വൽ കമ്യൂണിക്കേഷൻ, ആനിമേഷൻ ആൻഡ് വിഷ്വൽ ഇഫക്ട്സ്, ഓഡിയോഗ്രഫി ആൻഡ് ഡിജിറ്റൽ എഡിറ്റിംഗ് (സിബിസിഎസ്, 2019 അഡ്മിഷൻ റെഗുലർ, 201718 അഡ്മിഷൻ റീഅപ്പിയറൻസ്, സിബിസിഎസ്എസ് 201316 അഡ്മിഷൻ റീഅപ്പിയറൻസ്) യുജി പരീക്ഷയുടെ പ്രാക്ടിക്കൽ 10 മുതൽ തുടങ്ങും. ടൈംടേബിൾ സർവകലാശാല വെബ്സൈറ്റിൽ.
സെനറ്റിൽ ഒഴിവ് നികത്താനുള്ള തെരഞ്ഞെടുപ്പ് വിജ്ഞാപനമായി. 20ന് വൈകുന്നേരം മൂന്നുവരെ നാമനിർദേശ പത്രിക സമർപ്പിക്കാം. വിശദവിവരം www.m gu.ac.in എന്ന വെബ്സൈറ്റിൽ.
...