കാലിക്കട്ട് സര്വകലാശാലയുടെ കോഴിക്കോട് സെന്റര് ഫോര് കോസ്റ്റ്യൂം ആൻഡ് ഫാഷന് ഡിസൈനിംഗില് അസിസ്റ്റന്റ് പ്രഫസര് കരാര് നിയമനത്തിന് അപേക്ഷിച്ചവര്ക്കുള്ള അഭിമുഖം ഒമ്പതിന് ഉച്ചയ്ക്ക് രണ്ടിന് സര്വകലാശാലാ ഭരണവിഭാഗത്തില് നടക്കും. വിവരങ്ങള് www.uoc.ac.in വെബ്സൈറ്റില്.
ടെക്നീഷന് അഭിമുഖം
ടെക്നീഷന് (മെക്കാനിക്കല്/ഇലക്ട്രോണിക്സ്) കരാര് നിയമനത്തിന് അപേക്ഷിച്ചവര്ക്കുള്ള അഭിമുഖം ഒമ്പതിന് രാവിലെ 9.30ന് ഭരണവിഭാഗത്തില് നടക്കും. യോഗ്യരായവരുടെ പേരും നിര്ദ്ദേശങ്ങളും വെബ്സൈറ്റില്.
നാമനിര്ദ്ദേശ പത്രിക സമര്പ്പിക്കാനുള്ള തിയതി നീട്ടി
കാലിക്കട്ട് യൂണിവേഴ്സിറ്റി യൂണിയന് എക്സിക്യൂട്ടീവ് കൗണ്സിലിലേക്ക് നാമനിര്ദ്ദേശ പത്രിക സമര്പ്പിക്കാനുള്ള സമയം ഒമ്പത് ഉച്ചയ്ക്ക് ഒന്നുവരെ നീട്ടി. സൂക്ഷ്മ പരിശോധന ജനുവരി പത്തിന് ബ്രാക്കറ്റില് കൊടുത്ത സമയത്ത് നടത്തും. വയനാട് ജില്ല (10.30), പാലക്കാട് ജില്ല (11.00), തൃശൂര് ജില്ല (11.30), കോഴിക്കോട് ജില്ല (2.30), മലപ്പുറം ജില്ല (3.30). മറ്റ് നടപടി ക്രമങ്ങള്ക്ക് മാറ്റമില്ല. ജനുവരി എട്ടിലെ പണിമുടക്കിന്റെ പശ്ചാത്തലത്തിലാണ് തിയതി നീട്ടിയത്.
എംബിബിഎസ് സപ്ലിമെന്ററി പരീക്ഷ
ഫൈനല് എംബിബിഎസ് പാര്ട്ട് ഒന്ന് സപ്ലിമെന്ററി (2009 പ്രവേശനം മാത്രം), അഡീഷണല് സ്പെഷല് സപ്ലിമെന്ററി (2008 ഉം അതിന് മുമ്പുമുള്ള പ്രവേശനം) പരീക്ഷ 13ന് ആരംഭിക്കും.
പരീക്ഷാ അപേക്ഷ
ഒമ്പതാം സെമസ്റ്റര് ബിബിഎഎല്എല്ബി ഓണേഴ്സ് (2014 പ്രവേശനം മാത്രം), അഞ്ചാം സെമസ്റ്റര് എല്എല്ബി യൂണിറ്ററി (ത്രിവത്സരം, 2016 പ്രവേശനം) എല്ലാ പേപ്പറുകള്ക്കുമുള്ള സേ പരീക്ഷയ്ക്ക് (പ്രാക്ടിക്കല് , ഇന്റെണല് അസസ്മെന്റ് ഒഴികെ) പിഴകൂടാതെ 13 വരെയും 170 രൂപ പിഴയോടെ 15 വരെയും ഫീസടച്ച് 16 വരെ രജിസ്റ്റര് ചെയ്യാം.
ഏഴാം സെമസ്റ്റര് ബിടെക്/പാര്ട്ട്ടൈം ബിടെക് സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 16 വരെയും 170 രൂപ പിഴയോടെ 18 വരെയും ഫീസടച്ച് 21 വരെ രജിസ്റ്റര് ചെയ്യാം. വിശദമായ വിജ്ഞാപനം വെബ്സൈറ്റില് .
എൻജിനിയറിംഗ് കോളജിലെ ഏഴാം സെമസ്റ്റര് ബിടെക് (2014 സ്കീം2016 പ്രവേശനം) പരീക്ഷയ്ക്ക് പിഴകൂടാതെ പത്ത് വരെയും 170 രൂപ പിഴയോടെ 13 വരെയും ഫീസടച്ച് 16 വരെ രജിസ്റ്റര് ചെയ്യാം.
പരീക്ഷാഫലം
2019 ഏപ്രിലില് നടത്തിയ അവസാന വര്ഷ/മൂന്ന്, നാല് സെമസ്റ്റര് എം.എ ഇംഗ്ലീഷ് റഗുലര് /സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 17 വരെ അപേക്ഷിക്കാം.
രണ്ടാം വര്ഷ ബിഎസ്സി മെഡിക്കല് മൈക്രോബയോളജി, മെഡിക്കല് ബയോകെമിസ്ട്രി, മെഡിക്കല് ലാബറട്ടറി ടെക്നോളജി (നവംബര് 2018) റഗുലര് /സപ്ലിമെന്ററി പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് ജനുവരി 17 വരെ അപേക്ഷിക്കാം.
അദീബെ ഫാസില് മാര്ക്ക് ലിസ്റ്റ്
2019 ഏപ്രിലില് നടത്തിയ അദീബെ ഫാസില് ഫൈനല് പരീക്ഷയുടെ മാര്ക്ക് ലിസ്റ്റുകള് അതത് പരീക്ഷാ കേന്ദ്രങ്ങളില് പത്ത് മുതല് വിതരണം ചെയ്യും. പുനര്മൂല്യനിര്ണയത്തിന് 23 വരെ അപേക്ഷിക്കാം.