ഫെബ്രുവരി 14നു തുടങ്ങുന്ന ഒന്നാംവർഷ ബിഎസ്സി എംഎൽടി ഡിഗ്രി സപ്ലിമെന്ററി പരീക്ഷയ്ക്ക് ഈമാസം 16 വരെ പിഴ കൂടാതെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ പിഴയോടുകൂടി 22 വരെയും, 315 രൂപ സൂപ്പർ ഫൈനോടുകൂടി 27 വരെയും ഓണ്ലൈൻ രജിസ്ട്രേഷൻ നടത്താം.
ഫെബ്രുവരി അഞ്ചിന് ആരംഭിക്കുന്ന എംഫിൽ ക്ലിനിക്കൽ സൈക്കോളജി പാർട്ട് ഒന്ന് സപ്ലിമെന്ററി പരീക്ഷയ്ക്കു ഇന്നുമുതൽ പതിനഞ്ചുവരെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി 17 വരെയും, 315 രൂപ സൂപ്പർ ഫൈനോടുകൂടി ഇരുപതു വരെയും ഓണ്ലൈൻ രജിസ്ട്രേഷൻ നടത്താം.
പരീക്ഷാഫലം
2019 ഒക്ടോബറിൽ നടത്തിയ ഒന്നാംവർഷ ബിഎസ്സി ഒപ്റ്റോമെട്രി ഡിഗ്രി റെഗുലർ/സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓണ്ലൈനായി 15നകം അപേക്ഷിക്കണം.
ഫാം ഡി പരീക്ഷാഫലങ്ങൾ
2019 ഡിസംബറിൽ നടത്തിയ അഞ്ചാം വർഷ ഫാം ഡി ഡിഗ്രി സപ്ലിമെൻററി പരീക്ഷാഫലം, രണ്ടാം വർഷ ഫാം ഡി പോസ്റ്റ് ബേസിക് ഡിഗ്രി സപ്ലിമെന്ററി പരീക്ഷാഫലം എന്നിവ പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓണ്ലൈനായി ഈമാസം പതിനെട്ടിനകം അപേക്ഷിക്കണം.