ഫിലിം ഇൻസ്റ്റിറ്റ്യൂട്ട് പ്രവേശനത്തിനു ജോയിന്റ് എൻട്രൻസ് ടെസ്റ്റ്
ചലച്ചിത്ര, ടെലിവിഷൻ മേഖലയുമായി ബന്ധപ്പെട്ടു സൃഷ്ടിപരവും സാങ്കേതികവുമായ വിഷയങ്ങളിൽ അവബോധം നൽകുന്ന പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകളിലേക്ക് അഡ്മിഷനു പൊതു പ്രവേശന പരീക്ഷ. പൂനയിലെ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ട് ഓഫ് ഇന്ത്യ, കോൽക്കയിലെ സത്യജിത് റേ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ട് എന്നിവയാണ് അഡ്മിഷനു വേണ്ടി ജോയിന്റ് എൻട്രൻസ് ടെസ്റ്റ് (ജെഇടി) നടത്തുന്നത്.
ഫെബ്രുവരി 15,16 തീയതികളിലാണു ജെഇടി. ജനുവരി 24നകം അപേക്ഷിക്കണം. സിനിമ, ചലച്ചിത്ര വിഭാഗങ്ങളിലായി വ്യത്യസ്ത കോഴ്സുകളിലേക്കാണു പ്രവേശനം നടത്തുന്നത്. കേരളത്തിൽ തിരുവനന്തപുരത്തു മാത്രമാണു പ്രവേശന പരീക്ഷ കേന്ദ്രമുള്ളത്.
കൂടുതൽ വിവരങ്ങൾക്ക്: https://applyadmi ssion.net/je t2020.
ചലച്ചിത്ര കോഴ്സുകൾ
ഡയറക്ഷൻ ആൻഡ് സ്ക്രീൻ പ്ലേ റൈറ്റിംഗ്, സിനിമാട്ടോഗ്രഫി, എഡിറ്റിംഗ്, സൗണ്ട് റിക്കാർഡിംഗ് ആൻഡ് സൗണ്ട് ഡിസൈൻ, ആർട്ട് ഡയറക്ഷൻ ആൻഡ് പ്രൊഡക്ഷൻ ഡിസൈൻ, പ്രൊഡക്ഷൻ ഫോർ ഫിലിം ആൻഡ് ടെലിവിഷൻ, ആനിമേഷൻ സിനിമഎല്ലാ കോഴ്സുകളുടെയും കാലാവധി മൂന്നു വർഷം. ആക്ടിംഗ്രണ്ടു വർഷം, ഫീച്ചർ ഫിലിം സ്ക്രീൻ പ്ലേ റൈറ്റിംഗ് ഒരു വർഷം. ഇന്ത്യയിലെ സർവകലാശാലകളിലെ മാസ്റ്റേഴ്സ് ഡിഗ്രിക്കു തുല്യമാണ് പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകൾ.
ടെലിവിഷൻ കോഴ്സുകൾ
പ്രൊഡക്ഷൻ ഫോർ ഇലക്‌ട്രോണിക് ആൻഡ് ഡിജിറ്റൽ മീഡിയ, സിനിമാറ്റോഗ്രഫി ഫോർ ഇലക്‌ട്രോണിക് ആൻഡ് ഡിജിറ്റൽ മീഡിയ, എഡിറ്റിംഗ് ഫോർ ഇലക്‌ട്രോണിക് ആൻഡ് ഡിജിറ്റൽ മീഡിയ, സൗണ്ട് ഫോർ ഇലക്രോണിക് ആൻഡ് ഡിജിറ്റൽ മീഡിയ, ഇലക്‌ട്രോണിക് ആൻഡ് ഡിജിറ്റൽ മീഡിയ, റൈറ്റിംഗ് ഫോർ ഇലക്‌ട്രോണിക് ആൻഡ് ഡിജിറ്റൽ മീഡിയ എല്ലാ കോഴ്സുകളുടെയും കാലാവധി രണ്ടു വർഷം.
ടിവി ഡയറക്ഷൻ, ഇലക്‌ട്രോണിക് സിനിമാറ്റോഗ്രാഫി, വീഡിയോ എഡിറ്റിംഗ്, സൗണ്ട് റിക്കാർഡിംഗ് ആൻഡ് ടെലിവിഷൻ എൻജിനിയറിംഗ് സർട്ടിഫിക്കറ്റ് കോഴ്സുകളുടെ കാലാവധി ഒരു വർഷം.
യോഗ്യത
ചലച്ചിത്ര കോഴ്സുകൾക്ക് അപേക്ഷിക്കാനുള്ള യോഗ്യത ഏതെങ്കിലും വിഷയത്തിൽ ബിരുദം. സൗണ്ട് റിക്കാർഡിംഗ് ആൻഡ് സൗണ്ട് ഡിസൈൻ കോഴ്സിനു പ്ലസ്ടു തലത്തിൽ ഫിസിക്സ് പഠിച്ചിരിക്കണം. ആർട് ഡയറക്‌ഷ്ഷൻ ആൻഡ് പ്രൊഡക്ഷൻ ഡിസൈൻ കോഴ്സിന് അപ്ലൈഡ് ആർട്സ്, ആർക്കിടെക്ചർ, പെയിന്‍റിംഗ്, സ്കൾപ്ചർ, ഇന്‍റീരിയർ ഡിസൈൻ തുടങ്ങിയ മേഖലകളിൽ ഡിപ്ലോമ പാസായിരിക്കണം.
ടെലിവിഷൻ കോഴ്സുകൾക്കും ബിരുദധാരികൾക്ക് അപേക്ഷിക്കാം. സൗണ്ട് ഫോർ ഇലക്‌ട്രോണിക് ആൻഡ് ഡിജിറ്റൽ മീഡിയ, സൗണ്ട് റിക്കാർഡിംഗ് ആൻഡ് ടെലിവിഷൻ എൻജിനിയറിംഗ് കോഴ്സുകൾക്ക് പ്ലസ്ടുതലത്തിൽ ഫിസിക്സ് പഠിച്ചിരിക്കണം. അവസാന വർഷ വിദ്യാർഥികൾക്കും അപേക്ഷിക്കാം. അപേക്ഷാ ഫീസ് ഒരു കോഴ്സിന് 4000 രൂപ. പട്ടിക ജാതിവർഗക്കാർക്ക് 1250 രൂപ. രണ്ടു കോഴ്സുകൾക്ക് ഇത് യഥാക്രമം 8000, 2500. മൂന്നു കോഴ്സുകൾക്ക് 10000, 3125 രൂപ.