എയിംസിൽ നഴ്സിംഗ്, പാരാമെഡിക്കൽ കോഴ്സുകൾ
രാജ്യത്തെ ഏറ്റവും പ്രശസ്ത മെഡിക്കൽ വിദ്യാഭ്യാസ സ്ഥാപനമായ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ (എയിംസ്) നഴ്സിംഗ്, പാരാമെഡിക്കൽ ബിരുദ കോഴ്സുകളിലേക്കും ബിരുദാനന്തര ബിരുദ കോഴ്സുകളിലേക്കും അപേക്ഷിക്കുന്നതിനു മുന്നോടിയായി പ്രാരംഭ രജിസ്ട്രേഷൻ നടത്തണം. ഡൽഹി എയിംസിലും എയിംസ് പദവിയുള്ള സ്ഥാപനങ്ങളിലുമായാണു കോഴ്സ് നടത്തുന്നത്.
ന്യൂഡൽഹിക്കു പുറമെ ഭട്ടിൻഡ, ഭോപ്പാൽ, ഭുവനേശ്വർ, ദേവഗഡ്, ഗോരഖ്പൂർ, ജോധ്പൂർ, കല്യാണി, മംഗളഗിരി, നാഗ്പൂർ, പാറ്റ്ന, റായ്പൂർ, റായ്ബറേലി, ഋഷികേശ്, തെലുങ്കാന എന്നിവിടങ്ങളിലാണ് എയിംസ് പദവിയുള്ള സ്ഥാപനങ്ങൾ.കംപ്യൂട്ടർ അധിഷ്ഠിത പ്രവേശന പരീക്ഷ വഴിയാണ് അഡ്മിഷൻ. ജനുവരി മൂന്നിനകം അപേക്ഷിക്കണം. ഫോണ്: 26589900, 26588500. വെബ്സൈറ്റ്: ww w.aiimsexams.org.
ബിരുദ കോഴ്സ് പ്രാരംഭ രജിസ്ട്രേഷൻ നാളെ തുടങ്ങും
നഴ്സിംഗ്, പാരാമെഡിക്കൽ ബിരുദകോഴ്സുകളിലേക്കുള്ള Prospec tive Applicants Advanced Registra tion (PAAR) ജനുവരി 16നകം നടത്തണം. ഇതിനുള്ള നടപടിക്രമങ്ങൾ നാളെ ആരംഭിക്കും. രജിസ്ട്രേഷൻ സ്വീകരിച്ചതു സംബന്ധിച്ച വിവരങ്ങൾ ജനുവരി 20ന് അറിയാം. ജനുവരി 21 മുതൽ 31 വരെ തെറ്റുണ്ടെങ്കിൽ തിരുത്താൻ അവസരം ലഭിക്കും. അന്തിമമായി അംഗീകരിക്കപ്പെട്ടവരുടെ ലിസ്റ്റ് ഫെബ്രുവരി നാലിന് പ്രസിദ്ധപ്പെടുത്തും.
പ്രാരംഭ രജിസ്ട്രേഷൻ അംഗീകരിക്കപ്പെട്ടവർക്ക് അപേക്ഷാ ഫീസും പരീക്ഷാ കേന്ദ്രവും തെരഞ്ഞെടുത്ത് ഫൈനൽ രജിസ്ട്രേഷനുള്ള കോഡ് ജനറേറ്റ് ചെയ്യാൻ മാർച്ച് 14 മുതൽ 25ഏപ്രിൽ 15 വരെ സമയം ലഭിക്കും. ഈ ദിവസങ്ങളിൽ ഫൈനൽ രജിസ്ട്രേഷനും നടത്തണം. കഴിഞ്ഞ വർഷം പ്രാരംഭ രജിസ്ട്രേഷൻ പൂർത്തിയാക്കിയവർക്കും ഇത്തവണ അന്തിമ രജിസ്ട്രേഷൻ നടത്താം.
ബിഎസ്സി പോസ്റ്റ് ബേസിക് നഴ്സിംഗ് പ്രവേശന പരീക്ഷ ജൂൺ ആറിനും പാരാമെഡിക്കൽ കോഴ്സുകളിലേക്കുള്ള പ്രവേശന പരീക്ഷ ജൂൺ 20നും ബിഎസ്സി ഓണേഴ്സ് നഴ്സിംഗ് കോഴ്സ് പ്രവേശന പരീക്ഷ ജൂൺ 28നും നടത്തും.
ബാച്ചിലർ ഓഫ് ഒപ്ടോമെട്രി (ഓണേഴ്സ്), ബിഎസ്സി മെഡിക്കൽ ടെക്നോളജി ഇൻ റേഡിയോഗ്രഫി, ബിഎസ്സി ഡെന്റൽ ഓപ്പറേഷൻ റൂം അസിസ്റ്റന്റ്, ഡെന്റൽ ഹൈജീൻ, ബിഎസ്സി ഓപ്പറേഷൻ തിയറ്റർ ടെക്നോളജി, ബിഎസ്സി പോസ്റ്റ് ബേസിക് നഴ്സിംഗ്, ബിഎസ്സി ഓണേഴ്സ്. ഓണേഴ്സ് കോഴ്സുകളുടെ ദൈർഘ്യം നാലു വർഷം. പോസ്റ്റ് ബേസിക് നഴ്സിംഗ് രണ്ടു വർഷം. മറ്റു കോഴ്സുകൾ മൂന്നു വർഷം ദൈർഘ്യമുള്ളതാണ്.
പ്ലസ്ടുവിന് സയൻസ് വിഷയങ്ങൾ പഠിച്ച് 50 ശതമാനം മാർക്ക് നേടിയവർക്കും അവസാന വർഷ വിദ്യർഥികൾക്കും അപേക്ഷിക്കാം. ഡെന്റൽ ഓപ്പറേഷൻ റൂം അസിസ്റ്റന്റ്, ഡെന്റൽ ഹൈജീൻ, ഓപ്പറേഷൻ തിയറ്റർ ടെക്നോളജി കോഴ്സുകൾക്ക് അപേക്ഷിക്കുന്നവർ ബയോളജി പഠിച്ചവരായിരിക്കണം.
പ്രവേശന പരീക്ഷയ്ക്ക് തിരുവനന്തപുരത്തു പരീക്ഷാ കേന്ദ്രം ഉണ്ട്.
പിജി പ്രാരംഭ രജിസ്ട്രേഷൻ 13നു തുടങ്ങും
ന്യൂഡൽഹിയിലെ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) ബിരുദാനന്തര ബിരുദ കോഴ്സുകളിലേക്കുള്ള ബേസിക് രജിസ്ട്രേഷൻ 13ന് ആരംഭിക്കും. ജനുവരി 16 വരെ രജിസ്ട്രേഷൻ നടത്താം.
ബേസിക് രജിസ്ട്രേഷൻ സ്വീകരിച്ചതും നിരാകരിച്ചതുമായി വിവരങ്ങൾ ജനുവരി 20നു പ്രസിദ്ധീകരിക്കും. ജനുവരി 21 മുതൽ 31വരെ തെറ്റു തിരുത്താൻ അവസരം ലഭിക്കും. ബേസിക് രജിസ്ട്രേഷൻ അന്തിമനില മാർച്ച് നാലിന് പ്രഖ്യാപിക്കും. മാർച്ച് 12 ന് പ്രോസ്പെക്ടസ് പ്രസിദ്ധീകരിക്കും. ബേസിക് രജിസ്ട്രേഷൻ വിജയകരമായി പൂർത്തിയാക്കിയവർക്കു മാത്രമേ ഈ ഘട്ടത്തിൽ അപേക്ഷ സമർപ്പിക്കാൻ കഴിയൂ. പ്രാരംഭ രജിസ്ട്രേഷൻ അംഗീകരിക്കപ്പെട്ടവർക്ക് അപേക്ഷാ ഫീസും പരീക്ഷാ കേന്ദ്രവും തെരഞ്ഞെടുത്ത് ഫൈനൽ രജിസ്ട്രേഷനുള്ള കോഡ് ജനറേറ്റ് ചെയ്യാൻ മാർച്ച് 14 മുതൽ 25ഏപ്രിൽ 15 വരെ സമയം ലഭിക്കും. ഈ ദിവസങ്ങളിൽ ഫൈനൽ രജിസ്ട്രേഷനും നടത്തണം. കഴിഞ്ഞ വർഷം പ്രാരംഭ രജിസ്ട്രേഷൻ പൂർത്തിയാക്കിയവർക്കും ഇത്തവണ അന്തിമ രജിസ്ട്രേഷൻ നടത്താം.
എംഎസ്സി നഴ്സിംഗ് പ്രവേശന പരീക്ഷ ജൂൺ ആറിനും മറ്റ് എംഎസ്സി കോഴ്സുകളുടെ പ്രവേശന പരീക്ഷ ജൂലൈ നാലിനും നടത്തും.
എംഎസ്സി നഴ്സിംഗ്, എംഎസ്സി (ബയോ കെമിസ്ട്രി, ബയോ ഫിസിക്സ്, ഫാർമക്കോളജി, ഫിസിയോളജി, പെർഫ്യൂഷൻ ടെക്നോളജി, റീപ്രൊഡക്ടീവ് ബയോളജി ആൻഡ് ക്രിമിനൽ എംബ്രിയോളജി, ന്യൂക്ലിയർ മെഡിസിൻ ടെക്നോളജി, കാർഡിയോ വാസ്കുലർ ഇമേജിംഗ് ആൻഡ് എൻഡോ വാസ്കുലാർ ടെക്നോളജീസ്) , എം ബയോടെക്നോളജി കോഴ്സുകൾക്കും അപേക്ഷ ക്ഷണിച്ചിട്ടുണ്ട്.
എംഎസ്സി/ എം ബയോടെക്നോളജി കോഴ്സിന് എംബിബിഎസ്, ബിഡിഎസ്, ബിവിഎസ്സി, ബിപിടി, ബിഎസ്സി കോഴ്സുകൾ 55 ശതമാനം മാർക്കോടെ പാസായവർക്ക് അപേക്ഷിക്കാം. എംഎസ്സി അനാറ്റമി, ബയോകെമിസ്ട്രി, ബയോഫിസിക്സ്, ഫിസിയോളജി, ഫാർമക്കോളജി എന്നിവയ്ക്കും മുകളിൽ പറഞ്ഞതു തന്നെയാണ് അപേക്ഷിക്കാനുള്ള യോഗ്യത.
എം ബയോടെക്നോളജിക്ക് ബയോടെക്നോളജിയിൽ ബിടെക് നേടിയവർക്കും അപേക്ഷിക്കാം.
എംഎസ്സി പെർഫ്യൂഷൻ ടെക്നോളജി കോഴ്സിനു ബോട്ടണി, സുവോളജി, പെർഫ്യൂഷൻ ടെക്നോളജി എന്നിവയിൽ ബിരുദം നേടിയവർക്കും റിപ്രൊഡക്ടീവ് ബയോളജി ആൻഡ് ക്ലിനിക്കൽ എംബ്രിയോളജി കോഴ്സിന് ബയോളജിയിലും ബന്ധപ്പെട്ട വിഷയങ്ങളിലും ബിരുദം നേടിയവർക്കും ന്യൂക്ലിയാർ മെഡിസിൻ ടെക്നോളജി കോഴ്സിന് ഫിസിക്സ്, കെമിസ്ട്രി, മാത്തമാറ്റിക്സ്, ന്യൂക്ലിയാർ മെഡിസിൻ, റേഡിയോ തെറാപ്പി എന്നിവയിൽ ബിരുദം നേടിയവർക്കും കാർഡിയോ വാസ്കുലാർ ഇമേജിംഗ് ആൻഡ് എൻഡോ വാസ്കുലാർ ടെക്നോളജിക്ക് റേഡിയോഗ്രാഫിയിൽ ബിരുദം നേടിയവർക്കും അപേക്ഷിക്കാം.
എംഎസ്സി നഴ്സിംഗ് കോഴ്സിന് 60 ശതമാനം മാർക്കോടെ ബിഎസ്സി നഴ്സിംഗ് പാസായവരായിരിക്കണം അപേക്ഷകർ.