കാഴ്ചയെ ആകർഷിക്കുന്ന കലയും ശാസ്ത്രവുമാണ് ഡിസൈനിംഗ്. ഗുണമേന്മയോടൊപ്പം രൂപഭംഗിയും മേന്മയാകുന്ന ഇക്കാലത്ത് ഉത്പന്നങ്ങളെ ആകർഷകമാക്കുക എന്ന ജോലിയാണു ഡിസൈനർ നിർവഹിക്കുന്നത്. അതുകൊണ്ടു തന്നെ ലോകോത്തര നിലവാരമുള്ള സ്ഥാപനങ്ങളിൽ ഡിസൈനിംഗിൽ ബിരുദ, ബിരുദാനന്തര കോഴ്സുകൾ ഏറെ ആകർഷണമാണ്.
പ്ലസ്ടു കഴിഞ്ഞവർക്കു മുതൽ ഈ രംഗത്തു പഠനാവസരങ്ങളുണ്ട്. ബിരുദ, ബിരുദാനന്തര ബിരുദ കോഴ്സുകളിലേക്കു ബോംബെ ഐഐടിയുടെ ആഭിമുഖ്യത്തിൽ നടത്തുന്ന പ്രവേശന പരീക്ഷയായ കോമണ് അഡ്മിഷൻ ടെസ്റ്റ് ഫോർ ഡിസൈൻസീഡ്, അണ്ടർ ഗ്രാജ്വേറ്റ് കോമണ് എൻട്രൻസ് എക്സാം ഫോർ ഡിസൈൻയുസീഡ് എന്നിവയ്ക്ക് ഇപ്പോൾ അപേക്ഷിക്കാം. ജനുവരി 18നു തിരുവനന്തപുരം, കൊച്ചി, തൃശൂർ, കോഴിക്കോട് എന്നിവിടങ്ങളിലാണ് സീഡ്, യുസീഡ് പരീക്ഷകൾ. ഒക്ടോബർ ഒമ്പതു മുതൽ നവംബർ ഒമ്പതു വരെ അപേക്ഷിക്കാം. 500 രൂപ ലേറ്റ് ഫീസോടെ നവംബർ 16 വരെ അപേക്ഷിക്കാൻ സമയമുണ്ട്.
സീഡ്
രാജ്യത്തെ പ്രമുഖ ഇൻസ്റ്റിറ്റ്യൂട്ടുകളിൽ ഡിസൈനിൽ ബിരുദാനന്തര ബിരുദ, ഗവേഷണ പ്രോഗ്രാമുകളിലേക്കുള്ള അഡ്മിഷനു രാജ്യവ്യാപകമായി നടത്തുന്ന കോമണ് എൻട്രൻസ് എക്സാമിനേഷൻ ഫോർ ഡിസൈൻ (സിഇഇഡിസീഡ്) ജനുവരി 18 നു നടക്കും. കേന്ദ്ര മാനവവിഭവ ശേഷി മന്ത്രാലയത്തിനു വേണ്ടി ബോംബെ ഐഐടിയാണു സീഡ് നടത്തുന്നത്. പരീക്ഷാഫലം മാർച്ച് നാലിനു പ്രസിദ്ധീകരിക്കും.
പരീക്ഷാ ഫീസ് പൊതു വിഭാഗത്തിന് 2600 രൂപ. സംവരണ വിഭാഗത്തിനും വനിതകൾക്കും 1300 രൂപ. രാവിലെ പത്തു മുതൽ ഉച്ചയ്ക്കു ഒന്നു വരെയാണു പരീക്ഷ. പരീക്ഷയ്ക്കു രണ്ടു വിഭാഗങ്ങളുണ്ട്. പാർട്ട് എയും ബിയും. പാർട്ട് എ സ്ക്രീനിംഗ് ടെസ്റ്റാണ്.
ബംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലും ബോംബെ, ഡൽഹി, ഗോഹട്ടി, കാണ്പൂർ ഐഐടികളിലും, ജബൽപൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി, ഡിസൈൻ ആൻഡ് മാനുഫാക്ചറിംഗിലും നടത്തുന്ന മാസ്റ്റേഴ്സ് പ്രോഗ്രാമുകളിലേക്കും ബംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ്, ബോംബെ, ഡൽഹി, ഗോഹട്ടി, ഹൈദരാബാദ് ഐഐടികൾ, ജബൽപൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി, ഡിസൈൻ ആൻഡ് മാനുഫാക്ചറിംഗ് എന്നിവിടങ്ങളിൽ നടത്തുന്ന പിഎച്ച്ഡി പ്രോഗ്രാമുകളിലേക്കുമുള്ള യോഗ്യതാ പരീക്ഷയാണു സീഡ്.
ഓരോ സ്ഥാപനത്തിലെയും കോഴ്സുകൾ: ബാംഗളൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസസ്: എംഡിസൈൻ ഇൻ പ്രൊഡക്ട് ഡിസൈൻ ആൻഡ് എൻജിനിയറിംഗ്,പിഎച്ച്ഡി. http://www.ii sc.ernet.in.
ഐഐടി ബോംബെ: എംഡിസൈൻ ( ഇൻഡസ്ട്രിയൽ ഡിസൈൻ, വിഷ്വൽ കമ്യൂണിക്കേഷൻ, ആനിമേഷൻ, ഇന്ററാക്ഷൻ ഡിസൈൻ, മൊബിലിറ്റി ആൻഡ് വെഹിക്കിൾ ഡിസൈൻ), പിഎച്ച്ഡി. http://www .iitb.ac.i n. ഐഐടി ഡൽഹി: എം ഡിസൈൻ ഇൻഇൻഡസ്ട്രിയൽ ഡിസൈൻ. http://www.iit d.ac.in. ഐഐടി ഗോഹട്ടി: എം ഡിസൈൻ ഇൻ ഡിസൈൻ, പിഎച്ച്ഡി. http:// www.iitg.ac.in. ഐഐടി കാണ്പൂർ: എംഡിസൈൻ ഇൻ ഇൻഡസ്ട്രിയൽ ഡിസൈൻ, പിഎച്ച്ഡി. http://w ww.ii tk.ac.in. ഐഐടി ഹൈദരാബാദ്: എംഡിസൈൻ ഇൻ വിഷ്വൽ ഡിസൈൻ, പിഎച്ച്ഡി. w ww.iith.ac.in. ഐഐടിഡിഎം ജബൽപൂർ: എംഡിസൈൻ ഇൻ പ്രൊഡക്ട് ഡിസൈൻ, വിഷ്വൽ ഡിസൈൻ.www.iiitdmj.ac.in.
അതതു സ്ഥാപനങ്ങളിലെ അഡ്മിഷന് അപേക്ഷ ക്ഷണിക്കുന്നതനുസരിച്ച് പ്രത്യേകം അപേക്ഷിക്കണം.
യോഗ്യത: എൻജിനിയറിംഗ്, ആർക്കിടെക്ചർ, ഡിസൈൻ, ഇന്റീരിയർ ഡിസൈൻ, ബിഎഫ്എ എന്നിവയിൽ ബിരുദം അല്ലങ്കിൽ ആർട്സ് ,സയൻസ്, കംപ്യൂട്ടർ ആപ്ലിക്കേഷൻ എന്നിവയിൽ ബിരുദാനന്തര ബിരുദം. അവസാന വർഷ വിദ്യാർഥികൾക്കും അപേക്ഷിക്കാം. പ്രായ പരിധി ഇല്ല. ഓണ്ലൈനായി വേണം അപേക്ഷ സമർപ്പിക്കാൻ. ഫോണ്: +91 22 2576 4063 / 9093 / 9094. വെബ്സൈറ്റ്: cee d.iitb.ac.in.
മാറ്റങ്ങളുമായി യുസീഡ്
ബോംബെ ഐഐടി, ഗോഹട്ടി ഐഐടി, ഹൈദരാബാദ് ഐഐടി, , ജബൽപൂർ ഐഐഐടിഡിഎം എന്നിവിടങ്ങളിലെ ബി ഡിസൈൻ കോഴ്സിലേക്കുള്ള അഡ്മിഷനു നടത്തുന്നതാണ് അണ്ടർ ഗ്രാജ്വേറ്റ് കോമണ് എൻട്രൻസ് എക്സാമിനേഷൻ ഫോർ ഡിസൈൻ (യുസീഡ്). നാലു വർഷത്തെ കോഴ്സിന് പ്ലസ്ടുക്കാർക്കും അവസാന വർഷ വിദ്യാർഥികൾക്കും അപേക്ഷിക്കാം. 1995 ഒക്ടോബർ ഒന്നിനോ അതിനു ശേഷമോ ജനിച്ചവരായിരിക്കണം അപേക്ഷകർ. സംവരണ വിഭാഗങ്ങൾക്ക് ഇളവുണ്ട്. തുടർച്ചയായി രണ്ടു തവണ മാത്രമേ യുസീഡ് എഴുതാൻ കഴിയുകയുള്ളു. w ww.uce ed.iitb.ac.in/2020.
ബിഡിസൈൻ പ്രവേശനത്തിനുള്ള യോഗ്യതാ പരീക്ഷ മാത്രമാണ് യുസീഡ്. കോഴ്സിൽ അഡ്മിഷൻ നേടുന്നതിനു പ്രത്യേകം അപേക്ഷിക്കണം. ഒരു വർഷമാണു യുസീഡ് സ്കോറിന്റെ കാലാവധി.
ഏറെ മാറ്റങ്ങളോടെയാണ് ഇത്തവണത്തെ യൂസീഡ്. പരീക്ഷയുടെ ഘടനയിലും സിലബസിലുമാണു മാറ്റങ്ങൾ ഏറെയും. മൂന്നു മണിക്കൂർ ദൈർഘ്യമുള്ളതാണു പരീക്ഷ. 300 മാർക്കിന്റെ ചോദ്യങ്ങൾ ഉണ്ടായിരിക്കും. പാർട്എ, പാർട്ബി എന്നിങ്ങനെ രണ്ടു പാർട്ടുകൾ ഉണ്ടായിരിക്കും. രണ്ടു പാർട്ടും നർബന്ധം.
പാർട് എ: ദൈർഘ്യം രണ്ടര മണിക്കൂർ. 240 ചോദ്യങ്ങൾക്ക് ഉത്തരം എഴുതണം. മൂന്നു ഭാഗങ്ങളുള്ള കംപ്യൂട്ടർ അധിഷ്ഠിത പരീക്ഷയാണ്. 18 ന്യൂമറിക്കൽ ആൻസർ ടൈപ് ചോദ്യങ്ങൾ അടങ്ങിയതാണു ആദ്യ ഭാഗം.വിർച്വൽ കീബോർഡ് ഉപയോഗിച്ച് വേണം ഉത്തരം രേഖപ്പെടുത്താൻ. 18 മൾട്ടിപ്പിൾ സെലക്ട് ക്വസ്റ്റ്യൻ അടങ്ങിയതാണു രണ്ടാം ഭാഗം. ശരി ഉത്തരത്തിനു നാലു മാർക്ക്. തെറ്റിന് 0.19 മാർക്ക് കുറയ്ക്കും. മൾട്ടിപ്പിൾ ചോയ്സ് ക്വസ്റ്റ്യൻ അടങ്ങിയതാണു മൂന്നാം ഭാഗം. 32 ചോദ്യങ്ങൾ. ശരി ഉത്തരത്തിനു നാലു മാർക്ക്. തെറ്റിന് 0.7119 മാർക്ക് കുറയ്ക്കും.
പാർട് ബി: അരമണിക്കൂറു കൊണ്ട് 60 മാർക്കിന്റെ ചോദ്യങ്ങൾക്ക് ഉത്തരം എഴുതണം. ഡ്രോയിംഗ് സ്കിൽ തെളിയിക്കുന്നതിന് ഉദ്ദേശിച്ചുള്ളതാണ് ഈ ഭാഗം. കംപ്യൂട്ടർ സ്ക്രീനിൽ തെളിയുന്ന ചോദ്യങ്ങൾക്ക് ആൻസർ ബുക്കിൽ ഉത്തരം രേഖപ്പെടുത്തുകയോ വരയ്ക്കുകയോ വേണം.
സിലബസ്: വിഷ്വലൈസേഷൻ ആൻഡ് സ്പാറ്റ്യൽ എബിലിറ്റി, ഒബ്സർവേഷൻ ആൻഡ് ഡിസൈൻ സെൻസിറ്റിവിറ്റി, എൻവയണ്മെന്റൽ ആൻഡ് സോഷ്യൽ അവേർനസ്, അനലറ്റിക്കൽ ആൻഡ് ലോജിക്കൽ റീസണിംഗ്, ലാംഗ്വേജ് ആൻഡ് ക്രിയേറ്റിവിറ്റി, ഡിസൈൻ തിങ്കിംഗ് ആൻഡ് പ്രോബ്ലം സോൾവിംഗ്, ഡ്രോയിംഗ്.
യുസീഡ് ഫലം ഉപയോഗിച്ച് അഡ്മിഷൻ നടത്തുന്ന മറ്റു സ്ഥാപനങ്ങൾ: നിർമ യൂണിവേഴ്സിറ്റി അഹമ്മദാബാദ്, വേൾഡ് യൂണിവേഴ്സിറ്റി ഓഫ് ഡിസൈൻ ന്യൂഡൽഹി, ചിത്രകാര യൂണിവേഴ്സിറ്റിപഞ്ചാബ്, സൃഷ്ടി ഇൻസ്റ്റിറ്റ്യൂട്ട് ബംഗളൂരു,ആനന്ദ് നാഷണൽ യൂണിവേഴ്സിറ്റിഅഹമ്മദാബാദ്, വിഐടി യൂണിവേഴ്സിറ്റിവെല്ലൂർ, ലൗവ്ലി പ്രഫഷണൽ യൂണിവേഴ്സിറ്റിപഞ്ചാബ്, യുപിഇഎസ്ഡെറാഡൂണ്, ഖയാതി സ്കൂൾ ഓഫ് ഡിസൈൻഅഹമ്മദാബാദ്, വിവേകാന്ദ ഗ്ലോബൽ യൂണിവേഴ്സിറ്റിജയ്പൂർ, ഡൽഹി ടെക്നോളജിക്കൽ യൂണിവേഴ്സിറ്റിഡൽഹി, സിഐടികൊഹ്രാജാർ, എംഐടി യൂണിവേഴ്സിറ്റിപൂന, യുപിഇൻസ്റ്റിറ്റ്യൂട്ട് ഡിസൈൻനോയിഡ, ആർച്ച് കോളജ് ഓഫ് ഡിസൈൻ ആൻഡ് ബിസിനസ്ജയ്പൂർ, ആരാം സെന്റർ ഫോർ ആർട്, ഡിസൈൻ ആൻഡ് എൻവയണ്മെന്റ്കോയന്പത്തൂർ.