ശ്രീചിത്രയിൽ വിവിധ കോഴ്സുകൾ
ആരോഗ്യ വിദ്യാഭ്യാസ, ചികിത്സാ രംഗങ്ങളിൽ മുൻനിര സ്ഥാപനമായ തിരുവനന്തപുരത്തെ ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആൻഡ് ടെക്നോളജി നടത്തുന്ന പോസ്റ്റ് ഡോക്ടറൽ, പിജി, ഡിപ്ലോമ, സർട്ടിഫിക്കറ്റ് കോഴ്സ്കളിലേക്ക് അപേക്ഷ ക്ഷണിച്ചു.
ഇൻസ്റ്റിറ്റ്യൂട്ട് സ്വന്തമായിട്ടും മറ്റു പ്രമുഖ സ്ഥാപനങ്ങളുമായി സഹകരിച്ചും നടത്തുന്ന കോഴ്സുകളാണിവ. ഒക്ടോബർ അഞ്ചിനകം അപേക്ഷിക്കണം. നവംബർ ആദ്യവാരമാണു പ്രവേശന പരീക്ഷ. ശ്രീചിത്രയോടനുബന്ധിച്ചുള്ള അച്യുത മേനോൻ സെന്റർ മാത്രമാണു പരീക്ഷാകേന്ദ്രം.
പോസ്റ്റ് ഡോക്ടറൽ കോഴ്സുകൾ: ഡിഎം (കാർഡിയോളജി, ന്യൂറോളജി.
ന്യൂറോ ഇമേജിംഗ്, കാർഡിയോ തൊറാസിക് ആൻഡ് വാസ്കുലാർ അനസ്തേഷ്യ, ന്യൂറോ അനസ്തേഷ്യ), എംസിഎച്ച് (കാർഡിയോ വാസ്കുലാർ ആൻഡ് തൊറാസിക് സർജറി, വാസ്കുലാർ സർജറി, ന്യൂറോ സർജറി), പോസ്റ്റ് ഡോക്ടറൽ സർട്ടിഫിക്കറ്റ് കോഴ്സ് ( കാർഡിയോ തൊറാസിക് ആൻഡ് വാസ്കുലാർ അനസ്തേഷ്യ, ന്യൂറോ അനസ്തേഷ്യ, കാർഡിയോ വാസ്കുലർ ഇമേജിംഗ് ആൻഡ് വാസ്കുലർ ഇന്റർവെൻഷൻ റേഡിയോളജി, ഡയഗണോസ്റ്റിക് ന്യൂറോ റേഡിയോളജി, വാസ്കുലാർ സർജറി, ഡയഗണോസ്റ്റിക് ന്യൂറോ റേഡിയോളജി), പോസ്റ്റ് ഡോക്ടറൽ ഫോലോഷിപ്.
പിഎച്ച്ഡി/ മാസ്റ്റേഴ്സ് പ്രോഗ്രാമുകൾ: എംഡി ഇൻ ട്രാൻസ്ഫ്യൂഷൻ മെഡിസിൻ, മാസ്റ്റർ ഓഫ് പബ്ലിക് ഹെൽത്ത്, എംഫിൽ ബയോ മെഡിക്കൽ ടെക്നോളജി, പിഎച്ച്ഡി.
ഡിപ്ലോമ: പബ്ലിക് ഹെൽത്ത്, കാർഡിയോ വാസ്കുലാർ ആൻഡ് തൊറാസിക് നഴ്സിംഗ്, ന്യൂറോ നഴ്സിംഗ്, ഓപ്പറേഷൻ തിയറ്റർ ടെക്നോളജി, അഡ്വാൻസ്ഡ് മെഡിക്കൽ ഇമേജിംഗ് ടെക്നോളജി.
ഇൻസ്റ്റിറ്റ്യൂട്ട് നടത്തുന്ന സ്പെഷാലിറ്റി കോഴ്സുകളാണ് കാർഡിയോ വാസ്കുലാർ ആൻഡ് തൊറാസിക് നഴ്സിംഗ്, ന്യൂറോ നഴ്സിംഗ് കോഴ്സുകൾ. ജനറൽ നഴ്സിംഗ് അല്ലങ്കിൽ ബിഎസ്സി നഴ്സിംഗ് പാസായവർക്ക് അപേക്ഷിക്കാം. ജനറൽ നഴ്സിംഗുകാർക്ക് ഒരു വർഷത്തെ പ്രവൃത്തിപരിചയം വേണം. പ്രായം 2019 ജനുവരി ഒന്നിന് 35 കവിയരുത്. രണ്ടു വർഷത്തെ കോഴ്സിന് 10 സീറ്റുകൾ വീതമാണുള്ളത്. പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
അഡ്വാൻസ്ഡ് മെഡിക്കൽ ഇമേജിംഗ് ടെക്നോളജിക്കു റേഡിയോ ഗ്രാഫിക് അസിസ്റ്റൻസിൽ സർട്ടിഫിക്കറ്റ് അല്ലെങ്കിൽ റേഡിയോളജിക്കൽ ടെക്നോളജിയിൽ ഡിപ്ലോമ.
പിജി ഡിപ്ലോമ: കാർഡിയാക് ലബോറട്ടറി ടെക്നോളജി60 ശതമാനം മാർക്കോടെ ഫിസിക്സിൽ ബിരുദം നേടിയവർക്ക് അപേക്ഷിക്കാം, ന്യൂറോ ടെക്നോളജിഫിസിക്സ്, കെമിസ്ട്രി, ബയോളജിക്കൽ സയൻസസ്, ബയോ ടെക്നോളജി, കംപ്യൂട്ടർ സയൻസ് എന്നിവയിൽ ഫസ്റ്റ് ക്ലാസ് ബിരുദം, മെഡിക്കൽ റിക്കാർഡ്സ് സയൻസ്സയൻസിൽ 60 ശതമാനം മാർക്കോടെ ബിരുദം, ക്ലിനിക്കൽ പെർഫ്യൂഷൻസുവോളജി ഒരു വിഷയമായി പഠിച്ച് 60 ശതമാനം മാർക്കോടെ ബിരുദം, ബ്ലഡ് ബാങ്കിംഗ് ടെക്നോളജി 60 ശതമാനം മാർക്കോടെ സയൻസിൽ ബിരുദം.
അഡ്വാൻസ്ഡ് സർട്ടിഫിക്കറ്റ്: അഡ്വാൻസ്ഡ് സർട്ടിഫിക്കറ്റ് പ്രോഗ്രാം ഇൻ ഫിസിയോതെറാപ്പിക്കു ഫിസിയോ തെറാപ്പിയിൽ ബിരുദം നേടിയവർക്ക് അപേക്ഷിക്കാം. പ്രായം 2019 ജനുവരി ഒന്നിന് 25 കവിയരുത്. മുകളിൽ പറഞ്ഞ കോഴ്സുകൾക്കെല്ലാം പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
പബ്ലിക് ഹെൽത്തിൽ ഡിപ്ലോമ ഒഴികെയുള്ള കോഴ്സുകൾ എല്ലാം രണ്ടു വർഷം ദൈർഘ്യമുള്ളതാണ്. അപേക്ഷാ ഫീസ് 300 രൂപ. ഒക്ടോബർ പത്തിനകം അപേക്ഷിക്കണം. വിലാസം: രജിസ്ട്രാർ, ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആൻഡ് ടെക്നോളജി, തിരുവനന്തപുരം 695011. ഫോണ്: 914712524150, 2524269.
ബയോ മെഡിക്കൽ സയൻസ്: ഇൻസ്റ്റിറ്റ്യൂട്ടിന്റെ ബയോ മെഡിക്കൽ എൻജിനിയറിംഗ് വിംഗ് നടത്തുന്ന ബയോ മെഡിക്കൽ ടെക്നോളജിയിൽ എംഫിൽ പ്രോഗ്രാമിനു ബയോളജിക്കൽ, കെമിക്കൽ, ഫിസിക്കൽ സയൻസസിൽ ബിരുദാനന്തര ബിരുദം നേടിയവർക്ക് അപേക്ഷിക്കാം. പ്രായം 28 വയസ് കവിയരുത്.
ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആൻഡ് ടെക്നോളജിയും മദ്രാസ് ഐഐടിയും വെല്ലൂർ സിഎംസിയും സംയുക്തമായി നടത്തുന്ന ക്ലിനിക്കൽ എൻജിനിയറിംഗിൽ എംടെക്, ബയോ മെഡിക്കൽ ഡിവൈസസ് ആൻഡ് ടെക്നോളജിയിൽ പിഎച്ച്ഡി പ്രോഗ്രാമുകൾക്കും അപേക്ഷ ക്ഷണിച്ചിട്ടുണ്ട്. രണ്ടര വർഷത്തെ എംടെക് കോഴ്സിന് ബിടെക്കും ഗേറ്റ് സ്കോറും ഉള്ളവർക്ക് അപേക്ഷിക്കാം.