ബിഎസ് സി നഴ്സിംഗ് സ്പോട്ട് അലോട്ട്മെന്റ് നാളെ
കൊച്ചി: അസോസിയേഷൻ ഓഫ് ദി മാനേജ്മെന്റ്സ് ഓഫ് ക്രിസ്റ്റ്യൻ സെൽഫ് ഫിനാൻസിംഗ് നഴ്സിംഗ് കോളജസ് ഓഫ് കേരള (എഎംസിഎസ്എഫ്എൻസികെ) യുടെ കീഴിലുളള 33 നഴ്സിംഗ് കോളജുകളിൽ ബിഎസ് സി നഴ്സിംഗിനു നാല് ഓണ്ലെൻ അലോട്ട്മെന്റുകൾക്കുശേഷം ഒഴിവുളള സീറ്റുകളിലേക്കു സ്പോട്ട് അലോട്ട്മെന്റ് നാളെ നടക്കും. കൊച്ചി കലൂരിലെ റിന്യൂവൽ സെന്ററിൽ രാവിലെ 10 മുതലാണു സ്പോട്ട് അലോട്ട്മെന്റ്.
എഎംസിഎസ്എഫ്എൻസികെയുടെ റാങ്ക് ലിസ്റ്റിൽ ഒന്നു മുതൽ 3000 വരെയുള്ളവരും നിലവിൽ അസോസിയേഷന്റെ കീഴിലുളള കോളജുകളിലും എൽബിഎസ് സെന്റർ വഴിയും അഡ്മിഷൻ ലഭിച്ചിട്ടില്ലാത്ത വിദ്യാർഥികൾക്കു സ്പോട്ട് അലോട്ട്മെന്റിനു സമയക്രമമനുസരിച്ചു പങ്കെടുക്കാം. സ്പോട്ട് അലോട്ട്മെന്റിൽ പങ്കെടുക്കുന്ന അർഹരായ കുട്ടികളുടെ ഓപ്പണ് മെറിറ്റ് റാങ്ക് ക്രമത്തിലായിരിക്കും പ്രവേശനം. ഓരോ കോളജിലെയും ഒഴിവുള്ള സീറ്റുകളും സ്പോട്ട് അലോട്ട്മെന്റിനെക്കുറിച്ചുള്ള കൂടുതൽ വിവരങ്ങളും www.amcsf nck.com എന്ന വെബ്സൈറ്റിൽ ലഭിക്കും.