പിജി ഏകജാലകം: രണ്ടാം സപ്ലിമെന്‍ററി അലോട്ട്മെന്റ് ഓപ്ഷനുകൾ പുനഃക്രമീകരിക്കാം
സർവകലാശാലയ്ക്കു കീഴിലുള്ള കോളജുകളിൽ ഏകജാലകം വഴി ബിരുദാനന്തര ബിരുദ പ്രവേശനത്തിനുള്ള രണ്ടാം സപ്ലിമെന്‍ററി അലോട്ട്മെന്റിന് ഇന്ന് വൈകുന്നേരം അഞ്ചുവരെ ഓപ്ഷനുകൾ പുനഃക്രമീകരിക്കാം. എട്ടിന് അലോട്ട്മെന്റ് പ്രസിദ്ധീകരിക്കും.
അപേക്ഷകർക്ക് ആപ്ലിക്കേഷൻ നന്പറും പാസ്‌വേഡും ഉപയോഗിച്ച് ലോഗിൻ ചെയ്ത് ഓപ്ഷനുകളിൽ മാറ്റം വരുത്താം. പുതുതായി കോളജുകളോ, പ്രോഗ്രാമുകളോ കൂട്ടിച്ചേർക്കാൻ സാധിക്കില്ല.
ഒന്നാം സപ്ലിമെന്‍ററി അലോട്ട്മെന്റ് വഴി പ്രവേശനം ലഭിച്ചവർ നിലവിൽ ലഭിച്ച അലോട്ട്മെന്റിൽ തൃപ്തരാണെങ്കിൽ നിലവിലെ ഹയർ ഓപ്ഷനുകൾ “ഡിലീറ്റ്’ ചെയ്യണം.
ഹയർ ഓപ്ഷൻ ഡിലീറ്റ് ചെയ്യാതിരിക്കുന്നതുമൂലം പ്രോഗ്രാമിലേക്ക്/കോളജിലേക്ക് മൂന്നാം അലോട്ട്മെന്റ് ലഭിക്കുന്നപക്ഷം പുതുതായി അലോട്ട്മെന്റ് ലഭിച്ച പ്രോഗ്രാമിലേക്ക്, കോളജിലേക്ക് നിർബന്ധമായും പ്രവേശനം നേടണം. ആദ്യ അലോട്ട്മെന്റ് റദ്ദാക്കപ്പെടും.
ഒന്നാം സപ്ലിമെന്‍ററിയിൽ സ്ഥിരപ്രവേശനം നേടിയിട്ടുള്ളവർ ഹയർ ഓപ്ഷനുകൾ റദ്ദാക്കേണ്ടതില്ല.
യുജി ഏകജാലകം സപ്ലിമെന്‍ററി അലോട്ട്മെന്റ്: ഓപ്ഷൻ രജിസ്ട്രേഷൻ ഇന്നു മുതൽ
സർവകലാശാലയ്ക്ക് കീഴിലുള്ള കോളജുകളിലെ ബിരുദ പ്രോഗ്രാമുകളിലേക്ക് സപ്ലിമെന്‍ററി അലോട്ട്മെന്റിനായി ഇന്നു മുതൽ ആറു വരെ പുതുതായി ഓപ്ഷൻ നൽകാം.
നിലവിൽ അപേക്ഷ സമർപ്പിക്കാത്തവർക്കും മുൻ അലോട്ട്മെന്റുകളിൽ പ്രവേശനം ലഭിച്ചവർ ഉൾപ്പെടെ എല്ലാ വിഭാഗം അപേക്ഷകർക്കും സപ്ലിമെന്‍ററി അലോട്ട്മെന്റിൽ പങ്കെടുക്കാം.
അപേക്ഷകർ ഓണ്‍ലൈൻ അപേക്ഷയിൽ വരുത്തിയ തെറ്റ് മൂലം അലോട്ട്മെന്റിനു പരിഗണിക്കപ്പെടാത്തവർക്കും അലോട്ട്മെന്റിലൂടെ ലഭിച്ച പ്രവേശനം റദ്ദാക്കിയവർക്കും പ്രത്യേകമായി ഫീസടയ്ക്കാതെ നിലവിലുള്ള ആപ്ലിക്കേഷൻ നന്പരും പാസ്‌വേഡും ഉപയോഗിച്ച് cap.m gu.ac.in എന്ന വെബ്സൈറ്റിൽ അക്കൗണ്ട് ക്രിയേഷൻ എന്ന ലിങ്കിൽ ക്ലിക്ക് ചെയ്യുന്പോൾ ലഭിക്കുന്ന പുതിയ ആപ്ലിക്കേഷൻ നന്പരും പഴയ പാസ്‌വേഡും ഉപയോഗിച്ച് ലോഗിൻ ചെയ്ത് പുതുതായി ഓപ്ഷനുകൾ നൽകാം.
പുതിയ ആപ്ലിക്കേഷൻ നന്പർ പിന്നീടുള്ള ഓണ്‍ലൈൻ ആവശ്യങ്ങൾക്കായി സൂക്ഷിച്ചുവയ്ക്കണം. ലോഗിൻ ചെയ്ത ശേഷം അപേക്ഷകനു താൻ നേരത്തേ നൽകിയ അപേക്ഷയിലെ തെറ്റുകൾ തിരുത്താം, പുതുതായി ഓപ്ഷനുകൾ നൽകാം.
നിലവിൽ അപേക്ഷ നൽകാത്തവർക്ക് പുതുതായി ഫീസടച്ച് സ്പെഷൽ അലോട്ട്മെന്റിൽ പങ്കെടുക്കാം. സപ്ലിമെന്‍ററി അലോട്ട്മെന്റിൽ പങ്കെടുക്കുന്ന എല്ലാ അപേക്ഷകരും പുതുതായി ഓപ്ഷനുകൾ നൽകണം. ഓപ്ഷനുകൾ നൽകിയ ശേഷം അപേക്ഷ സേവ് ചെയ്ത് ഓണ്‍ലൈനായി സമർപ്പിക്കണം. അപേക്ഷയുടേയോ ഓപ്ഷനുകളുടെയോ പ്രിന്‍റ് ഒൗട്ട് സർവകലാശാലയിൽ സമർപ്പിക്കേണ്ടതില്ല. വിവിധ കോളജുകളിലെ ഒഴിവുള്ള പ്രോഗ്രാമുകളുടെ വിശദവിവരം സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്. സപ്ലിമെന്‍ററി അലോട്ട്മെന്റ് ലിസ്റ്റ് ഒന്പതിനു പ്രസിദ്ധീകരിക്കും. ഓണ്‍ലൈൻ രജിസ്ട്രേഷനായി cap.mgu.ac.in എന്ന വെബ്സൈറ്റ് സന്ദർശിക്കുക. സപ്ലിമെന്‍ററി അലോട്ട്മെന്റ് സ്പോട്ട്അലോട്ട്മെന്റല്ല.
മുൻ അലോട്ട്മെന്റുകളിലും മാനേജ്മെന്‍റ്, കമ്മ്യൂണിറ്റി മെറിറ്റ്, സ്പോർട്സ്, കൾച്ചറൽ, പിഡി ക്വാട്ടാകളിലേക്ക് സ്ഥിരപ്രവേശം നേടിയവർ സപ്ലിമെന്‍ററി അലോട്ട്മെന്റിലൂടെ വീണ്ടും ഓപ്ഷനുകൾ നൽകുകയും അലോട്ട്മെന്റ് ലഭിക്കുകയും ചെയ്താൽ പുതുതായി അലോട്ട്മെന്റ് ലഭിക്കുന്ന ഓപ്ഷനിലേക്ക് നിർബന്ധമായും മാറണം. ഇവരുടെ നിലവിലെ പ്രവേശനം റദ്ദാക്കപ്പെടും. സ്ഥിര പ്രവേശനം ലഭിച്ചവർ സ്പെഷൽ അലോട്ട്മെന്റിൽ പങ്കെടുക്കുന്പോൾ ഓപ്ഷനുകൾ നൽകുന്നതിൽ അതീവ ശ്രദ്ധ പുലർത്തണം.
വൈവാവോസി
2019 മേയിൽ നടന്ന നാലാം സെമസ്റ്റർ എംഎ ഹിന്ദി (സിഎസ്എസ് റെഗുലർ, സപ്ലിമെന്‍ററി, മേഴ്സി ചാൻസ്) പരീക്ഷയുടെ പ്രോജക്ട്, വൈവാവോസി 16 മുതൽ അതത് കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
നാലാം സെമസ്റ്റർ എംഎസ്‌സി സ്റ്റാറ്റിസ്റ്റിക്സ്, സ്റ്റാറ്റിസ്റ്റിക്സ് അപ്ലൈഡ് (റെഗുലർ, സപ്ലിമെന്‍ററി, മേഴ്സി ചാൻസ്) മേയ് 2019 പരീക്ഷയുടെ പ്രോജക്ട് മൂല്യനിർണയവും വൈവാവോസിയും മാന്നാനം കെഇ കോളജിൽ ഒന്പതിനും, മൂവാറ്റുപുഴ നിർമല കോളജിൽ 11നും പാലാ സെന്‍റ് തോമസ് കോളജിൽ 15നും നടക്കും.
വിശദമായ ടൈംടേബിൾ സർവകലാശാല വെബ്സൈറ്റിൽ. വിദ്യാർഥികൾ ഹാൾടിക്കറ്റുമായി പരീക്ഷകേന്ദ്രങ്ങളിലെത്തണം.
പരീക്ഷാഫലം
2018 ഡിസംബർ, 2019 മേയ് മാസങ്ങളിൽ സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്‍റ് സ്റ്റഡീസിൽ നടന്ന ഒന്നും രണ്ടും സെമസ്റ്റർ എംഫിൽ (ഗാന്ധിയൻ സ്റ്റഡീസ്, ഡെവലപ്മെന്‍റ് സ്റ്റഡീസ് സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2019 നവംബറിൽ നടന്ന മൂന്നാം സെമസ്റ്റർ എംഎസ്‌സി എൻവയോണ്മെന്റ് സയൻസ് ആൻഡ് മാനേജ്മെന്‍റ് (റെഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2019 മാർച്ചിൽ നടന്ന അഞ്ചാം സെമസ്റ്റർ ബിവോക്, 2019 ഏപ്രിലിൽ നടന്ന ആറാം സെമസ്റ്റർ ബിവോക് (2016 അഡ്മിഷൻ റെഗുലർ, 2014, 2015 അഡ്മിഷൻ സപ്ലിമെന്‍ററി) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.