യുജി ഏകജാലകം: എസ്‌സി, എസ്ടിരണ്ടാം സ്പെഷൽ അലോട്ട്മെന്‍റായി
ഏകജാലകം വഴി യുജി പ്രവേശനത്തിന് എസ്‌സി, എസ്ടി വിഭാഗക്കാർക്കുള്ള രണ്ടാം സ്പെഷൽ അലോട്മെന്റ് പ്രസിദ്ധീകരിച്ചു.
അലോട്ട്മെന്റ് ലഭിച്ചവർ ഓണ്‍ലൈനായി ഫീസടച്ച് അലോട്ട്മെന്റ് മെമ്മോയുടെ പ്രിന്‍റൗട്ടും യോഗ്യത തെളിയിക്കുന്ന സാക്ഷ്യപത്രങ്ങളുമായി നാളെ വൈകുന്നേരം നാലിനകം അലോട്ട്മെന്റ് ലഭിച്ച കോളജിൽ പ്രവേശനം നേടണം.
നാളെ ഫീസടയ്ക്കാത്തവരുടെയും ഫീസടച്ചശേഷം പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
കോളജുകളിൽ പ്രവേശനത്തിനായി റിപ്പോർട്ട് ചെയ്യുന്നവർ കണ്‍ഫർമേഷൻ സ്ലിപ് ചോദിച്ചുവാങ്ങണം. പ്രവേശനം സംബന്ധിച്ച വിവരങ്ങൾ കൃത്യമായി അപ്ലോഡ് ചെയ്തിട്ടുണ്ടെന്ന് ഉറപ്പുവരുത്തണം. പ്രവേശനം ആഗ്രഹിക്കുന്ന എല്ലാവരും സ്ഥിരപ്രവേശനം നേടണം.
താത്കാലിക പ്രവേശനം അനുവദിക്കില്ല.
പ്രാക്‌ടിക്കൽ
2019 മേയിൽ നടന്ന രണ്ട്, നാല് സെമസ്റ്റർ ബിഎ മ്യൂസിക് മൃദംഗം (സിബിസിഎസ്, സിബിസിഎസ്എസ് റെഗുലർ, ഇംപ്രൂവ്മെന്‍റ്, റീഅപ്പിയറൻസ്) പരീക്ഷകളുടെ പ്രാക്‌ടിക്കൽ ഒന്പതു മുതൽ 11 വരെ തൃപ്പൂണിത്തുറ ആർഎൽവി കോളജിൽ നടക്കും. വിശദമായ ടൈംടേബിൾ കലാശാല വെബ്സൈറ്റിൽ.
എംപിഇഎസ് പ്രവേശനം; അപേക്ഷ അഞ്ചുവരെ
സ്കൂൾ ഓഫ് ഫിസിക്കൽ എജ്യൂക്കേഷൻ ആൻഡ് സ്പോർട്സ് സയൻസസിലെ മാസ്റ്റർ ഓഫ് ഫിസിക്കൽ എജ്യൂക്കേഷൻ ആൻഡ് സ്പോർട്സ് പ്രോഗ്രാം പ്രവേശനത്തിന് അപേക്ഷിക്കാനുള്ള തീയതി ജൂലൈ അഞ്ചുവരെ നീട്ടി.
പ്രവേശന പരീക്ഷ ജൂലൈ 17നും ഫിസിക്കൽ ഫിറ്റ്നസ് ടെസ്റ്റും ഗെയിം പ്രൊവിഷൻസി ടെസ്റ്റും 18നും നടക്കും.
ഗസ്റ്റ് അധ്യാപക നിയമനം
മഹാത്മാ ഗാന്ധി സർവകലാശാല സ്കൂൾ ഓഫ് എജ്യൂക്കേഷൻ ആൻഡ് സ്പോർട്സ് സയൻസസിൽ എംപിഇഎസ് ക്ലാസുകളെടുക്കുന്നതിന് രണ്ട് ഗസ്റ്റ് അധ്യാപകരെ നിയമിക്കുന്നു. ഇതിനുള്ള വാക് ഇൻ ഇന്‍റർവ്യൂ എട്ടിന് രാവിലെ 10ന് സ്കൂൾ ഓഫ് ഫിസിക്കൽ എജ്യൂക്കേഷൻ ആൻഡ്് സ്പോർട്സ് സയൻസസ് ഓഫീസിൽ നടക്കും.
യോഗ്യരായവർ അസൽ സർട്ടിഫിക്കറ്റുകളുമായി ഹാജരാകണം. 04812732368.
പരീക്ഷഫലം
2019 മാർച്ചിൽ നടന്ന നാലാം സെമസ്റ്റർ ബിഎസ്‌സി (സിബിസിഎസ്എസ് മോഡൽ ഒന്ന്, രണ്ട്, മൂന്ന് 20132016 അഡ്മിഷൻ ഇംപ്രൂവ്മെന്‍റ്, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2018 നവംബറിൽ നടന്ന മൂന്നാം സെമസ്റ്റർ എംഎസ്സി സ്റ്റാറ്റിസ്റ്റിക്സ് (അപ്ലൈഡ് റെഗുലർ), അപ്ലൈഡ് സ്റ്റാറ്റിസ്റ്റിക്സ് വിത്ത് കംപ്യൂട്ടർ ആപ്ലിക്കേഷൻസ് (സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2018 നവംബറിൽ നടന്ന മൂന്നാം സെമസ്റ്റർ എംഎസ്സി. കംപ്യൂട്ടർ സയൻസ് (റെഗുലർ, സപ്ലിമെന്‍ററി, ബെറ്റർമെന്‍റ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2018 മേയിൽ നടന്ന നാലാം സെമസ്റ്റർ പിജിസിഎസ്എസ്എംഎസ്‌സി അപ്ലൈഡ് ഫിസിക്സ് (സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2018 ഡിസംബറിൽ സ്കൂൾ ഓഫ് മാനേജ്മെന്‍റ് ആൻഡ് ബിസിനസ് സ്റ്റഡീസിൽ നടത്തിയ ഒന്നാം സെമസ്റ്റർ എംബിഎ (റെഗുലർ, റീഅപ്പിയറൻസ് സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 ഡിസംബറിൽ നടന്ന മൂന്ന്, അഞ്ച് സെമസ്റ്റർ ബിടെക് (സപ്ലിമെന്‍ററി, മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു.
2018 നവംബറിൽ നടന്ന മൂന്നാം സെമസ്റ്റർ എംഎസ്സി സ്റ്റാറ്റിസ്റ്റിക്സ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.