അടിസ്ഥാന യോഗ്യതയില്ലാത്തവർക്കുള്ള ഡിഗ്രി: 28-ന് അപേക്ഷിക്കാനവസരം
വിദൂരവിദ്യാഭ്യാസം അടിസ്ഥാന വിദ്യാഭ്യാസ യോഗ്യതയില്ലാത്തവർക്കായി നടത്തുന്ന ബിഎ/ ബികോം (ഓപ്പണ് സ്ട്രീം) പ്രവേശന പരീക്ഷയ്ക്ക് 500 രൂപ പിഴയോടെ ഇന്ന് ഓണ്ലൈനായി അപേക്ഷിക്കാം. അപേക്ഷയുടെ പ്രിന്റൗട്ട് നാളെ വരെ വിദൂരവിദ്യാഭ്യാസ വിഭാഗത്തിൽ സ്വീകരിക്കും. വിവരങ്ങൾ www.sdeuoc.ac.in വെബ്സൈറ്റിൽ. ഫോണ് : 0494 2407512.
എംഎസ് സി മാത്തമാറ്റിക്സ് എസ്ടി സീറ്റ് ഒഴിവ്
ഗണിതശാസ്ത്ര പഠനവകുപ്പിൽ എംഎസ് സി മാത്തമാറ്റിക്സിന് എസ്ടി വിഭാഗത്തിൽ ഒരു സീറ്റ് ഒഴിവുണ്ട്. പ്രവേശനമാഗ്രഹിക്കുന്ന എസ് സി/ എസ്ടി വിഭാഗക്കാർ ജൂലൈ ഒന്നിനകം ബന്ധപ്പെടണം. ഫോണ് : 0494 2407428.
രണ്ടാം സെമസ്റ്റർ ബിഎ കോണ്ടാക്ട് ക്ലാസ്
വിദൂരവിദ്യാഭ്യാസം രണ്ടാം സെമസ്റ്റർ ബിഎ ഫിലോസഫി, സംസ്കൃതം, ഹിന്ദി, അഫ്സൽഉൽഉലമ (2018 പ്രവേശനം) കോണ്ടാക്ട് ക്ലാസുകൾ (കോർ, കോംപ്ലിമെന്ററി പേപ്പറുകൾക്ക് മാത്രം) ജൂലൈ ഒന്ന് മുതൽ വിദൂരവിദ്യാഭ്യാസ വിഭാഗത്തിൽ ആരംഭിക്കും. ഷെഡ്യൂൾ www.sdeuoc.ac.in വെബ്സൈറ്റിൽ.
പരീക്ഷാഫലം
മൂന്നാം സെമസ്റ്റർ ബിഎ/ ബിഎസ്ഡബ്ല്യൂ/ ബിവിസി/ ബിടിഎഫ്പി/ ബിഎ അഫ്സൽഉൽഉലമ (സിസിഎസ്എസ്) നവംബർ 2017 സപ്ലിമെന്ററി/ ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂലൈ എട്ട് വരെ അപേക്ഷിക്കാം.
ബിഎസ് സി/ ബിസിഎ പുനർമൂല്യനിർണയ ഫലം
മൂന്നാം സെമസ്റ്റർ ബിഎസ് സി/ ബിസിഎ (സിയുസിബിസിഎസ്എസ്) നവംബർ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ് സി സൈക്കോളജി (സിയുസിബിസിഎസ്എസ്) ഏപ്രിൽ 2019 പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് തൃശൂർ, പാലക്കാട് ജില്ലകളിലെ കോളജുകളിലെ സൈക്കോളജി അധ്യാപകർ ജൂലൈ രണ്ടിന് രാവിലെ 11 ന് കുട്ടനെല്ലൂർ ശ്രീ അച്യുത മേനോൻ ഗവണ്മെന്റ് കോളജിൽ ഹാജരാകണം.
സെമസ്റ്റർ ബിഎസ് സി സുവോളജി (സിയുസിബിസിഎസ്എസ്) ഏപ്രിൽ 2019 പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് കോഴിക്കോട് ജില്ലയിലെ കോളജുകളിലെ സുവോളജി അധ്യാപകർ ജൂലൈ 11ന് 10.30ന് മടപ്പള്ളി ഗവണ്മെന്റ് കോളജിൽ ഹാജരാകണം.
ബിഎഡ് രണ്ടാം അലോട്ട്മെന്റ് പ്രസിദ്ധീകരിച്ചു
ഏകജാലക ബിഎഡ് പ്രവേശന രണ്ടാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവർ മാൻഡേറ്ററി ഫീസ് (ജനറൽ 480 രൂപ, എസ് സി/എസ്ടി 115 രൂപ) അടച്ച് അതത് കോളജിൽ ജൂലൈ ഒന്നിന് വൈകുന്നേരം മൂന്നിനകം സ്ഥിരം അഡ്മിഷൻ എടുക്കണം. ഒന്നാം അലോട്ട്മെന്റ് ലഭിച്ച് മാൻഡേറ്ററി ഫീസ് അടച്ചവർ വീണ്ടും അടക്കേണ്ടതില്ല. ഹയർ ഓപ്ഷൻ റദ്ദ് ചെയ്യാതെയും സ്ഥിരം അഡ്മിഷൻ എടുക്കാം. ഹയർ ഓപ്ഷൻ നിലനിർത്തുന്നവരെ ജൂലൈ ഒന്നിന് ശേഷം വരുന്ന ഒഴിവുകളിലേക്ക് പരിഗണിക്കും.
അക്കഡേമിക് കൗണ്സിൽ വൊട്ടെണ്ണൽ
29ന് നടത്താനിരുന്ന അക്കഡേമിക് കൗണ്സിൽ അധ്യാപക മണ്ഡലത്തിലെ വൊട്ടെണ്ണൽ ജൂലൈ ഒന്നിലേക്ക് മാറ്റി. വോട്ടെണ്ണൽ രാവിലെ പത്തിന് സെനറ്റ് ഹൗസിൽ ആരംഭിക്കുമെന്ന് വരണാധികാരി അറിയിച്ചു.
കായിക വിഭാഗത്തിലെ സ്വീപ്പർ അഭിമുഖം
കായിക വിഭാഗത്തിൽ സ്വീപ്പർ തസ്തികയിലേക്ക് മാർച്ച് ഏഴ്, എട്ട് തിയതികളിൽ നടന്ന പ്രായോഗിക പരീക്ഷയിൽ വിജയിച്ചവർക്കുള്ള അഭിമുഖം ജൂലൈ ആറിന് സർവകലാശാലാ ഭരണവിഭാഗത്തിൽ നടക്കും. യോഗ്യരായവരുടെ വിവരങ്ങളും നിർദ്ദേശങ്ങളും വെബ്സൈറ്റിൽ.