ഓൺലൈൻ രജിസ്ട്രേഷൻ നീട്ടി
കണ്ണൂർ സർവകലാശാല പഠന വകുപ്പുകളിലെയും സെന്ററുകളിലെയും വിവിധ യുജി / പിജി പ്രോഗ്രാമുകളുടെ പ്രവേശനത്തിന് ഓൺലൈനായി അപേക്ഷിക്കുന്നതിനുള്ള അവസാന തീയതി 06/06/2023 വൈകുന്നേരം അഞ്ചു വരെ നീട്ടി. വിശദ വിവരങ്ങൾ വെബ്സൈറ്റിൽ ലഭ്യമാണ്.
അസോസിയേറ്റ് പ്രഫസർ
കണ്ണൂർ സർവകലാശാലയുടെ സ്കൂൾ ഓഫ് ഫിസിക്കൽ എഡ്യൂക്കേഷൻ ആൻഡ് സ്പോർട്സ് സയൻസസിൽ അസോസിയേറ്റ് പ്രഫസർ തസ്തികയിൽ ഡെപ്യൂട്ടേഷൻ വ്യവസ്ഥയിൽ നിയമനത്തിന് അപേക്ഷ ക്ഷണിച്ചു. ഗവൺമെന്റ്/ എയ്ഡഡ് കോളജുകൾ, സർവകലാശാലകൾ എന്നിവിടങ്ങളിൽ സമാന തസ്തികയിൽ റഗുലർ വ്യവസ്ഥയിൽ ജോലി ചെയ്യുന്നവർക്ക് അപേക്ഷിക്കാം. ഓൺലൈൻ അപേക്ഷ സമർപ്പിക്കേണ്ട അവസാന തീയതി 2023 ജൂൺ 12. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
അഫിലിയേറ്റഡ് കോളജുകളിൽ ബിരുദ പ്രവേശനം
കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ യുജി കോഴ്സുകളിലേക്ക് 202324 അധ്യയന വർഷത്തെ ഏകജാലക സംവിധാനം വഴിയുള്ള പ്രവേശനത്തിന് അപേക്ഷ ക്ഷണിച്ചു. പ്രവേശനം ആഗ്രഹിക്കുന്ന എല്ലാ വിദ്യാർഥികളും (ജനറൽ, റിസർവേഷൻ, കമ്യൂണിറ്റി, മാനേജ്മന്റ്, സ്പോർട്സ് ക്വാട്ട ഉൾപ്പെടെ) ഏകജാലക സംവിധാനം വഴി അപേക്ഷ സമർപ്പിക്കണം. പ്രവേശനത്തിനായി ജൂൺ 12 ന് വൈകുന്നേരം അഞ്ചു വരെ ഓൺലൈനായി അപേക്ഷിക്കാം. രജിസ്ട്രേഷൻ സംബന്ധമായ വിവരങ്ങൾ വെബ്സൈറ്റിൽ ലഭ്യമാണ്.
തീയതി നീട്ടി
ചില സാങ്കേതിക കാരണങ്ങളാൽ മേയ് 26 മുതൽ 28 വരെ വിവിധ പരീക്ഷകൾക്കായുള്ള ഓൺലൈൻ രജിസ്ട്രേഷൻ ലിങ്ക് സർവകലാശാല വെബ്സൈറ്റിൽ ലഭ്യമാകാത്ത സാഹചര്യത്തിൽ പരീക്ഷാ രജിസ്ട്രേഷൻ തീയതി നീട്ടി. അഫിലിയേറ്റഡ് കോളജുകളിലെയും സെന്റുകളിലെയും നാലാം സെമസ്റ്റർ ബി എഡ് (ഏപ്രിൽ 2023 ) , നാലാം സെമസ്റ്റർ എംബിഎ (ഏപ്രിൽ 2023 ) ,രണ്ടാം സെമസ്റ്റർ എംസിഎ (മേയ് 2023) എന്നീ പരീക്ഷകൾക്ക് മേയ് 29 മുതൽ 31 വരെ പിഴയില്ലാതെയും ജൂൺ ഒന്നു വരെ പിഴയോടുകൂടിയും അപേക്ഷിക്കാവുന്നതാണ്.