കണ്ണൂർ സർവകലാശാല പാലയാട് ഡോ. ജാനകിയമ്മാൾ കാമ്പസിലെ ഐടി സെന്ററിൽ എംസിഎ പ്രോഗ്രാമിൽ ഏതാനും സീറ്റുകൾ ഒഴിവുണ്ട്. പ്രവേശനത്തിനായി ജനറൽ ഉൾപ്പെടെ എല്ലാ വിഭാഗത്തിലുമുള്ള യോഗ്യരായ വിദ്യാർഥികൾക്ക് നാളെവരെ 9995092159 എന്ന നമ്പറിൽ ബന്ധപ്പെടാം.
സീറ്റൊഴിവ്
കണ്ണൂർ സർവകലാശാല മാനന്തവാടി കാമ്പസിലെ ജന്തുശാസ്ത്ര പഠനവകുപ്പിൽ എംഎസ്സി അപ്ലൈഡ് സുവോളജി പ്രോഗ്രാമിൽ എസ്ടി വിഭാഗത്തിൽ മൂന്നു സീറ്റുകൾ ഒഴിവുണ്ട്. പ്രവേശനം ആഗ്രഹിക്കുന്ന അർഹരായ വിദ്യാർഥികൾ അസൽ സർട്ടിഫിക്കറ്റുകൾ സഹിതം 29ന് വകുപ്പ് മേധാവി മുന്പാകെ ഹാജരാകണം. ഫോൺ:9847803136.
സമ്പർക്ക ക്ലാസുകൾ
കണ്ണൂർ സർവകലാശാല വിദൂരവിദ്യാഭ്യാസ വിഭാഗം മൂന്നാംവർഷ ബിരുദ വിദ്യാർഥികളുടെ സമ്പർക്ക ക്ലാസുകൾ 27 ,28 തീയതികളിൽ എസ്എൻ കോളജ് കണ്ണൂർ, എൻഎഎസ് കോളജ് കാഞ്ഞങ്ങാട്, മേരി മാതാ കോളജ് മാനന്തവാടി, സർ സയ്യിദ് കോളജ് തളിപ്പറമ്പ് എന്നീ കേന്ദ്രങ്ങളിൽ നടക്കും. വിശദാംശങ്ങൾക്ക് വെബ്സൈറ്റ് സന്ദർശിക്കുക.
ടൈംടേബിൾ
ഡിസംബർ എട്ടിന് ആരംഭിക്കുന്ന ആറാം സെമസ്റ്റർ ബിരുദ കോവിഡ് സ്പെഷൽ (ഏപ്രിൽ 2021) പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു. സർവകലാശാല ആസ്ഥാനമാണ് പരീക്ഷാകേന്ദ്രം.
ഡിസംബർ എട്ടിന് ആരംഭിക്കുന്ന എട്ടാം സെമസ്റ്റർ ബിടെക് സപ്ലിമെന്ററി (2007 അഡ്മിഷൻ മുതൽ), ഏപ്രിൽ 2020 പരീക്ഷകളുടെ പുതുക്കിയ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു. 2007 മുതൽ 2010 വരെയുള്ള അഡ്മിഷൻ വിദ്യാർഥികളുടെ അവസാന അവസരമാണ്.