ഒന്നാം വർഷ ബിരുദ പ്രവേശനം - 2020 ഓണ്ലൈൻ അപേക്ഷ അവസാന തീയതി 17
ഒന്നാം വർഷ ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ 17ന് വൈകുന്നേരം അഞ്ചിന് അവസാനിക്കും. പ്രവേശന നടപടികളിൽ പങ്കെടുക്കുവാൻ താല്പര്യമുള്ള എല്ലാ വിദ്യാർഥികളും 17ന് വൈകുന്നേരം അഞ്ചിനു മുൻപ് തന്നെ രജിസ്ട്രേഷൻ പൂർത്തിയാക്കണം. ഓണ്ലൈൻ രജിസ്ട്രേഷൻ നടത്താത്ത വിദ്യാർഥികളെ ഒരു കാരണവശാലും അലോട്ട്മെന്റിന് പരിഗണിക്കുന്നതല്ല. ഓണ്ലൈൻ രജിസ്ട്രേഷൻ പൂർത്തിയാക്കിയവർ അപേക്ഷയുടെ ഏറ്റവും പുതിയ പ്രിന്റൗട്ട് തുടർ ആവശ്യത്തിനായി സൂക്ഷിക്കണം.
സ്പോർട്സ് ക്വാട്ട പ്രവേശനത്തിന് താത്പര്യമുള്ള വിദ്യാർഥികൾ സ്പോർട്സ് സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്ത ശേഷം പ്രൊഫൈലിൽ ലഭ്യമാകുന്ന പ്രൊഫോമ തങ്ങൾ ഓപ്ഷൻ നൽകിയിട്ടുളള കോളജുകളിൽ (സ്പോർട്സ് ക്വാട്ട പ്രവേശനത്തിന് താൽപര്യമുള്ള കോളജുകളിൽ മാത്രം) നേരിട്ടോ ഇമെയിൽ മുഖാന്തിരമോ 17ന് വൈകുന്നേരം അഞ്ചിന് മുൻപായി സമർപ്പിക്കണം. കോളജുകളുടെ ഇമെയിൽ ഐഡി അഡ്മിഷൻ വെബ്സൈറ്റിൽ നൽകിയിട്ടുണ്ട്.
എയ്ഡഡ് കോളജുകളിലെ കമ്മ്യൂണിറ്റി ക്വാട്ട സീറ്റുകളിലേക്ക് ബന്ധപ്പെട്ട വിഭാഗത്തിലെ വിദ്യാർഥികൾക്ക് ഓണ്ലൈനായി 17നു വൈകുന്നേരം അഞ്ച്വരെ അപേക്ഷിക്കാം. കേന്ദ്രീകൃത അലോട്ട്മെന്റിനായി ഓണ്ലൈൻ അപേക്ഷ പൂർത്തിയാക്കിയവർക്ക് വീണ്ടും ലോഗിൻ ചെയ്ത ശേഷം പ്രൊഫൈലിലെ കമ്മ്യൂണിറ്റി ക്വാട്ട ലിങ്ക് ഉപയോഗിച്ച് താത്പര്യമുള്ള വിഷയങ്ങൾ/കോളജുകൾ പ്രത്യേക ഓപ്ഷനായി നൽകാം. വിദ്യാർഥിയുടെ കമ്മ്യൂണിറ്റി അടിസ്ഥാനമാക്കി അവർക്ക് അപേക്ഷിക്കാൻ സാധിക്കുന്ന കോളജുകൾ മാത്രമേ ഇവിടെ ഓപ്ഷനായി കാണിക്കുകയുള്ളൂ. ഓപ്ഷനുകൾ നൽകിയതിന് ശേഷം സേവ് ചെയ്ത് അതിന്റെ പ്രിന്റൗട്ട് എടുത്ത് തുടർ ആവശ്യങ്ങൾക്കായി സൂക്ഷിക്കുക.
ഓണ്ലൈൻ അപേക്ഷ പ്രിന്റൗട്ടിന്റെ പകർപ്പുകൾ ഒന്നും തന്നെ കോളജുകളിലേക്കോ സർവകലാശാലയിലേക്കോ അയയ്ക്കരുത്. ആയത് അഡ്മിഷൻ സമയത്ത് കോളജിൽ ഹാജരാക്കണം.
ഓണ്ലൈൻ രജിസ്ട്രേഷൻ സംബന്ധിച്ച വിശദവിവരങ്ങൾക്ക് 8281883052, 8281883053 എന്നീ ഫോണ് നന്പറുകളിലോ
[email protected] എന്ന ഇമെയിൽ ഐഡിയിലോ സർവകലാശാലയുമായി ബന്ധപ്പെടുക.
എംബിഎ പ്രവേശനംസ്കോർകാർഡ് സമർപ്പിക്കാം
എംബിഎ പ്രവേശനത്തിന് അപേക്ഷിച്ച എല്ലാവരും അവരുടെ സ്കോർ കാർഡും യൂണിവേഴ്സിറ്റി അപേക്ഷാ നന്പറും ഐഎംകെയ്ക്ക് mbaadmissionimkeHYPERLINK "mailto:[email protected]"2020HYPERLINK "mailto:[email protected]"@gmail.com , യുഐഎംന് mbaadmissionuimkuHYPERLINK "mailto:[email protected]"2020HYPERLINK "mailto:[email protected]"@gmail.com എന്നിവയിലേക്ക് 12നു രാത്രി 10നു മുന്പ് അയക്കണം. സ്കോർ കാർഡുകൾ സമർപ്പിച്ചവരെ മാത്രമെ റാങ്ക് ലിസ്റ്റിൽ ഉൾപ്പെടുത്തുന്നതിന് പരിഗണിക്കയുള്ളൂ. ഇതിനകം സമർപ്പിച്ചവർ വീണ്ടും സമർപ്പിക്കേണ്ടതില്ല.
എംബിഎ (സായാഹ്നം) കോഴ്സിന് അപേക്ഷിച്ചവർക്ക് അവരുടെ ഡിഗ്രി ഏകീകൃത മാർക്ക് പട്ടിക, എക്സ്പീരിയൻസ് സർട്ടിഫിക്കറ്റ് mbaadmissionimkeHYPERLINK "mailto:[email protected]"2020HYPERLINK "mailto:[email protected]"@gmail.com ലേക്ക് 12നു രാത്രി 10നു മുന്പ് സമർപ്പിക്കണം. മാർക്ക് ലിസ്റ്റ്, എക്സ്പീരിയൻസ് സർട്ടിഫിക്കറ്റ് സമർപ്പിച്ചവരെ മാത്രമേ റാങ്ക് ലിസ്റ്റിൽ ഉൾപ്പെടുത്തുന്നതിന് പരിഗണിക്കയുള്ളൂ. ഇതിനകം സമർപ്പിച്ചവർ വീണ്ടും സമർപ്പിക്കേണ്ടതില്ല.
പ്രാക്ടിക്കൽ
ജൂലൈ ആറിനും ഏഴിനും എസ്.എൻ കോളജ് ഫോർ വിമെൻ, കൊല്ലം കോളജിൽ നടത്തേണ്ടിയിരുന്ന ബിഎ ആറാം സെമസ്റ്റർ മ്യൂസിക് പ്രാക്ടിക്കൽ പരീക്ഷകൾ 12 നും (MU1661 elective), ആഗസ്റ്റ് 14 നും (MU1645concert) അതേ കേന്ദ്രത്തിൽ രാവിലെ 9.30 മുതൽ നടത്തും.
ടൈംടേബിൾ
2019 ഡിസംബറിൽ നടത്തിയ മൂന്നാം സെമസ്റ്റർ എംഎസ്സി ഹോം സയൻസ് (ന്യൂട്രീഷ്യൻ ആൻഡ് ഡയറ്ററ്റിക്സ്) പരീക്ഷയുടെ ഇന്റേണ്ഷിപ്പ് വൈവ പരീക്ഷ 13ന് ഗൂഗിൾ മീറ്റ് പ്ലാറ്റ്ഫോം വഴി നടത്തും. വിശദമായ ടൈംടേബിൾ വെബ്സൈറ്റിൽ.
പരീക്ഷാഫലം
2019 ഒക്ടോബറിൽ നടത്തിയ ബികോം എസ്ഡിഇ (2017 അഡ്മിഷൻ) മൂന്നാം സെമസ്റ്റർ പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി 13 മുതൽ 22 വരെ ഓണ്ലൈനായി അപേക്ഷിക്കാം.
2019 ഓഗസ്റ്റിൽ നടത്തിയ ഒന്നാം സെമസ്റ്റർ എൽഎൽഎം പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയക്കുളള അപേക്ഷകൾ 18ന് മുൻപായി സർവകലാശാല ഓഫീസിൽ സമർപ്പിക്കണം. വിശദവിവരങ്ങൾ വെബ്സൈറ്റിൽ.