Play Audio

പെ​രി​യാ​റി​ൽ ഒ​ഴു​കേ​ണ്ട​ത് കൊ​ടും​വി​ഷ​മ​ല്ല
Wednesday, May 22, 2024 12:00 AM IST
ഇ​​​​​​​​ത്ര​​​​​​​​മാ​​​​​​​ത്രം മ​​​​​​​​​ലി​​​​​​​​​ന​​​​​​​​​മാ​​​​​​​​​ക്ക​​​​​​​​​പ്പെ​​​​​​​​​ടു​​​​​​​​​ന്ന പെ​​​​​​​​രി​​​​​​​​യാ​​​​​​​​റി​​​​​​​​നെ ആ​​​​​​​​ശ്ര​​​​​​​​യി​​​​​​​​ച്ച് വാ​​​​​​​​​ട്ട​​​​​​​​​ര്‍ അ​​​​​​​​​ഥോ​​​​​​​​​റി​​​​​​​​​റ്റി​​​​​​​​​ക്ക് ആ​​​​​​​​​ലു​​​​​​​​​വ​​​​​​​​​യി​​​​​​​​​ലും ചൊ​​​​​​​​​വ്വ​​​​​​​​​ര​​​​​​​​​യി​​​​​​​​​ലു​​​​​​​​​മാ​​​​​​​​​യി ര​​​​​​​​​ണ്ടു ബൃ​​​​​​​​​ഹ​​​​​​​​​ത്താ​​​​​​​​​യ കു​​​​​​​​​ടി​​​​​​​​​വെ​​​​​​​​​ള്ള ശേ​​​​​​​​​ഖ​​​​​​​​​ര​​​​​​​​​ണ, സം​​​​​​​​​സ്‌​​​​​​​​​ക​​​​​​​​​ര​​​​​​​​​ണ, വി​​​​​​​​​ത​​​​​​​​​ര​​​​​​​​​ണ പ​​​​​​​​​ദ്ധ​​​​​​​​​തി​​​​​​​​​ക​​​​​​​​​ളു​​​​​​​​​ണ്ട്. കൊ​​​​​​​​​ച്ചി ന​​​​​​​​​ഗ​​​​​​​​​ര​​​​​​​​​ത്തി​​​​​​​​​ലേ​​​​​​​​​തു​​​​​​​​​ള്‍പ്പ​​​​​​​​​ടെ ല​​​​​​​​​ക്ഷ​​​​​​​​​ക്ക​​​​​​​​​ണ​​​​​​​​​ക്കി​​​​​​​​​ന് വീ​​​​​​​​​ടു​​​​​​​​​ക​​​​​​​​​ളി​​​​​​​​​ലേ​​​​​​​​​ക്കും സ്ഥാ​​​​​​​​​പ​​​​​​​​​ന​​​​​​​​​ങ്ങ​​​​​​​​​ളി​​​​​​​​​ലേ​​​​​​​​​ക്കും കു​​​​​​​​​ടി​​​​​​​​​വെ​​​​​​​​​ള്ള​​​​​​​​​മെ​​​​​​​​​ത്തു​​​​​​​​​ന്ന​​​​​​​​​ത് ഇ​​​​​​​​​തി​​​​​​​​​ലൂ​​​​​​​​​ടെ​​​​​​​​​യാ​​​​​​​​​ണ്.

പ്രാ​ണ​നു​ള്ള​വ​യ്ക്കെ​ല്ലാം പ്രാ​ണ​നാ​ണ് ജ​ലം. ലോ​കം​ത​ന്നെ ജ​ലാ​ത്മ​ക​മാ​ണ്. ജീ​വ​ന്‍റെ ഉ​ത്ഭ​വ​വും ജ​ല​ത്തി​ല്‍​നി​ന്ന്. എ​ന്നാ​ൽ, ശു​ദ്ധ​ജ​ല​ത്തി​ന്‍റെ വി​ല​യ​റി​യാ​ത്ത നെ​റി​കെ​ട്ട​വ​രാ​യി നാം ​മാ​റി​യി​രി​ക്കു​ന്നു. അ​തി​ന്‍റെ ഏ​റ്റ​വും പു​തി​യ ഉ​ദാ​ഹ​ര​ണ​മാ​ണ് പെ​രി​യാ​റി​ൽ കാ​ണു​ന്ന​ത്.

പ​ർ​വ​ത​നി​ര​യു​ടെ പ​നി​നീ​രെ​ന്ന് മ​ല​യാ​ളി ഹൃ​ദ​യം​തൊ​ട്ടു വി​ളി​ക്കു​ന്ന പെ​രി​യാ​റി​ലേ​ക്ക് ഇ​രു​ട്ടി​ന്‍റെ മ​റ​വി​ൽ ഒ​ഴു​ക്കി​വി​ട്ട​ത് എ​ന്തെ​ല്ലാം ത​രം കൊ​ടി​യ വി​ഷ​ങ്ങ​ളാ​ണെ​ന്നു​പോ​ലും ആ​ർ​ക്കു​മ​റി​യി​ല്ല. ച​ത്തു​പൊ​ന്തി​യ മ​ത്സ‍്യ​ങ്ങ​ളു​ടെ ഭീ​ക​രാ​വ​സ്ഥ വെ​ളി​വാ​ക്കു​ന്ന​ത് വെ​ള്ളം വി​ഷ​ലി​പ്ത​മാ​യി എ​ന്നു​ത​ന്നെ​യാ​ണ്. ആ​ദ‍്യ​മാ​യ​ല്ല ഇ​ത്ത​ര​ത്തി​ൽ പെ​രി​യാ​റി​ലേ​ക്ക് വി​ഷ​മൊ​ഴു​ക്കു​ന്ന​ത്.

എ​ത്ര​യോ വ​ർ​ഷ​മാ​യി ഇ​തു തു​ട​രു​ന്നു. എ​ന്തൊ​രു ക്രൂ​ര​ത​യാ​ണി​ത്? ആ​രു​ടെ പി​ൻ​ബ​ല​ത്തി​ലാ​ണ് ഈ ​സാ​മൂ​ഹ‍്യ​ദ്രോ​ഹി​ക​ൾ നാ​ടി​നെ വെ​ല്ലു​വി​ളി​ക്കു​ന്ന​ത്? മ​ത്സ‍്യ​ങ്ങ​ളെ മാ​ത്ര​മാ​ണോ ഇ​തു ബാ​ധി​ക്കു​ക? എ​റ​ണാ​കു​ളം, ആ​ല​പ്പു​ഴ, കോ​ട്ട​യം ജി​ല്ല​ക​ളി​ലാ​യി 56 ല​ക്ഷം ജ​ന​ങ്ങ​ളാ​ണ് കു​ടി​വെ​ള്ള​ത്തി​നാ​യി നേ​രി​ട്ടും അ​ല്ലാ​തെ​യും പെ​രി​യാ​റി​നെ ആ​ശ്ര​യി​ക്കു​ന്ന​ത്.

ഇ​ത്ര​മാ​ത്രം ജ​ന​ങ്ങ​ളെ വി​ഷം കു​ടി​പ്പി​ക്കാ​ൻ ധൈ​ര‍്യം കാ​ണി​ക്കു​ന്ന ജ​ന​ദ്രോ​ഹി​ക​ളെ നി​യ​മ​ത്തി​നു മു​ന്നി​ൽ കൊ​ണ്ടു​വ​രാ​ൻ കെ​ല്പു​ള്ള ഒ​രു ഭ​ര​ണ​സം​വി​ധാ​നം ഇ​ന്നാ​ട്ടി​ൽ ഇ​ല്ലാ​തെ​പോ​കു​ന്നു​വെ​ന്ന​ത് അ​ത‍്യ​ന്തം ഖേ​ദ​ക​ര​മാ​ണ്. തി​ങ്ക​ളാ​ഴ്ച രാ​ത്രി​യോ​ടെ വീ​ണ്ടും പെ​രി​യാ​ർ മ​ലി​ന​മാ​ക്ക​പ്പെ​ട്ടി​രി​ക്കു​ന്നു. പു​ഴ​യി​ല്‍​നി​ന്ന് അ​സ​ഹ​നീ​യ​മാ​യ ദു​ര്‍​ഗ​ന്ധം ഉ​ണ്ടാ​വു​ക​യും ഇ​ന്ന​ലെ രാ​വി​ലെ മ​ത്സ‍്യ​ങ്ങ​ൾ കൂ​ട്ട​ത്തോ​ടെ ച​ത്തു​പൊ​ന്തു​ക​യു​മാ​യി​രു​ന്നു.

കോ​താ​ട്, ചേ​രാ​നെ​ല്ലൂ​ര്‍ മേ​ഖ​ല​യി​ലെ പെ​രി​യാ​റി​ന്‍റെ കൈ​വ​ഴി​യി​ല്‍ രാ​സ​മാ​ലി​ന്യ​ങ്ങ​ള്‍ വ​ലി​യ തോ​തി​ല്‍ ക​ല​ര്‍​ന്ന​തോ​ടെ​യാ​ണ് പെ​രി​യാ​റി​ല്‍ വീ​ണ്ടും മ​ത്സ്യ​ക്കു​രു​തി​യു​ണ്ടാ​യ​ത്. ഏ​ലൂ​രി​ലെ​യും എ​ട​യാ​റി​ലെ​യും വ്യ​വ​സാ​യ​ശാ​ല​ക​ളി​ല്‍​നി​ന്നു പു​റം​ത​ള്ളു​ന്ന രാ​സ​മാ​ലി​ന്യം വ​ലി​യ​തോ​തി​ല്‍ പെ​രി​യാ​റി​ലേ​ക്ക് ഒ​ഴു​കി​യെ​ത്തി​യെ​ന്നാ​ണ് മ​ത്സ്യ​ക​ര്‍​ഷ​ക​രും​പ്ര​ദേ​ശ​വാ​സി​ക​ളും ആ​രോ​പി​ക്കു​ന്ന​ത്.

പാ​താ​ളം ബ​ണ്ട് മു​ത​ല്‍ പ​ന​മ്പു​കാ​ട് വ​രെ​യു​ള്ള ഭാ​ഗ​ങ്ങ​ളി​ല്‍ മ​ത്സ‍്യം വ​ള​ർ​ത്തു​ന്ന പ​ത്തി​ല​ധി​കം ക​ർ​ഷ​ക​രു​ടെ കൂ​ടു​ക​ളി​ലെ മ​ത്സ‍്യം മു​ഴു​വ​ൻ ച​ത്തു. ആ​യി​ര​ക്ക​ണ​ക്കി​ന് മ​ത്സ്യ​ക്കു​ഞ്ഞു​ങ്ങ​ളാ​ണ് ച​ത്തു​പൊ​ങ്ങി​യ​ത്. ല​ക്ഷ​ങ്ങ​ളു​ടെ ന​ഷ്ട​മാ​ണ് ഇ​വ​ർ​ക്കു​ണ്ടാ​യി​രി​ക്കു​ന്ന​ത്. ഇ​താ​ദ‍്യ​മാ​യ​ല്ല പെ​രി​യാ​ർ വി​ഷ​മ​യ​മാ​കു​ന്ന​ത്.

2015ല്‍ 46 ​ത​വ​ണ ഏ​ലൂ​ര്‍-​എ​ട​യാ​ര്‍ വ്യ​വ​സാ​യ മേ​ഖ​ല​യി​ല്‍ ചു​വ​പ്പ്, ബ്രൗ​ണ്‍, ക​റു​പ്പ് നി​റ​ങ്ങ​ളി​ല്‍ പെ​രി​യാ​ര്‍ ഒ​ഴു​കി​യി​രു​ന്നെ​ന്ന് മ​ലി​നീ​ക​ര​ണ നി​യ​ന്ത്ര​ണ ബോ​ര്‍​ഡ് ക​ണ്ടെ​ത്തി​യി​രു​ന്നു. 24 ത​വ​ണ വ​ലി​യ തോ​തി​ല്‍ പ്ര​ദേ​ശ​ത്തു മ​ത്സ്യ​ങ്ങ​ള്‍ ച​ത്തു​പൊ​ങ്ങു​ക​യും ചെ​യ്തു. രാ​സ​മാ​ലി​ന്യ​ത്തി​ന്‍റെ കൂ​ടി​യ സാ​ന്നി​ധ്യ​മാ​ണ് ഈ ​നി​റം​മാ​റ്റ​ത്തി​നും മ​ത്സ‍്യ​ങ്ങ​ൾ ചാ​കാ​നും കാ​ര​ണ​മെ​ന്നും വി​ല​യി​രു​ത്ത​പ്പെ​ട്ടു.

2016ല്‍ ​പു​ഴ നി​റം മാ​റി ഒ​ഴു​കി​യ​ത് 29 ത​വ​ണ​യാ​ണ്. എ​ല്ലാ വ​ർ​ഷ​വും ഇ​ത്ത​ര​ത്തി​ൽ കൂ​ടി​യും കു​റ​ഞ്ഞും പെ​രി​യാ​ര്‍ മ​ലി​ന​മാ​ക്ക​പ്പെ​ടു​ന്നു​ണ്ട്. വി​ഷ​ത്തി​ന്‍റെ അ​ള​വ് കൂ​ടും​തോ​റു​മാ​ണ് മ​ത്സ‍്യ​ങ്ങ​ൾ കൂ​ട്ട​ത്തോ​ടെ ച​ത്തു​പൊ​ന്തു​ന്ന​ത്. ഇ​ത്ര​മാ​ത്രം മ​ലി​ന​മാ​ക്ക​പ്പെ​ടു​ന്ന പെ​രി​യാ​റി​നെ ആ​ശ്ര​യി​ച്ച് വാ​ട്ട​ര്‍ അ​ഥോ​റി​റ്റി​ക്ക് ആ​ലു​വ​യി​ലും ചൊ​വ്വ​ര​യി​ലു​മാ​യി ര​ണ്ടു ബൃ​ഹ​ത്താ​യ കു​ടി​വെ​ള്ള ശേ​ഖ​ര​ണ, സം​സ്‌​ക​ര​ണ, വി​ത​ര​ണ പ​ദ്ധ​തി​ക​ളു​ണ്ട്.

കൊ​ച്ചി ന​ഗ​ര​ത്തി​ലേ​തു​ള്‍​പ്പ​ടെ ല​ക്ഷ​ക്ക​ണ​ക്കി​ന് വീ​ടു​ക​ളി​ലേ​ക്കും സ്ഥാ​പ​ന​ങ്ങ​ളി​ലേ​ക്കും കു​ടി​വെ​ള്ള​മെ​ത്തു​ന്ന​ത് ഇ​തി​ലൂ​ടെ​യാ​ണ്. 2022 മേ​യ് 27നു ​പെ​രി​യാ​റു​മാ​യി ബ​ന്ധ​പ്പെ​ട്ടു ഗ്രീ​ന്‍ ട്രി​ബ്യൂ​ണ​ല്‍ സു​പ്ര​ധാ​ന വി​ധി പു​റ​പ്പെ​ടു​വി​ച്ചി​രു​ന്നു.

2023 മേ​യ് 27നു ​മു​മ്പ് പെ​രി​യാ​റി​ലേ​ക്കു​ള്ള എ​ല്ലാ അ​ന​ധി​കൃ​ത കു​ഴ​ലു​ക​ളും ഒ​ഴി​വാ​ക്ക​ണ​മെ​ന്നും തീ​ര​ങ്ങ​ളി​ലെ മു​ഴു​വ​ന്‍ വ്യ​വ​സാ​യ​ശാ​ല​ക​ളും മാ​ലി​ന്യം പു​റ​ന്ത​ള്ളു​ന്ന കാ​ര്യ​ത്തി​ല്‍ സീ​റോ ഡി​സ്ചാ​ര്‍​ജ് കൈ​വ​രി​ക്ക​ണ​മെ​ന്നു​മാ​യി​രു​ന്നു ഉ​ത്ത​ര​വ്.

എ​ന്നാ​ൽ, ഈ ​സ​മ​യ​പ​രി​ധി അ​വ​സാ​നി​ച്ച് ഒ​രു വ​ർ​ഷ​മാ​കു​മ്പോ​ഴും ഗ്രീ​ന്‍ ട്രി​ബ്യൂ​ണ​ല്‍ ഉ​ത്ത​ര​വ് ന​ട​പ്പാ​ക്കി​യ​താ​യി യാ​തൊ​രു വി​വ​ര​വു​മി​ല്ല. ഉ​ത്ത​ര​വ് ന​ട​പ്പാ​ക്കാ​ൻ ക​ട​പ്പെ​ട്ട​വ​രാ​ക​ട്ടെ മൗ​ന​ത്തി​ലു​മാ​ണ്.

സം​സ്ഥാ​ന, പ്രാ​ദേ​ശി​ക ഭ​ര​ണ​കൂ​ട​ങ്ങ​ളു​ടെ മൗ​നാ​നു​വാ​ദ​ത്തോ​ടെ​യാ​ണ് ഈ ​വി​ഷം​ക​ല​ക്ക​ലെ​ന്ന​ത് യാ​ഥാ​ർ​ഥ‍്യ​മാ​ണ്. ജ​ന​ങ്ങ​ളു​ടെ ജീ​വ​ൻ വ​ച്ചാ​ണ് നി​ങ്ങ​ൾ ഒ​ത്തു​ക​ളി​ക്കു​ന്ന​ത്. വി​ഷം ക​ല​ർ​ന്ന വെ​ള്ളം കു​ടി​ച്ച് രോ​ഗ​ഗ്ര​സ്ത​മാ​കു​ന്ന ജ​ന​ങ്ങ​ളു​ടെ ദു​രി​തം ആ​ർ​ക്കും വി​ഷ​യ​മ​ല്ല. വ‍്യ​വ​സാ​യ​ശാ​ല​ക​ൾ അ​ട​ച്ചു​പൂ​ട്ടു​ക എ​ന്ന​ത​ല്ല പ​രി​ഹാ​രം.

അ​വ പു​റ​ന്ത​ള്ളു​ന്ന വി​ഷ​വ​സ്തു​ക്ക​ൾ ശാ​സ്ത്രീ​യ​മാ​യി സം​സ്ക​രി​ക്കു​ക​യാ​ണു വേ​ണ്ട​ത്. അ​തി​നാ​യി ഫ​ല​പ്ര​ദ​മാ​യ മാ​ലി​ന‍്യ​സം​സ്ക​ര​ണ കേ​ന്ദ്ര​ങ്ങ​ൾ എ​ല്ലാ വ‍്യ​വ​സാ​യ​ശാ​ല​ക​ൾ​ക്കും ഉ​ണ്ടെ​ന്നും അ​വ കൃ​ത‍്യ​മാ​യി പ്ര​വ​ർ​ത്തി​പ്പി​ക്കു​ന്നു​ണ്ടെ​ന്നും ഉ​റ​പ്പു​വ​രു​ത്ത​ണം. ജി​ല്ലാ ഭ​ര​ണ​കൂ​ട​ത്തി​നും ബ​ന്ധ​പ്പെ​ട്ട ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കും മ​ലി​നീ​ക​ര​ണ നി​യ​ന്ത്ര​ണ ബോ​ർ‌​ഡി​നു​മാ​ണ് ഇ​ക്കാ​ര‍്യ​ത്തി​ൽ പ്രാ​ഥ​മി​ക​മാ​യ ഉ​ത്ത​ര​വാ​ദി​ത്വം. അ​വ​ർ ക​ട​മ നി​റ​വേ​റ്റ​ണം.

നി​സ​ഹാ​യ​രാ​യ ജ​ന​ങ്ങ​ളു​ടെ ജീ​വ​ൻ​കൊ​ണ്ടു പ​ന്താ​ട​രു​ത്. ഇ​പ്പോ​ൾ വ​ള​ർ​ത്തു​കേ​ന്ദ്ര​ങ്ങ​ളി​ലെ മ​ത്സ‍്യ​ങ്ങ​ൾ ച​ത്ത് ന​ഷ്ടം നേ​രി​ട്ട​വ​ർ​ക്ക് ഉ​ചി​ത​മാ​യ ന​ഷ്ട​പ​രി​ഹാ​രം ന​ൽ​ക​ണം. പെ​രി​യാ​റി​ൽ ഒ​ഴു​കു​ന്ന​ത് ശു​ദ്ധ​ജ​ല​മാ​ണെ​ന്ന് ഉ​റ​പ്പു​വ​രു​ത്തു​ന്ന​തി​ന് അ​ടി​യ​ന്ത​ര ന​ട​പ​ടി​ക​ളു​ണ്ടാ​ക​ണം.
Copyright @ 2022 , Rashtra Deepika Ltd.