കാ​ക്കി​യി​ട്ട കു​റ്റ​വാ​ളി​ക​ളേ, ക​ട​ക്കൂ പു​റ​ത്ത്
അ​ഴി​മ​തി​യു​ടെ​യും ഗു​ണ്ടാ​യി​സ​ത്തി​ന്‍റെ​യും വൈ​ര​ങ്ങ​ളു​ടെ​യും ക​റ​പു​ര​ണ്ട രാ​ഷ്‌​ട്രീ​യ​മാ​ണ് പോ​ലീ​സി​നെ​യും ക​ള​ങ്ക​പ്പെ​ടു​ത്തു​ന്ന കാ​ര​ണ​ങ്ങ​ളി​ൽ പ്ര​ധാ​നം

കു​റ്റ​വാ​ളി​ക​ളാ​യ പോ​ലീ​സ് ഉ​ദ്യോ​ഗ​സ്ഥ​രി​ൽ ഒ​രാ​ളെ ജോ​ലി​യി​ൽ​നി​ന്നു പി​രി​ച്ചു​വി​ട്ട​ത് ന​ല്ലൊ​രു തു​ട​ക്ക​മാ​ണ്; ഒ​ടു​ക്ക​മാ​കി​ല്ലെ​ന്നു പ്ര​തീ​ക്ഷി​ക്കാം. കാ​ര​ണം, ക​ഴി​ഞ്ഞ ​ആ​റു വ​ർ​ഷ​ത്തി​നി​ടെ ക്രി​മി​ന​ൽ കേ​സു​ക​ളി​ൽ ഉ​ൾ​പ്പെ​ട്ട 828 പോ​ലീ​സു​കാ​രി​ൽ ഒ​രാ​ൾ മാ​ത്ര​മാ​ണ് പു​റ​ത്താ​യി​ട്ടു​ള്ള​ത്. കു​റ്റ​വാ​ളി​ക​ൾ​ക്കെ​തി​രേ ജ​ന​ങ്ങ​ൾ പ​രാ​തി​യു​മാ​യി സ​മീ​പി​ക്കു​ന്ന​ത് മ​റ്റൊ​രു കു​റ്റ​വാ​ളി​യെ ആ​കി​ല്ലെ​ന്ന് ഉ​റ​പ്പി​ക്കാ​ൻ ക​ഴി​ഞ്ഞാ​ൽ സ​ർ​ക്കാ​രി​ന് അ​ഭി​മാ​നി​ക്കാ​വു​ന്ന നേ​ട്ട​മാ​യി അ​തു മാ​റു​മെ​ന്ന​തി​ൽ സം​ശ​യ​മി​ല്ല.

ബ​ലാ​ത്സം​ഗ​മ​ട​ക്ക​മു​ള്ള കേ​സു​ക​ളി​ൽ പ്ര​തി​യാ​യ ബേ​പ്പൂ​ർ കോ​സ്റ്റ​ൽ പോ​ലീ​സ് ഇ​ൻ​സ്പെ​ക്ട​ർ പി.​ആ​ർ. സു​നു​വി​നെ​യാ​ണ് ജോ​ലി​യി​ൽ​നി​ന്നു പി​രി​ച്ചു​വി​ട്ട​ത്. പോ​ലീ​സ് ആ​ക്ടി​ലെ വ​കു​പ്പ് 86 (3) പ്ര​കാ​ര​മാ​ണ് ഈ ​ന​ട​പ​ടി. തൃ​ക്കാ​ക്ക​ര കൂ​ട്ട​ബ​ലാ​ത്സം​ഗ കേ​സി​ൽ മൂ​ന്നാം പ്ര​തി​യാ​യ പി.​ആ​ർ. സു​നു​വി​നെ​തി​രേ സ്ത്രീ​പീ​ഡ​ന​കേ​സു​ക​ൾ​ത​ന്നെ നാ​ലെ​ണ്ണ​മു​ണ്ട്. ആ​റു ത​വ​ണ സ​സ്പെ​ൻ​ഷ​നി​ലാ​കു​ക​യും 15 ത​വ​ണ പെ​രു​മാ​റ്റ​ദൂ​ഷ്യ​ത്തി​നു വ​കു​പ്പു​ത​ല ന​ട​പ​ടി​യു​ണ്ടാ​കു​ക​യും ചെ​യ്തി​രു​ന്നു. 2022 ന​വം​ബ​ർ 20 മു​ത​ൽ സ​സ്പെ​ൻ​ഷ​നി​ലാ​യി​രു​ന്നു. ഇ​ത്ര കു​റ്റ​വാ​ളി​യാ​യ ഒ​രാ​ളെ​യാ​ണു നാ​ട്ടി​ലെ കു​റ്റ​കൃ​ത്യ​ങ്ങ​ൾ ഇ​ല്ലാ​താ​ക്കാ​ൻ സ​ർ​ക്കാ​ർ നി​യോ​ഗി​ച്ചി​രു​ന്ന​ത് എ​ന്ന​ത് എ​ത്ര ഭ​യാ​ന​ക​മാ​ണ്.! പോ​ലീ​സ് യൂ​ണി​ഫോ​മി​ൽ പ്ര​ച്ഛ​ന്നവേ​ഷ​ധാ​രി​ക​ളാ​യ കു​റ്റ​വാ​ളി​ക​ൾ ഇ​നി​യു​മെ​ത്ര? ആ​ഭ്യ​ന്ത​ര​വ​കു​പ്പി​ന്‍റെ ചു​മ​ത​ല ആ​ര് ഏ​റ്റെ​ടു​ത്താ​ലും പോ​ലീ​സി​നെ ഇ​ന്നും ആ​ളു​ക​ൾ​ക്കു ഭ​യ​മാ​ണ്. ജ​ന​മൈ​ത്രി പോ​ലീ​സ് സ്റ്റേ​ഷ​നി​ൽ​പോ​ലും ക​യ​റേ​ണ്ടി​വ​രു​ന്ന സാ​ധാ​ര​ണ​ക്കാ​ർ ജ​ന​പ്ര​തി​നി​ധി​ക​ളോ പാ​ർ​ട്ടി​നേ​താ​ക്ക​ളോ ഉ​ൾ​പ്പെ​ടെ ആ​രു​ടെ​യെ​ങ്കി​ലും ശി​പാ​ർ​ശ​യോ​ടെ പോ​കാ​നാ​ണ് ശ്ര​മി​ക്കു​ക. ജ​ന​മൈ​ത്രി ഒ​രു വി​ശേ​ഷ​ണ​മ​ല്ല, പെ​രു​മാ​റ്റ​മാ​ണെ​ന്ന് ആ​രാ​ണ് ഇ​വ​രെ പ​ഠി​പ്പി​ക്കു​ക?

ആ​റു വ​ർ​ഷ​ത്തി​നി​ടെ ക്രി​മി​ന​ൽ കേ​സു​ക​ളി​ൽ പെ​ട്ട​ത് 828 പോ​ലീ​സു​കാ​രാ​ണെ​ന്നു നി​യ​മ​സ​ഭ​യി​ൽ പ​റ​ഞ്ഞ​ത് മു​ഖ്യ​മ​ന്ത്രി​ത​ന്നെ​യാ​ണ്. എ​ന്നാ​ൽ, സം​സ്ഥാ​ന​ത്തി​ന് അ​പ​മാ​ന​മാ​യ ഈ ​ക്രി​മി​ന​ലു​ക​ളെ പൂ​ർ​ണ​മാ​യും ഒ​ഴി​വാ​ക്കി സേ​ന​യെ ശു​ദ്ധീ​ക​രി​ക്ക​ൽ അ​ത്ര എ​ളു​പ്പ​മ​ല്ല. കോ​ട​തി ശി​ക്ഷി​ച്ച​തി​നെതു​ട​ർ​ന്ന് 18 പേ​ർ പു​റ​ത്താ​യി. ഗു​രു​ത​ര കേ​സു​ക​ളി​ൽ പെ​ട്ട 58 പേ​രെ​ക്കൂ​ടി പി​രി​ച്ചു​വി​ടാ​നാ​ണ് സ​ർ​ക്കാ​രി​ന്‍റെ നീ​ക്കം. ആ ​പ​ട്ടി​ക​യി​ലാ​ണ് സു​നു ഒ​ന്നാ​മ​നാ​യി​രി​ക്കു​ന്ന​ത്. പി​രി​ച്ചു​വി​ട്ട ഉ​ത്ത​ര​വി​നെ​തി​രേ കോ​ട​തി​യെ സ​മീ​പി​ക്കു​മെ​ന്നാ​ണ് അ​യാ​ളു​ടെ പ്ര​തി​ക​ര​ണം. സു​നു​വി​ന്‍റെ കാ​ര്യ​ത്തി​ൽ മ​റ്റു നി​യ​മ​പ്ര​ശ്ന​ങ്ങ​ളു​ടെ സാ​ധ്യ​ത പ​രി​ഗ​ണി​ച്ച​ശേ​ഷ​മാ​യി​രി​ക്കും മ​റ്റു​ള്ള​വ​രെ പു​റ​ത്താ​ക്കു​ക.

പോ​ലീ​സി​നെ​തി​രേ വ്യാ​പ​കപ​രാ​തി ഉ​യ​രു​ക​യും ആ​ഭ്യ​ന്ത​ര​വ​കു​പ്പും വ​കു​പ്പി​ന്‍റെ ചു​മ​ത​ല​യു​ള്ള മു​ഖ്യ​മ​ന്ത്രി​യും വി​മ​ർ​ശ​ന​ങ്ങ​ൾ ഏ​റ്റു​വാ​ങ്ങു​ക​യും ചെ​യ്ത​തോ​ടെ​യാ​ണ് സ​ർ​ക്കാ​ർ നി​ല​പാ​ടു ക​ടു​പ്പി​ച്ച​ത്. പോ​ലീ​സ് സേ​ന​യി​ലെ 828 ക്രി​മി​ന​ലു​ക​ളി​ൽ 200 പേ​ർ​ക്കെ​തി​രേയു​ള്ള​ത് ദേ​ഹോ​പ​ദ്ര​വ​വും കൈ​യേ​റ്റ​വു​മൊ​ക്കെ​യാ​ണ്. സ്വ​ന്തം വീ​ടു​ക​ളി​ലെ അ​തി​ക്ര​മ​വും സ്ത്രീ​ധ​ന പീ​ഡ​ന​ങ്ങ​ളു​മൊ​ക്കെ​യാ​യി 100 പേ​ർ​ക്കെ​തി​രേ കേ​സു​ണ്ട്. പി​രി​ച്ചു​വി​ട​പ്പെ​ട്ട സു​നു​വി​നെ​പ്പോ​ലെ പീ​ഡ​ന​ക്കേ​സു​ക​ളി​ൽ 70 പേ​ർ. അ​സ​ഭ്യം പ​റ​യ​ൽ, അ​പ​മാ​നി​ക്ക​ൽ, വ​ഞ്ച​ന തു​ട​ങ്ങി​യ കേ​സു​ക​ളി​ൽപെ​ട്ട​വ​രാ​ണ് മ​റ്റു​ള്ള​വ​ർ. യ​ഥാ​ർ​ഥ​ത്തി​ലു​ള്ള ​ക​ണ​ക്കു​ക​ൾ ഇ​തി​ലും വ​ള​രെ​യേ​റെ​യാ​ണെ​ന്ന​താ​ണ് വ​സ്തു​ത. കാ​ര​ണം, സാ​ധാ​ര​ണ പൗ​ര​ന്മാ​ർ പോ​ലീ​സി​നും രാ​ഷ്‌​ട്രീ​യ​ക്കാ​ർ​ക്കു​മെ​തി​രേ നി​വൃ​ത്തി​യു​ണ്ടെ​ങ്കി​ൽ കേ​സി​ന ു പോ​കി​ല്ല. വാ​ദി പ്ര​തി​യാ​കു​മെ​ന്ന​തു​ത​ന്നെ​യാ​ണു കാ​ര​ണം. ദ്രോ​ഹം അ​സ​ഹ​നീ​യ​മാ​കു​ന്പോ​ൾ മാ​ത്ര​മാ​ണ് പ​ല​രും പ​രാ​തി​യു​മാ​യി മു​ന്നി​ട്ടി​റ​ങ്ങു​ന്ന​ത്. അ​തു​കൊ​ണ്ടു​ത​ന്നെ കു​റ്റ​വാ​ളി​യെ​ന്നു പൂ​ർ​ണ​മാ​യും തെ​ളി​യി​ക്ക​പ്പെ​ട്ട ഏ​താ​നും​പേ​രെ പു​റ​ത്താ​ക്കു​ക മാ​ത്ര​മ​ല്ല, പോ​ലീ​സി​ൽ അ​ടി​മു​ടി ശു​ദ്ധീ​ക​ര​ണ​മാ​ണ് ആ​വ​ശ്യം.

ക്രി​മി​ന​ൽ പ​ശ്ചാ​ത്ത​ലവും സ്വ​ഭാ​വ​വും പ​രി​ശോ​ധി​ച്ച​ശേ​ഷം മാ​ത്ര​മേ പോ​ലീ​സ് സേ​ന​യി​ൽ നി​യ​മ​നം ന​ൽ​കാ​വൂ. കു​റ്റ​കൃ​ത്യ​ങ്ങ​ൾ തെ​ളി​യി​ക്കാ​ൻ ആ​ധു​നി​ക പ​രി​ശീ​ല​നം ന​ൽ​ക​ണം. പ്ര​തി​ക​ളോ​ടെ​ന്ന​പോ​ലെ പ​രാ​തി​ക്കാ​രോ​ടും പെ​രു​മാ​റാ​ൻ ഒ​രു പോ​ലീ​സു​കാ​ര​നെ​യും അ​നു​വ​ദി​ക്ക​രു​ത്. ഇ​തി​നൊ​ക്കെ പു​റ​മേ, പ​ല പോ​ലീ​സു​കാ​രെ​യും അ​ഹ​ങ്കാ​രി​ക​ളും മ​നു​ഷ്യ​ത്വ​മി​ല്ലാ​ത്ത​വ​രും കു​റ്റ​വാ​ളി​ക​ളു​മാ​ക്കു​ന്ന​ത് അ​വ​രു​ടെ രാ​ഷ്‌​ട്രീ​യബ​ന്ധ​മാ​ണെ​ന്ന​തും സ​ർ​ക്കാ​ർ മ​റ​ക്ക​രു​ത്. അ​ഴി​മ​തി​യു​ടെ​യും ഗു​ണ്ടാ​യി​സ​ത്തി​ന്‍റെ​യും വൈ​ര​ങ്ങ​ളു​ടെ​യും ക​റ​പു​ര​ണ്ട രാ​ഷ്‌​ട്രീ​യ​മാ​ണ് പോ​ലീ​സി​നെ​യും ക​ള​ങ്ക​പ്പെ​ടു​ത്തു​ന്ന കാ​ര​ണ​ങ്ങ​ളി​ൽ പ്ര​ധാ​നം. അ​തു​കൊ​ണ്ട് അ​ത്ത​ര​മൊ​രു രാ​ഷ്‌​ട്രീ​യ സാ​ഹ​ച​ര്യം നി​ല​നി​ൽ​ക്കേ പോ​ലീ​സി​നെ മാ​ത്ര​മാ​യി പൂ​ർ​ണ​മാ​യും വെ​ളു​പ്പി​ച്ചെ​ടു​ക്കാ​നാ​വി​ല്ല. എ​ന്നി​രി​ക്കി​ലും, ശു​ദ്ധി​ക​ല​ശ​ത്തി​നു​ള്ള ഈ ​തു​ട​ക്കം ശ്ലാ​ഘ​നീ​യ​മാ​ണ്.

കു​റ്റ​വാ​ളി​ക​ളാ​യ ഏ​താ​നും പേ​രെ പു​റ​ത്താ​ക്കാ​ൻ സാ​ധി​ച്ചതു മാ​ത്ര​മ​ല്ല ഇ​തി​ന്‍റെ ഫ​ലം; കു​റ്റ​കൃ​ത്യ​ങ്ങ​ളി​ൽ​നി​ന്നു വി​ട്ടു​നി​ൽ​ക്കാ​ൻ, സേ​ന​യി​ലെ കു​റ്റ​വാ​സ​ന​യു​ള്ള മ​റ്റു​ള്ള​വ​ർ​ക്ക് ഇ​തൊ​രു മു​ന്ന​റി​യി​പ്പാ​കും എന്നതുകൂടിയാണ്. കാ​ര​ണം, ഗു​ണ്ടാ​സം​ഘ​ങ്ങ​ളു​ടെ​യും മ​യ​ക്കു​മ​രു​ന്നു കു​റ്റ​വാ​ളി​ക​ളു​ടെ​യും അ​തി​ക്ര​മ​ങ്ങ​ളാ​ൽ പൊ​റു​തി​മു​ട്ടു​ന്ന കേ​ര​ള​ത്തി​ന് പോ​ലീ​സ് സേ​ന​യി​ലെ ക്രി​മി​ന​ലു​ക​ളെ​ക്കൂ​ടി താ​ങ്ങാ​നാ​വി​ല്ല. സ്വ​ഭാ​വ​ശു​ദ്ധി​യു​ള്ള മി​ക​ച്ച പോ​ലീ​സു​കാ​ർ​ക്കും അ​പ​മാ​ന​മാ​യ കാ​ക്കി​യി​ട്ട ക്രി​മി​ന​ലു​ക​ളോ​ടു ക​ട​ക്കൂ പു​റ​ത്തെ​ന്നു പ​റ​യാ​നു​ള്ള ​ഈ ആ​ർ​ജ​വം തുടരാൻ സർക്കാരിനാകട്ടെ.
Copyright @ 2022 , Rashtra Deepika Ltd.