വി​ദ്യാ​ർ​ഥി​ക​ൾ​ക്കു​മേ​ൽ സ​മ്മ​ർ​ദ​ത്തി​ന്‍റെ കു​രു​ക്കി​ട​രു​ത്
ഇ​ഷ്ട​മു​ള്ള വി​ഷ​യം പ​ഠി​ക്കാ​നും ഇ​ഷ്ട​മു​ള്ള ജോ​ലി ചെ​യ്യാ​നും ആ​ന​ന്ദ​ത്തോ​ടെ ജീ​വി​ക്കാ​നു​മു​ള്ള വി​ദ്യാ​ർ​ഥി​ക​ളു​ടെ അ​വ​കാ​ശ​ത്തെ അം​ഗീ​ക​രി​ച്ചാ​ൽ​ത​ന്നെ ആ​ത്മ​ഹ​ത്യാ മ​ഹാ​മാ​രി​ക്കെ​തി​രേ​യു​ള്ള വാ​ക്സി​ന്‍റെ ആ​ദ്യഡോ​സാ​കും. അ​തി​നു​ള്ള ഒ​രു​ക്ക​ങ്ങ​ൾ വീ​ടു​ക​ളി​ലും വി​ദ്യാ​ല​യ​ങ്ങ​ളി​ലും തു​ട​ങ്ങാ​ൻ വൈ​ക​രു​ത്.

മാ​താ​പി​താ​ക്ക​ൾ അ​ടി​ച്ചേ​ൽ​പ്പി​ച്ച ഐ​എ​എ​സ് ആ​ഗ്ര​ഹ​ങ്ങ​ൾ നി​റ​വേ​റ്റാ​ൻ ത​നി​ക്കു ക​ഴി​യു​ന്നി​ല്ലെ​ന്ന് നെ​ഞ്ചു പി​ള​ർ​ക്കു​ന്ന കു​റി​പ്പെ​ഴു​തി​വ​ച്ച് ത​മി​ഴ്നാ​ട്ടി​ലെ ക​ട​ലൂ​ർ ജി​ല്ല​യി​ൽ പ്ല​സ് ടു ​വി​ദ്യാ​ർ​ഥിനി ജീ​വ​നൊ​ടു​ക്കി​യ​ത് ര​ണ്ടു ദി​വ​സം മു​ന്പാ​ണ്. അ​തി​നു ര​ണ്ടാ​ഴ്ച ​മു​ന്പാ​ണ് ക​ള്ള​ക്കു​റി​ച്ചി​യി​ൽ പ്ല​സ് ടു ​വി​ദ്യാ​ർ​ഥി​നി മ​ര​ണ​ക്കു​റി​പ്പെ​ഴു​തി​യ​ത്. ""ക​ണ​ക്ക്, കെ​മി​സ്ട്രി അ​ധ്യാ​പ​ക​രു​ടെ സ​മ്മ​ർ​ദം എ​നി​ക്കു താ​ങ്ങാ​നാ​വു​ന്നി​ല്ല. മ​റ്റു കു​ട്ടി​ക​ളു​ടെ മു​ന്നി​ൽ​വ​ച്ച് എ​ന്നെ ക​ളി​യാ​ക്കി.'' ഇ​തു​കൂ​ടാ​തെ ത​മി​ഴ്നാ​ട്ടി​ലെ ത​ന്നെ തി​രു​വ​ള്ളൂ​രി​ലും അ​യ്യം​പെ​ട്ടി​യി​ലും വി​ദ്യാ​ർ​ഥിനി​ക​ൾ ജീ​വ​നൊ​ടു​ക്കി. ര​ണ്ടാ​ഴ്ച​യ്ക്കി​ടെ നാ​ലു മ​ര​ണം. മാ​താ​പി​താ​ക്ക​ളു​ടെ​യും അ​ധ്യാ​പ​ക​രു​ടെ​യും താ​ത്പ​ര്യ​ങ്ങ​ൾ​ക്ക​നു​സ​രി​ച്ചു പ​ഠ​ന​ത്തി​ൽ മു​ന്നേ​റാ​നാ​വാ​തെ, മ​രി​ച്ചാ​ൽ മ​തി​യെ​ന്നു കു​ട്ടി​ക​ൾ തീ​രു​മാ​നി​ക്കു​ന്പോ​ൾ ആ​രാ​ണ് പ്ര​തി​സ്ഥാ​ന​ത്ത്? കൗ​ൺ​സ​ലിം​ഗും ചി​കി​ത്സ​യു​മൊ​ക്കെ ന​ൽ​കേ​ണ്ട​ത് ആ​ർ​ക്കാ​ണ്? കു​ട്ടി​ക​ൾ​ക്കോ അ​തോ മാ​താ​പി​താ​ക്ക​ളും അ​ധ്യാ​പ​ക​രു​മ​ട​ങ്ങു​ന്ന ആ​ത്മ​ഹ​ത്യാ പ്രേ​ര​ണ സം​ഘ​ത്തി​നോ? 

2019ലെ ​ക​ണ​ക്ക​നു​സ​രി​ച്ച് ഇ​ന്ത്യ​യി​ലെ ആ​ത്മ​ഹ​ത്യാ​നി​ര​ക്ക് 10.4 (ല​ക്ഷ​ത്തി​ൽ) ആ​ണ്. 2020ൽ ​മാ​ത്രം ഇ​ന്ത്യ​യി​ൽ 1.53 ല​ക്ഷം ആ​ത്മ​ഹ​ത്യ​ക​ളു​ണ്ടാ​യി. ഈ ​പ്ര​വ​ണ​ത വി​ദ്യാ​ർ​ഥി​ക​ളി​ലേ​ക്കും യു​വാ​ക്ക​ളി​ലേ​ക്കും വ്യാ​പി​ക്കു​ക​യാ​ണെ​ന്ന​ത് ഭ​യ​പ്പെ​ടു​ത്തു​ന്ന യാ​ഥാ​ർ​ഥ്യ​മാ​ണ്. ത​മി​ഴ്നാ​ട്ടി​ലെ വി​ദ്യാ​ർ​ഥി​നി​ക​ളു​ടെ ആ​ത്മ​ഹ​ത്യ​ക​ൾ അ​ടു​ത്ത​ടു​ത്ത ദി​വ​സ​ങ്ങ​ളി​ലാ​യ​തു​കൊ​ണ്ടാ​ണ് മാ​ധ്യ​മ​ശ്ര​ദ്ധ നേ​ടി​യ​ത്. നാ​ഷ​ണ​ൽ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്കു​ക​ൾ രാ​ജ്യ​ത്തി​നു വ​ലി​യ മു​ന്ന​റി​യി​പ്പാ​യി​രി​ക്കു​ക​യാ​ണ്. 2020ൽ 30 ​വ​യ​സി​നു താ​ഴെ​യു​ള്ള 64,114 പേ​രാ​ണ് ജീ​വ​നൊ​ടു​ക്കി​യ​ത്. രാ​ജ്യ​ത്ത് ജീ​വ​നൊ​ടു​ക്കു​ന്ന​വ​രു​ടെ എ​ണ്ണ​ത്തി​ൽ മ​ഹാ​രാ​ഷ്‌​ട്ര​യാ​ണ് മു​ന്നി​ൽ. തൊ​ട്ടു​പി​ന്നി​ൽ ത​മി​ഴ്നാ​ട്.

കേ​ര​ള​ത്തി​ലും യു​വാ​ക്ക​ൾ​ക്കി​ട​യി​ലെ ആ​ത്മ​ഹ​ത്യ പെ​രു​കു​ക​യാ​ണ്. കോ​വി​ഡ് കാ​ല​ത്ത് 377 കു​ട്ടി​ക​ൾ ജീ​വ​നൊ​ടു​ക്കി. സ്റ്റേ​റ്റ് ക്രൈം ​റി​ക്കാ​ർ​ഡ്സ് ബ്യൂറോ​യു​ടെ ക​ണ​ക്കു​പ്ര​കാ​രം 2020ൽ ​പ​തി​നെ​ട്ടു വ​യ​സി​ൽ താ​ഴെ​യു​ള്ള 324 പേ​രാ​ണ് ജീ​വ​നൊ​ടു​ക്കി​യ​ത്. 2020 ജ​നു​വ​രി ഒ​ന്നി​നും ജൂ​ലൈ 31നു​മി​ട​യ്ക്ക് 158 കുട്ടി​ക​ൾ ജീ​വ​നൊ​ടു​ക്കി​യ​തി​നെ​ത്തു​ട​ർ​ന്ന് സ​ർ​ക്കാ​ർ വ​നി​താ-​ശി​ശു​വി​ക​സ​ന വ​കു​പ്പി​നു കീ​ഴി​ൽ ‘നി​ന​വ്’പ​ദ്ധ​തി തു​ട​ങ്ങി. അ​വ​രു​ടെ പ​ഠ​ന​മ​നു​സ​രി​ച്ച് 15നും 18​നു​മി​ട​യി​ൽ പ്രാ​യ​മു​ള്ള​വ​രാ​ണ് ജീ​വ​നൊ​ടു​ക്കി​യ​വ​രി​ലേ​റെ​യും. ഇ​തി​ൽ 74 ശ​ത​മാ​നം പേ​രും മാ​താ​പി​താ​ക്ക​ളോ​ടൊപ്പം ക​ഴി​ഞ്ഞ​വ​രാ​ണ്. കു​ടും​ബ​ത്തി​ൽ​നി​ന്നു​ള്ള പി​ന്തു​ണ ല​ഭി​ക്കാ​ത്ത​ത് കു​ട്ടി​ക​ളെ വി​ഷ​മി​പ്പി​ക്കു​ന്നു​വെ​ന്നു​കൂ​ടി​യാ​ണ് അ​തി​ന​ർ​ഥം. ത​മി​ഴ്നാ​ട്ടി​ലെ എ​ന്ന​ല്ല, രാ​ജ്യ​ത്തെ​വി​ടെ​യും കു​ട്ടി​ക​ളു​ടെ ആ​ത്മ​ഹ​ത്യ​ക​ൾ വി​ര​ൽച്ചൂണ്ടു​ന്ന​ത് പ്ര​ധാ​ന​മാ​യും കു​ടും​ബ​ങ്ങ​ളി​ലെ​യും വി​ദ്യാ​ല​യ​ങ്ങ​ളി​ലെ​യും സ​മ്മ​ർ​ദ​ങ്ങ​ളി​ലേ​ക്കാ​ണ്. സം​ഘ​ട​ന​ക​ളു​ടെ റി​പ്പോ​ർ​ട്ടു​ക​ളി​ലു​പ​രി കു​ഞ്ഞു​ങ്ങ​ളു​ടെ ക​ണ്ണീ​രി​ൽ കു​തി​ർ​ന്ന ആ​ത്മ​ഹ​ത്യാ​ക്കു​റി​പ്പു​ക​ളി​ലു​ണ്ട് അ​തി​ന്‍റെ തെ​ളി​വു​ക​ൾ. മാ​താ​പി​താ​ക്ക​ളു​ടെ​യും അ​ധ്യാ​പ​ക​രു​ടെ​യും സ്വ​പ്ന​ങ്ങ​ൾ പൂ​ർ​ത്തീ​ക​രി​ക്കാ​ൻ അ​വ​ർ​ക്കു ക​ഴി​യു​ന്നി​ല്ല. സ്വ​ന്തം സ്വ​പ്​ന​ങ്ങ​ളെ കു​ഴി​ച്ചു​മൂ​ടി​യി​ട്ടാ​കും ഈ ​കു​ഞ്ഞു​ങ്ങ​ളി​ലേ​റെ​യും അ​ധ്യാ​പ​ക​രു​ടെ​യും മാ​താ​പി​താ​ക്ക​ളു​ടെ​യും സ്വ​പ്ന​ങ്ങ​ളു​ടെ മ​ല ക​യ​റു​ന്ന​ത്. ന​മ്മു​ടെ പ്രൈ​മ​റി സ്കൂ​ളു​ക​ൾ​ക്കും ഹൈ​സ്കൂ​ളു​ക​ൾ​ക്കും കോ​ച്ചിം​ഗ് സെ​ന്‍റ​റു​ക​ൾ​ക്കും എ​ൻ​ജി​നിയ​റിം​ഗ്-​മെ​ഡി​ക്ക​ൽ കോ​ള​ജു​ക​ൾ​ക്കു​മെ​ല്ലാം പ​റ​യാ​നു​ണ്ട് കു​ട്ടി​ക​ളു​ടെ കു​ഴി​ച്ചു​മൂ​ട​പ്പെ​ട്ട സ്വ​പ്ന​ങ്ങ​ളു​ടെ എ​ണ്ണ​മ​റ്റ ക​ഥ​ക​ൾ.

ത​മി​ഴ്നാ​ട്ടി​ലെ വി​ദ്യാ​ർ​ഥി​നി​ക​ളു​ടെ ആ​ത്മ​ഹ​ത്യാ​പ​ര​ന്പ​ര ന​ടു​ക്ക​മു​ള​വാ​ക്കേ​ണ്ട കാ​ര്യം മാ​ത്ര​മ​ല്ല, വി​ദ്യാ​ഭ്യാ​സ മേ​ഖ​ല​യി​ലെ​യും സാ​മൂ​ഹ്യ-​കു​ടും​ബ സം​വി​ധാ​ന​ങ്ങ​ളി​ലെ​യും അ​ന​ഭി​ല​ഷ​ണീ​യ​മാ​യ പ്ര​വ​ണ​ത​ക​ളെ അ​ഭി​സം​ബോ​ധ​ന ചെ​യ്യാ​ൻ വൈ​ക​രു​തെ​ന്ന ഓ​ർ​മ​പ്പെ​ടു​ത്ത​ൽ​കൂ​ടി​യാ​ണ്. കു​ട്ടി​ക​ൾ​ക്ക് ആ​ഘാ​ത​മാ​കു​ന്ന മാ​ന​സി​ക പി​രി​മു​റു​ക്കം നി​യ​ന്ത്രി​ക്കു​ന്ന​തി​നൊ​പ്പംത​ന്നെ പ്ര​ധാ​ന​മാ​ണ് സ​മ്മ​ർ​ദ​ങ്ങ​ളെ അ​തി​ജീ​വി​ക്കാ​നു​ള്ള മ​നോ​ബ​ലം ഉ​ണ്ടാ​ക്കു​ക എ​ന്ന​തും. ഇ​തി​നൊ​ന്നും ക​ഴി​യു​ന്നി​ല്ലെ​ങ്കി​ൽ എ​ന്തു പ്ര​യോ​ജ​ന​മാ​ണ് വി​ദ്യാ​ഭ്യാ​സം​കൊ​ണ്ടു നേ​ടു​ന്ന​ത്?

കു​ട്ടി​ക​ളി​ൽ അ​ന്ത​ർ​ലീ​ന​മാ​യി​രി​ക്കു​ന്ന ക​ഴി​വു​ക​ളെ പ്രോ​ത്സാ​ഹി​പ്പി​ക്കു​ക​യും അ​വ​ർ​ക്കി​ഷ്ട​മു​ള്ള​തു പ​ഠി​ക്കാ​ൻ അ​വ​സ​രം കൊ​ടു​ക്കു​ക​യു​മാ​ണു വേ​ണ്ട​ത്. ക​ണ​ക്കു പ​ഠി​ക്കാ​ൻ ബു​ദ്ധി​മു​ട്ടു​ള്ള നി​ര​വ​ധി കു​ട്ടി​ക​ളു​ണ്ട്. പ്രാ​ഥ​മി​ക ക്ലാ​സു​ക​ൾ ക​ഴി​ഞ്ഞാ​ൽ അ​വ​ർ​ക്ക് ഇ​ഷ്ട​മു​ള്ള വി​ഷ​യം പ​ഠി​ക്കാ​ൻ അ​വ​സ​രം കൊ​ടു​ക്ക​ണം. സ​യ​ൻ​സ് പ​ഠി​ക്കാ​ൻ താ​ത്പ​ര്യ​മി​ല്ലാ​ത്ത​വ​രെ മെ​ഡി​ക്ക​ൽ വി​ദ്യാ​ഭ്യാ​സ​ത്തി​നു വി​ട്ട് ജീ​വി​തം തു​ല​യ്ക്കു​ന്ന​തെ​ന്തി​നാ​ണ്? ഇ​ത്ത​രം അ​ടി​സ്ഥാ​ന​പ​ര​മാ​യ ചോ​ദ്യ​ങ്ങ​ൾ നാം ​ചോ​ദി​ക്കാ​ൻ തു​ട​ങ്ങി​യി​ട്ടു കാ​ല​മേ​റെ​യാ​​യി.

പാ​ഠ്യ​പ​ദ്ധ​തി​ക​ൾ പ​രി​ഷ്ക​രി​ക്കു​ന്പോ​ഴൊ​ന്നും ഇ​തി​നു മ​റു​പ​ടി വ​രു​ന്നി​ല്ല. ഇ​ഷ്ട​മു​ള്ള വി​ഷ​യം പ​ഠി​ക്കാ​നും ഇ​ഷ്ട​മു​ള്ള ജോ​ലി ചെ​യ്യാ​നും ആ​ന​ന്ദ​ത്തോ​ടെ ജീ​വി​ക്കാ​നു​മു​ള്ള വി​ദ്യാ​ർ​ഥി​ക​ളു​ടെ അ​വ​കാ​ശ​ത്തെ അം​ഗീ​ക​രി​ച്ചാ​ൽ​ത്ത​ന്നെ ആ​ത്മ​ഹ​ത്യാ മ​ഹാ​മാ​രി​ക്കെ​തി​രേ​യു​ള്ള വാ​ക്സി​ന്‍റെ ആ​ദ്യഡോ​സാ​കും. അ​തി​നു​ള്ള ഒ​രു​ക്ക​ങ്ങ​ൾ വീ​ടു​ക​ളി​ലും വി​ദ്യാ​ല​യ​ങ്ങ​ളി​ലും തു​ട​ങ്ങാ​ൻ വൈ​ക​രു​ത്. മാ​താ​പി​താ​ക്ക​ളെ​യും അ​ധ്യാ​പ​ക​രെ​യും കാ​ര്യ​ങ്ങ​ൾ പ​റ​ഞ്ഞു മ​ന​സി​ലാ​ക്കു​ക. ഒ​രു മാ​ന​സി​ക പി​രി​മു​റു​ക്ക​ത്തി​ലോ പ​രാ​ജ​യ​ത്തി​ലോ ത​ള​രാ​നു​ള്ള​ത​ല്ല ജീ​വി​ത​മെ​ന്നു കു​ട്ടി​ക​ളെ പ​റ​ഞ്ഞു പ​ഠി​പ്പി​ക്കാ​നും വൈ​ക​രു​ത്. സ​മ്മ​ർ​ദ​ങ്ങ​ളു​ടെ കു​രു​ക്ക​ഴി​ക്കാ​ൻ ഒ​രു നി​മി​ഷം വൈ​ക​രു​ത്.
Copyright @ 2022 , Rashtra Deepika Ltd.