വില കുതിക്കുന്നു, ജനം കിതയ്ക്കുന്നു
നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല​ക്ക​യ​റ്റം രൂ​ക്ഷ​മാ​യി​രി​ക്ക​യാ​ണ്. വി​ല​ക്ക​യ​റ്റ​ത്തോ​ത് ക​ഴി​ഞ്ഞ മൂ​ന്നു വ​ർ​ഷ​ത്തെ ഏ​റ്റ​വും ഉ​യ​ർ​ന്ന നി​ല​യി​ലാ​ണി​പ്പോ​ൾ. ചി​ല്ല​റ വി​ല്പ​ന വി​ല ന​വം​ബ​റി​ൽ 5.54 ശ​ത​മാ​ന​മാ​യി​രു​ന്നു. ക​ഴി​ഞ്ഞ വ​ർ​ഷ​ത്തെ നി​ര​ക്കി​ന്‍റെ ഇ​ര​ട്ടി​യി​ലേ​റെ വ​രും ഇ​ത്. ഭ​ക്ഷ്യോ​ത്പ​ന്ന​ങ്ങ​ളു​ടെ വി​ല​യി​ൽ 10.01 ശ​ത​മാ​നം വ​ർ​ധ​ന​യാ​ണു​ണ്ടാ​യ​ത്. പ​ച്ച​ക്ക​റി​വി​ല 36 ശ​ത​മാ​നം ഉ​യ​ർ​ന്നു. ന​ഗ​ര​പ്ര​ദേ​ശ​ങ്ങ​ളി​ൽ അ​ന്പ​തു ശ​ത​മാ​ന​ത്തി​ന​ടു​ത്താ​ണു പ​ച്ച​ക്ക​റി​യു​ടെ വി​ല​വ​ർ​ധ​ന. സാ​ധാ​ര​ണ ജ​ന​ങ്ങ​ളെ ഈ ​അ​നി​യ​ന്ത്രി​ത​മാ​യ വി​ല​ക്ക​യ​റ്റം കു​റ​ച്ചൊ​ന്നു​മ​ല്ല ബാ​ധി​ക്കു​ക.

തൊ​ഴി​ലി​ല്ലാ​യ്മ നി​ര​ക്കും ഗ​ണ്യ​മാ​യി വ​ർ​ധി​ച്ചു. വ്യാ​വ​സാ​യി​ക വ​ള​ർ​ച്ച​യു​ടെ നി​ര​ക്കാ​ക​ട്ടെ കൂ​പ്പു​കു​ത്തു​ക​യാ​ണ്. ഫാ​ക‌​ട​റി ഉ​ത്പാ​ദ​നം, വൈ​ദ്യു​തോ​ത്പാ​ദ​നം, ഖ​ന​നം എ​ന്നീ മേ​ഖ​ല​ക​ളി​ൽ ക​ന​ത്ത ഇ​ടി​വാ​ണു​ണ്ടാ​യി​രി​ക്കു​ന്ന​ത്.

വി​ല​ക്ക​യ​റ്റം നി​യ​ന്ത്രി​ക്കു​ന്ന​തി​ൽ ഭ​ര​ണ​സം​വി​ധാ​നം പ​രാ​ജ​യ​പ്പെ​ട്ടു​വെ​ന്ന ആ​രോ​പ​ണം ശ​ക്ത​മാ​ണ്. വി​ല​ക്ക​യ​റ്റം കൈ​വി​ട്ടു പോ​കു​ന്ന​തി​ന്‍റെ സൂ​ച​ന​യാ​ണു പ​ലി​ശ​നി​ര​ക്കു കു​റ​യ്ക്കാ​ൻ റി​സ​ർ​വ് ബാ​ങ്ക് കാ​ട്ടു​ന്ന വി​മു​ഖ​ത​യി​ൽ കാ​ണു​ന്ന​ത്. ഇ​വ്വി​ധ​ത്തി​ൽ പോ​യാ​ൽ ഫെ​ബ്രു​വ​രി​യി​ലെ പ​ണ​ന​യ​ത്തി​ലും പ​ലി​ശ​നി​ര​ക്കു കു​റ​യ്ക്കാ​നി​ട​യി​ല്ലെ​ന്നു സാ​ന്പ​ത്തി​ക വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

സാ​ന്പ​ത്തി​ക വി​ദ​ഗ്ധ​ർ പ​റ​യു​ന്ന വ​ള​ർ​ച്ച​യു​ടെ​യും ത​ള​ർ​ച്ച​യു​ടെ​യു​മൊ​ക്കെ ശ​ത​മാ​ന​ക്ക​ണ​ക്കു​ക​ൾ സാ​ധാ​ര​ണ​ക്കാ​ർ​ക്ക് എ​ളു​പ്പ​ത്തി​ൽ പി​ടി​കി​ട്ടി​യെ​ന്നു​വ​രി​ല്ല. എ​ന്നാ​ൽ ദി​വ​സേ​ന ആ​വ​ശ്യ​മു​ള്ള ഭ​ക്ഷ്യ​വ​സ്തു​ക്ക​ൾ വാ​ങ്ങാ​ൻ ക​ട​യി​ലെ​ത്തു​ന്പോ​ൾ കീ​ശ കാ​ലി​യാ​കു​ന്ന​ത് അ​വ​ർ അ​ന്പ​ര​പ്പോ​ടെ തി​രി​ച്ച​റി​യു​ന്നു. പൊ​തു​വി​ത​ര​ണ സം​വി​ധാ​ന​മൊ​ക്കെ ഉ​ണ്ടെ​ങ്കി​ലും അ​തി​നെ മാ​ത്രം ആ​ശ്ര​യി​ച്ചു കു​ടും​ബം പു​ല​ർ​ത്താ​നാ​വി​ല്ല. പ​ച്ച​ക്ക​റി​യും പ​യ​റും പ​രി​പ്പു​മൊ​ക്കെ അ​നു​ദി​ന ഭ​ക്ഷ​ണ​ത്തി​ന്‍റെ ഭാ​ഗ​മാ​ണ്. സ​വോ​ള​യും ഉ​ള്ളി​യു​മൊ​ക്കെ പ​ല​ വീ​ടു​ക​ളി​ലും അ​ടു​ക്ക​ള​യി​ൽ​നി​ന്ന് അ​പ്ര​ത്യ​ക്ഷ​മാ​യി​ട്ടു നാ​ളേ​റെ​യാ​യി. നൂ​റും നൂ​റ്റ​ന്പ​തും രൂ​പ കൊ​ടു​ത്ത് ഒ​രു കി​ലോ​ഗ്രാം സ​വോള വാ​ങ്ങി ഉ​പ​യോ​ഗി​ക്കാ​ൻ സാ​ധാ​ര​ണ​ക്കാ​ർ​ക്ക് എ​ങ്ങ​നെ സാ​ധി​ക്കും‍? സ​ർ​ക്കാ​ർ വി​പ​ണി ഇ​ട​പെ​ട​ൽ ത​ക്ക​സ​മ​യ​ത്തു ന​ട​ത്തി​യാ​ൽ മാ​ത്ര​മേ എ​ന്തെ​ങ്കി​ലും ആ​ശ്വാ​സം പ്ര​തീ​ക്ഷി​ക്കാ​നാ​വൂ.

ഉ​പ​ഭോ​ക്‌​തൃ വി​ല​സൂ​ചി​ക (ക​ൺ​സ്യൂ​മ​ർ പ്രൈ​സ് ഇ​ൻ​ഡ​ക്സ്-​സി​പി​ഐ) 40 മാ​സ​ത്തി​ലെ ഏ​റ്റ​വും ഉ​യ​ർ​ന്ന തോ​തി​ലെ​ത്തി​യെ​ന്ന​തു കേ​ന്ദ്ര​സ​ർ​ക്കാ​രി​ന്‍റെ ഔ​ദ്യോ​ഗി​ക ക​ണ​ക്കാ​ണ്. ക​ണ​ക്കും വി​ശ​ദീ​ക​ര​ണ​വു​മൊ​ക്കെ എ​ന്തു​ത​ന്നെ​യാ​യാ​ലും സ്വ​ന്തം മു​തു​ക​ത്തെ ഭാ​രം ജ​ന​ങ്ങ​ൾ​ക്ക​റി​യാം. അ​തി​നാ​ൽ വി​ല​ക്ക​യ​റ്റ​ത്തെ​ക്കു​റി​ച്ചു​ള്ള സ​ർ​ക്കാ​രി​ന്‍റെ ന്യാ​യീ​ക​ര​ണ​ങ്ങ​ൾ​ക്ക് അ​ർ​ഥ​മി​ല്ല. ഒ​രു​വ​ശ​ത്ത് വി​ല​ക​ൾ റോ​ക്ക​റ്റു​പോ​ലെ ഉ​യ​രു​ന്പോ​ൾ മ​റു​വ​ശ​ത്ത് പ​ല വി​ള​ക​ൾ​ക്കും ന്യാ​യ​വി​ല​പോ​ലും കി​ട്ടാ​തെ ക​ർ​ഷ​ക​ർ ക​ഷ്‌​ട​പ്പെ​ടു​ക​യാ​ണ്. മും​ബൈ​യി​ലും ഡ​ൽ​ഹി​യി​ലും വ​ൻ ക​ർ​ഷ​ക​പ്ര​ക്ഷോ​ഭ​ങ്ങ​ൾ ഉ​ണ്ടാ​യി. സ​ർ​ക്കാ​ർ ചി​ല്ല​റ ആ​നു​കൂ​ല്യ​ങ്ങ​ൾ പ്ര​ഖ്യാ​പി​ച്ചു ക​ർ​ഷ​ക​രെ അ​ട​ക്കി.

ഉ​പ​ഭോ​ക്‌​തൃ സം​സ്ഥാ​ന​മാ​യ കേ​ര​ള​ത്തി​ന് അ​രി​ക്കും പ​ച്ച​ക്ക​റി​ക്കും മു​ട്ട​യ്ക്കും പാ​ലി​നു​മൊ​ക്കെ അ​യ​ൽസം​സ്ഥാ​ന​ങ്ങ​ളെ ആ​ശ്ര​യി​ക്കാ​തെ ത​ര​മി​ല്ല. ത​രി​ശു​നി​ല​ക്കൃ​ഷി പ്രോ​ത്സാ​ഹ​ന​വും, പ​ച്ച​ക്ക​റി​ക്കൃ​ഷി പ്ര​ചാ​ര​ണ​വു​മൊ​ക്കെ ന​ട​ക്കു​ന്നു​ണ്ടെ​ങ്കി​ലും കാ​ര്യ​മാ​യ ഫ​ല​മൊ​ന്നും കാ​ണു​ന്നി​ല്ല. “ഓ​ണ​ത്തി​ന് ഒ​രു മു​റം പ​ച്ച​ക്ക​റി’’ എ​ന്ന പേ​രി​ലൊ​രു പ​ദ്ധ​തി സം​സ്ഥാ​ന​ത്തു ന​ട​പ്പാ​ക്കി​യി​രു​ന്നു. പ​ച്ച​ക്ക​റി​ക്കൃ​ഷി പ്രോ​ത്സാ​ഹി​പ്പി​ക്കു​ന്ന​തി​നോ​ടൊ​പ്പം വി​ഷ​ലി​പ്ത​മ​ല്ലാ​ത്ത പ​ച്ച​ക്ക​റി​യു​ടെ ല​ഭ‍്യ​ത ഉ​റ​പ്പു​വ​രു​ത്താ​നു​മാ​യി​രു​ന്ന ഈ ​പ​ദ്ധ​തി.

കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ കാ​ർ​ഷി​ക പ്ര​ശ്ന​ങ്ങ​ൾ ഉ​ന്ന​യി​ച്ചു ക​ർ​ഷ​ക​ർ സ​മ​ര​രം​ഗ​ത്താ​ണ്. കാ​ർ​ഷി​കോ​ത്പ​ന്ന​ങ്ങ​ളു​ടെ വി​ല​യി​ടി​വു​ൾ​പ്പെ​ടെ​യു​ള്ള വി​ഷ​യ​ങ്ങ​ൾ അ​വ​ർ ഉ​ന്ന​യി​ക്കു​ന്നു. കേ​ര​ള​ത്തി​ലെ കാ​ർ​ഷി​ക​മേ​ഖ​ല ത​ക​ർ​ന്നു​കൊ​ണ്ടി​രി​ക്ക​യാ​ണ്. ഒ​രു​കാ​ല​ത്തു ഭ​ക്ഷ്യ​വ​സ്തു​ക്ക​ളു​ടെ ഉ​ത്പാ​ദ​ന​ത്തി​ൽ ന​മു​ക്കു​ണ്ടാ​യി​രു​ന്ന താ​ത്പ​ര്യം പൊ​യ്പോ​യി​രി​ക്കു​ന്നു. പ്ര​ധാ​ന വി​ള​ക​ൾ​ക്കൊ​പ്പം ഇ​ട​വി​ള​ക​ളും ധാ​രാ​ള​മാ​യി കൃ​ഷി ചെ​യ്തി​രു​ന്നു. ഇ​പ്പോ​ൾ ഇ​ട​വി​ള​ക​ളെ​ന്ന​ല്ല, പ്ര​ധാ​ന​ വി​ള​ക​ളും ന​ന്നേ കു​റ​ഞ്ഞി​രി​ക്കു​ന്നു. ആ​ദാ​യ​ക​ര​മ​ല്ലാ​ത്ത​തു​ത​ന്നെ പ്ര‌​ധാ​ന കാ​ര​ണം. കൃ​ഷി​രീ​തി​ക​ളും കാ​ർ​ഷി​ക​മേ​ഖ​ല​യും കാ​ലാ​നു​സൃ​ത​മാ​യി പ്ര​ഫ​ഷ​ണ​ലാ​ക്കി​യാ​ൽ മാ​ത്ര​മേ എ​ന്തെ​ങ്കി​ലും പു​രോ​ഗ​തി പ്ര​തീ​ക്ഷി​ക്കാ​നാ​വൂ.

കേ​ര​ള​ത്തി​നു ത​ന​താ​യ കാ​ർ​ഷി​ക പാ​ര​ന്പ​ര്യ​മു​ണ്ട്. എം.​എ​സ്. സ്വാ​മി​നാ​ഥ​നെ​യും അ​മു​ൽ കു​ര്യ​നെ​യും പോ​ലു​ള്ള​വ​ർ ഹ​രി​ത, ധ​വ​ള വി​പ്ല​വ​ങ്ങ​ൾ​ക്കു നേ​തൃ​ത്വം കൊ​ടു​ത്ത് അ​ന്ത​ർ​ദേ​ശീ​യ ത​ല​ത്തി​ൽ​ത്ത​ന്നെ വ്യ​ക്തി​മു​ദ്ര പ​തി​പ്പി​ച്ച​വ​രാ​ണ്. അ​ത്ത​ര​മൊ​രു പാ​ര​ന്പ​ര്യ​ത്തി​ൽ​നി​ന്നു സ​മ​കാ​ലി​ക കേ​ര​ള​ത്തി​നു സ്വ​യം​പ​ര്യാ​പ്‌​ത​ത​യി​ൽ എ​ത്താ​ൻ ക​ഴി​യ​ണം. കാ​ലാ​വ​സ്ഥാ വ്യ​തി​യാ​നം കാ​ർ​ഷി​ക​മേ​ഖ​ല​യെ​യും അ​തി​ലൂ​ടെ ഭ​ക്ഷ്യോ​ത്പാ​ദ​ന​ത്തെ​യും ബാ​ധി​ക്കാ​തി​രി​ക്കി​ല്ല. അ​ടു​ത്ത​കാ​ല​ത്തു​ണ്ടാ​യ പ്ര​കൃ​തി​ക്ഷോ​ഭ​ങ്ങ​ളും കാ​ലാ​വ​സ്ഥാ വ്യ​തി​യാ​ന​ങ്ങ​ളും ഭ​ക്ഷ്യോ​ത്പാ​ദ​ന​ത്തെ കാ​ര്യ​മാ​യി ബാ​ധി​ച്ചി​ട്ടു​ണ്ട്. അ​ത്ത​രം പ്ര​തി​കൂ​ല സാ​ഹ​ച​ര്യ​ങ്ങ​ളെ നേ​രി​ടാ​നു​ത​കു​ന്ന ഭ​ക്ഷ്യ​സം​സ്ക​ര​ണ സം​വി​ധാ​ന​ങ്ങ​ളും വി​പ​ണി ഇ​ട​പെ​ട​ലു​ക​ളും സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ണ്ടാ​ക​ണം.

കാ​ർ​ഷി​ക മേ​ഖ​ല​യോ​ടു നാം ​പൊ​തു​വേ പു​ല​ർ​ത്തു​ന്ന നി​സം​ഗ​ത മാ​റ​ണം. പു​തു​ത​ല​മു​റ​യെ കാ​ർ​ഷി​ക​രം​ഗ​ത്തേ​ക്ക് ആ​ക​ർ​ഷി​ക്കാ​നു​ത​കു​ന്ന മാ​ർ​ഗ​ങ്ങ​ൾ ക​ണ്ടെ​ത്ത​ണം. കൃ​ഷി ലാ​ഭ​ക​ര​മാ​ണെ​ന്ന് ഉ​റ​പ്പാ​ക്കി​യാ​ൽ മാ​ത്ര​മേ പു​തി​യ ത​ല​മു​റ അ​തി​ലേ​ക്കു ക​ട​ന്നു​വ​രാ​ൻ താ​ത്പ​ര്യം കാ​ട്ടു​ക​യു​ള്ളൂ.

വി​ല​ക്ക​യ​റ്റം രാ​ജ്യ​ത്തെ ജ​ന​ങ്ങ​ളു​ടെ ജീ​വി​തം ദു​സ്സ​ഹ​മാ​ക്കു​ന്നു​വെ​ന്ന​തു സ​ർ​ക്കാ​ർ ലാ​ഘ​വ​ബു​ദ്ധി​യോ​ടെ കാ​ണ​രു​ത്. ഭ​ക്ഷ്യ​വ​സ്തു​ക്ക​ളു​ടെ വി​ല നി​യ​ന്ത്രി​ച്ചു നി​ർ​ത്താ​നു​ള്ള എ​ല്ലാ ശ്ര​മ​വും സ​ർ​ക്കാ​ർ ന​ട​ത്തേ​ണ്ട​താ​ണ്. അ​ത്യാ​വ​ശ്യ ഭ​ക്ഷ്യ​വ​സ്തു​ക്ക​ളു​ടെ ല​ഭ്യ​ത ഉ​റ​പ്പു​വ​രു​ത്ത​ണം. അ​വ സാ​ധാ​ര​ണ​ക്കാ​ര​നു താ​ങ്ങാ​വു​ന്ന വി​ല​യി​ൽ ല​ഭ്യ​മാ​ക്ക​ണം. ജ​ന​ങ്ങ​ളി​ൽ ഭൂ​രി​പ​ക്ഷ​ത്തി​ന്‍റെ​യും വ​രു​മാ​നം ഒ​ട്ടും​ത​ന്നെ കൂ​ടു​ന്നി​ല്ല. ഏ​റെ​പ്പേ​രു​ടെ​യും വ​രു​മാ​നം കു​റ​യു​ക​യാ​ണ്. സാ​ധാ​ര​ണ​ക്കാ​രു​ടെ ജീ​വി​തം ദു​സ്സ​ഹ​മാ​ക്കു​ന്ന​ ത​ര​ത്തി​ൽ അ​വ​ശ്യ​വ​സ്തു​ക്ക​ളു​ടെ വി​ല ഉ​യ​ർ​ന്നു​കൊ​ണ്ടി​രി​ക്കേ ഫ​ല​പ്ര​ദ​മാ​യ ന​ട​പ​ടി എ​ടു​ക്കാ​ൻ സ​ർ​ക്കാ​ർ ഒ​ട്ടും അ​മാ​ന്തം കാ​ട്ട​രു​ത്.
Copyright @ 2022 , Rashtra Deepika Ltd.