ഫ്ലെക്സ് പ്രചാരണം നാടിനെ വിഷലിപ്തമാക്കും
ലോ​ക്സ​ഭാ തെ​ര​ഞ്ഞെ​ടു​പ്പു പ്ര​ചാ​ര​ണ​ത്തി​നു ഫ്ലെ​ക്സ് ബോ​ർ​ഡു​ക​ൾ ഉ​പ​യോ​ഗി​ക്ക​രു​തെ​ന്നു ഹൈ​ക്കോ​ട​തി ഉ​ത്ത​ര​വി​ട്ടി​രി​ക്കു​ന്നു. പ​രി​സ്ഥി​തി സൗ​ഹൃ​ദ വ​സ്തു​ക്ക​ൾ മാ​ത്ര​മേ പ്ര​ചാ​ര​ണ​ത്തി​നു​പ​യോ​ഗി​ക്കാ​വൂ എ​ന്നാ​ണ് ചീ​ഫ് ജ​സ്റ്റീ​സ് ഉ​ൾ​പ്പെ​ട്ട ഡി​വി​ഷ​ൻ ബെ​ഞ്ചി​ന്‍റെ ഉ​ത്ത​ര​വ്. ഗു​രു​ത​ര​മാ​യ ആ​രോ​ഗ്യ​പ്ര​ശ്ന​ങ്ങ​ൾ​ക്കും പ​രി​സ്ഥി​തി മ​ലി​നീ​ക​ര​ണ​ത്തി​നു​മി​ട​യാ​ക്കു​ന്ന പ്ലാ​സ്റ്റി​ക്കി​ന്‍റെ​യും പി​വി​സി ഫ്ലെ​ക്സി​ന്‍റെ​യു​മൊ​ക്കെ ഉ​പ​യോ​ഗം പ​രി​സ്ഥി​തി സം​ര​ക്ഷ​ണ നി​യ​മ​പ്ര​കാ​രം കു​റ്റ​ക​ര​മാ​ണ്. ഗു​രു​ത​ര​മാ​യ പ​രി​സ്ഥി​തി പ്ര​ശ്ന​ങ്ങ​ൾ​ക്കി​ട​യാ​ക്കു​ന്ന പോ​ളി​വി​നൈ​ൽ ക്ലോ​റൈ​ഡ്(​പി​വി​സി) ഫ്ലെ​ക്സു​ക​ൾ നി​രോ​ധി​ക്ക​ണ​മെ​ന്നാ​വ​ശ്യ​പ്പെ​ട്ടു ന​ൽ​കി​യ പൊ​തു​താ​ത്പ​ര്യ ഹ​ർ​ജി​യി​ലാ​ണ് ഹൈ​ക്കോ​ട​തി​യു​ടെ ഇ​പ്പോ​ഴ​ത്തെ ഉ​ത്ത​ര​വ്. ഇ​തു സം​ബ​ന്ധി​ച്ചു തെ​ര​ഞ്ഞെ​ടു​പ്പു ക​മ്മീ​ഷ​ൻ പു​റ​പ്പെ​ടു​വി​ച്ചി​ട്ടു​ള്ള മാ​ർ​ഗ​നി​ർ​ദേ​ശ​ങ്ങ​ൾ ന​ട​പ്പാ​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചി​ട്ടു​ണ്ട്.

പ്ലാ​സ്റ്റി​ക് മാ​ലി​ന്യ​ങ്ങ​ളും മ​റ്റ് അ​ജൈ​വ പാ​ഴ്‌​വ​സ്തു​ക്ക​ളും ഉ​ണ്ടാ​ക്കു​ന്ന ഭ​വി​ഷ്യ​ത്തു​ക​ളെ​ക്കു​റി​ച്ചു ലോ​ക​ത്തി​നി​പ്പോ​ൾ കൂ​ടു​ത​ൽ ബോ​ധ്യ​മു​ണ്ട്. ഇ​രു​പ​താം നൂ​റ്റാ​ണ്ടി​ന്‍റെ ഉ​ത്ത​രാ​ർ​ധ​ത്തി​ലാ​ണ് പ്ലാ​സ്റ്റി​ക് ഉ​ത്പ​ന്ന​ങ്ങ​ളു​ടെ ഉ​പ​യോ​ഗം വ്യാ​പ​ക​മാ​കു​ന്ന​ത്. ഉ​പ​യോ​ഗി​ക്കാ​നു​ള്ള സൗ​ക​ര്യം ഇ​തി​ന്‍റെ വ്യാ​പ​നം ശീ​ഘ്ര​ഗ​തി​യി​ലാ​ക്കി. പ്ലാ​സ്റ്റി​ക് ഉ​യ​ർ​ത്തു​ന്ന പാ​രി​സ്ഥി​തി​ക പ്ര​ശ്ന​ങ്ങ​ളെ​ക്കു​റി​ച്ചു​ള്ള ബോ​ധ്യം സ​മൂ​ഹ​ത്തി​ൽ വ​ർ​ധി​ച്ചി​ട്ടു​ണ്ടെ​ങ്കി​ലും അ​തി​ന്‍റെ ഉ​പ​യോ​ഗം നി​യ​ന്ത്രി​ക്കു​ക​യെ​ങ്കി​ലും ചെ​യ്യു​ന്ന​തി​ൽ നാം ​കൂ​ടു​ത​ൽ ജാ​ഗ്ര​ത കാ​ണി​ക്കേ​ണ്ടി​യി​രി​ക്കു​ന്നു.

ഉ​യ​ർ​ന്ന സാ​ക്ഷ​ര​ത​യും സാ​മൂ​ഹ്യ​ബോ​ധ​വു​മു​ള്ള കേ​ര​ളീ​യ​ർ പ്ലാ​സ്റ്റി​ക്കി​ന്‍റെ​യും ഫ്ലെ​ക്‌​സി​ന്‍റെ​യു​മൊ​ക്കെ ഉ​പ​യോ​ഗം നി​യ​ന്ത്രി​ക്കു​ന്ന​തി​ൽ ഹൈ​ക്കോ​ട​തി ഉ​ത്ത​ര​വു വ​രു​ന്ന​തു​വ​രെ കാ​ത്തു​നി​ൽ​ക്കു​ക​പോ​ലും ചെ​യ്യ​രു​താ​യി​രു​ന്നു. തെ​ര​ഞ്ഞെ​ടു​പ്പു പ്ര​ചാ​ര​ണ​ത്തി​ന് ഇ​പ്പോ​ൾ ആ​ധു​നി​ക സാ​ങ്കേ​തി​ക​വി​ദ്യ​യും സാ​മൂ​ഹ്യ​മാ​ധ്യ​മ​ങ്ങ​ളു​മാ​ണ് കൂ​ടു​ത​ലാ​യും പ്ര​യോ​ഗി​ക്ക​പ്പെ​ടു​ന്ന​തെ​ങ്കി​ലും പ​ര​ന്പ​രാ​ഗ​ത പ്ര​ചാ​ര​ണ മാ​ർ​ഗ​ങ്ങ​ളും ധാ​രാ​ള​മാ​യി ഉ​പ​യോ​ഗി​ക്ക​പ്പെ​ടു​ന്നു. അ​ങ്ങ​നെ​യാ​ണ് പ​രി​സ്ഥി​തി സൗ​ഹൃ​ദ​മ​ല്ലാ​ത്ത ഫ്ലെ​ക്‌​സ് ബോ​ർ​ഡു​ക​ളും മ​റ്റും ഉ​യ​രു​ന്ന​ത്. ഇ​തി​നി​ടെ ഫ്ലെ​ക്സ് നി​രോ​ധ​ന​ത്തെ അ​തി​ജീ​വി​ക്കാ​ൻ മ​ണ്ണി​ൽ അ​ലി​ഞ്ഞു​ ചേരു​മെ​ന്ന​വ​കാ​ശ​പ്പെ​ടു​ന്ന പ്ര​കൃ​തി സൗ​ഹൃ​ദ ഫ്ലെ​ക്സു​ക​ളു​മാ​യി ചി​ല​ർ രം​ഗ​ത്തെ​ത്തി​യി​ട്ടു​ണ്ട്.

ഹ​രി​ത ച​ട്ടം ന​ട​പ്പാ​ക്കി​യ ഇ​ന്ത്യ​യി​ലെ ആ​ദ്യ സം​സ്ഥാ​ന​മാ​ണു കേ​ര​ള​മെ​ന്നാ​ണു നാം ​അ​വ​കാ​ശ​പ്പെ​ടു​ന്ന​ത്. വി​ദ്യാ​ല​യ​ങ്ങ​ളും പൊ​തു​സ്ഥ​ല​ങ്ങ​ളു​മൊ​ക്കെ പ്ലാ​സ്റ്റി​ക് ര​ഹി​ത​മാ​ക്കു​ന്ന​തി​നു​ള്ള ചി​ല പ​ദ്ധ​തി​ക​ൾ ന​ട​പ്പാ​ക്കി​യി​രു​ന്നു. കൊ​ല്ല​ത്ത് ഈ​യി​ടെ അ​യ്യാ​യി​ര​ത്തോ​ളം മ​ത്സ്യ​ത്തൊ​ഴി​ലാ​ളി​ക​ൾ ഒ​രു മ​ണി​ക്കൂ​ർ ക​ട​ലി​ലെ പ്ലാ​സ്റ്റി​ക് മാ​ലി​ന്യ​ങ്ങ​ൾ നീ​ക്കം ചെ​യ്യു​ന്ന​തി​നാ​യി ശ്ര​മ​ദാ​ന​ത്തി​ലേ​ർ​പ്പെ​ട്ടു. ഇ​ത്ത​ര​ത്തി​ലു​ള്ള ശ്ര​മ​ദാ​ന-ബോ​ധ​വ​ത്ക​ര​ണ പ​രി​പാ​ടി​ക​ൾ സം​സ്ഥാ​ന​ത്തു​ട​നീ​ളം ന​ട​ക്കു​ന്നു​ണ്ട്. പാ​ത​യോ​ര​ത്തെ അ​ന​ധി​കൃ​ത ഫ്ലെ​ക്സ് ബോ​ർ​ഡു​ക​ളും പ​ര​സ്യ ബോ​ർ​ഡു​ക​ളും ത​ദ്ദേ​ശ​സ്ഥാ​പ​ന​ങ്ങ​ളി​ലെ സെ​ക്ര​ട്ട​റി​മാ​ർ മു​ൻ​കൈ​യെ​ടു​ത്തു പ​ത്തു ദി​വ​സ​ത്തി​ന​കം നീ​ക്ക​ണ​മെ​ന്നു ഹൈ​ക്കോ​ട​തി ക​ഴി​ഞ്ഞ​മാ​സം അ​ന്ത്യ​ശാ​സ​നം ന​ൽ​കി​യി​രു​ന്നു. നീ​ക്കം ചെ​യ്യു​ന്ന ഫ്ലെ​ക്സു​ക​ളും മ​റ്റും സ്ഥാ​പി​ച്ച​വ​ർ​ക്കു തി​രി​ച്ചു ന​ൽ​കി ഫീ​സ് ഈ​ടാ​ക്ക​ണ​മെ​ന്നാ​യി​രു​ന്നു ഉ​ത്ത​ര​വ്. ഇ​ക്കാ​ര്യ​ത്തി​ൽ ത​ദ്ദേ​ശ സ്ഥാ​പ​ന​ങ്ങ​ൾ പ​രാ​തി ന​ൽ​കി​യാ​ൽ പോ​ലീ​സ് ക്രി​മി​ന​ൽ കേ​സെ​ടു​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.

ലോ​ക്സ​ഭാ തെ​ര​ഞ്ഞെ​ടു​പ്പ​ടു​ത്ത​പ്പോ​ൾ വി​വി​ധ രാ​ഷ്‌​ട്രീ​യ​പാ​ർ​ട്ടി​ക​ളും നേ​താ​ക്ക​ളും സം​സ്ഥാ​ന ജാ​ഥ​ക​ൾ ന​ട​ത്തി​യി​രു​ന്നു. ഇ​തി​ന്‍റെ ഭാ​ഗ​മാ​യി ദേ​ശീ​യ പാ​ത​യി​ലു​ൾ​പ്പെ​ടെ പൊ​തു​നി​ര​ത്തു​ക​ളി​ലു​ട​നീ​ളം ഫ്ലെ​ക്സു​ക​ളും ബോ​ർ​ഡു​ക​ളും ഉ​യ​ർ​ന്നു. പ്ലാ​സ്റ്റി​ക് വി​പ​ത്തി​നെ​ക്കു​റി​ച്ചു എ​ല്ലാ രാ​ഷ്‌​ട്രീ​യ പാ​ർ​ട്ടി​ക​ളും ബോ​ധ​വാ​​ന്മാ​രാകേ​ണ്ടി​യി​രി​ക്കു​ന്നു. ഇ​ക്കാ​ര്യ​ത്തി​ൽ ഒ​രു സ​ർ​വ​ക​ക്ഷി തീ​രു​മാ​നം ത​ന്നെ ന​ട​പ്പാ​ക്കേ​ണ്ട​തു​ണ്ട്.

ഉ​ത്പാ​ദി​പ്പി​ക്ക​പ്പെ​ടു​ന്ന പ്ലാ​സ്റ്റി​ക്കി​ന്‍റെ 80 ശ​ത​മാ​ന​വും ഉ​പ​യോ​ഗ​ശൂ​ന്യ​മാ​യി ഭൂ​മി​യി​ൽ അ​ടി​ഞ്ഞു​കൂ​ടു​ന്നു. പ്ലാ​സ്റ്റി​ക്കി​ന്‍റെ​യും പി​വി​സി​യു​ടെ​യു​മൊ​ക്കെ കാ​ര്യ​ത്തി​ൽ ഉ​പ​യോ​ഗി​ക്കാ​നു​ള്ള സൗ​ക​ര്യം മാ​ത്രം ക​ണ​ക്കി​ലെ​ടു​ത്താ​ൽ പോ​രാ. നാ​ള​ത്തെ ലോ​ക​ത്തി​ന് അ​തൊ​രു ബാ​ധ്യ​ത​യാ​യി മാ​റാ​തി​രി​ക്കാ​ൻ​കൂ​ടി ശ്ര​ദ്ധി​ക്ക​ണം. ലോ​ക​ത്തി​ലെ ഏ​റ്റ​വും കൂ​ടു​ത​ൽ വാ​യു​മ​ലി​നീ​ക​ര​ണ​മു​ള്ള പ​ത്തു ന​ഗ​ര​ങ്ങ​ളി​ൽ ഏ​ഴും ഇ​ന്ത്യ​യി​ലാ​ണെ​ന്ന് ഐ​ക്യു എ​യ​ർ​വി​ഷ്വ​ലും ഗ്രീ​ൻ​പീ​സും ന​ട​ത്തി​യ പ​ഠ​ന റി​പ്പോ​ർ​ട്ട് ചൂ​ണ്ടി​ക്കാ​ട്ടി​യി​രു​ന്നു. ഭൂ​വി​സ്തൃ​തി​യും ജ​ന​സം​ഖ്യ​യും ഇ​ന്ത്യ​യെ പ്ലാ​സ്റ്റി​ക് ഉ​പ​യോ​ഗ​ത്തി​ന്‍റെ കാ​ര്യ​ത്തി​ലും മു​ൻ​പ​ന്തി​യി​ൽ നി​ർ​ത്തു​ന്നു. ഭൂ​മി​യും അ​ന്ത​രീ​ക്ഷ​വു​മെ​ല്ലാം മ​ലി​ന​മാ​കു​ന്പോ​ൾ അ​തു ജ​ന​ജീ​വി​തം ദു​സ​ഹ​മാ​ക്കു​മെ​ന്നും വ​രും​ത​ല​മു​റ​യോ​ടു​ള്ള ക​ടു​ത്ത അ​പ​രാ​ധ​മാ​ണെ​ന്നും നാം ​തി​രി​ച്ച​റി​യേ​ണ്ട​തു​ണ്ട്.

ഐ​ക്യ​രാ​ഷ്‌​ട്ര​സ​ഭ​യു​ടെ ആ​ഭി​മു​ഖ്യ​ത്തി​ൽ ന​ട​ത്തു​ന്ന പ​രി​സ്ഥി​തി ദി​ന​ത്തി​ന്‍റെ ക​ഴി​ഞ്ഞ വ​ർ​ഷ​ത്തെ പ്ര​മേ​യം പ്ലാ​സ്റ്റി​ക് മ​ലി​നീ​ക​ര​ണ​ത്തെ എ​ങ്ങ​നെ നേ​രി​ടാം എ​ന്ന​താ​യി​രു​ന്നു. പ്ലാ​സ്റ്റി​ക് ക​ത്തി​ക്കു​ന്പോ​ൾ അ​തി​ൽ അ​ട​ങ്ങി​യി​രി​ക്കു​ന്ന രാ​സ​വ​സ്തു​ക്ക​ളാ​യ ബെ​ൻ​സീ​നും വി​നൈ​ൽ ഹൈ​ഡ്രോ ക്ലോ​റൈ​ഡും അ​ന്ത​രീ​ക്ഷ​ത്തി​ൽ വ്യാ​പി​ക്കും. കാ​ൻ​സ​ർ ഉ​ൾ​പ്പെ​ടെ മാ​ര​ക​മാ​യ രോ​ഗ​ങ്ങ​ൾ​ക്കു ഹേ​തു​വാ​കു​ന്ന​താ​ണീ രാ​സ​വ​സ്തു​ക്ക​ൾ. ഇ​തു​കൂ​ടാ​തെ മ​റ്റു പ​ല വി​ഷ​ലി​പ്ത രാ​സ​വ​സ്തു​ക്ക​ളും പ്ലാ​സ്റ്റി​ക്കും പി​വി​സി​യും ക​ത്തു​ന്പോ​ൾ പു​റം​ത​ള്ള​പ്പെ​ടു​ന്നു. പ്ലാ​സ്റ്റി​ക് കു​പ്പി​ക​ൾ, സി​ഡി, ഡി​വി​ഡി എ​ന്നി​വ​യി​ൽ അ​ട​ങ്ങി​യി​ട്ടു​ള്ള ബി​സ്‌​ഫി​നോ​ൾ-​എ എ​ന്ന രാ​സ​വ​സ്തു ഹോ​ർ​മോ​ൺ പ്ര​വ​ർ​ത്ത​ന​ത്തെ ബാ​ധി​ക്കു​ന്ന​താ​യും ക​ണ്ടെ​ത്തി​യി​ട്ടു​ണ്ട്.

പ്ലാ​സ്റ്റി​ക് ക​ത്തി​ക്കാ​തെ പ​റ​ന്പി​ലോ ജ​ലാ​ശ​യ​ത്തി​ലോ ഉ​പേ​ക്ഷി​ച്ചാ​ലും അ​തു പാ​രി​സ്ഥി​തി​ക പ്ര​ശ്ന​ങ്ങ​ൾ വ​ർ​ധി​പ്പി​ക്കും. മൂ​ന്നു മാ​സം ക​ട​ലി​ൽ കി​ട​ക്കു​ന്ന പ്ലാ​സ്റ്റി​ക്കി​ൽ​നി​ന്നു രൂ​പ​പ്പെ​ടു​ന്ന രാ​സ​വ​സ്തു​വി​ന് മ​ത്സ്യ​ഗ​ന്ധ​മാ​ണു​ള്ള​ത്. ക​ട​ൽ​പ്പ​ക്ഷി​ക​ൾ ഇ​തു ഭ​ക്ഷി​ക്കും. കൂ​ട്ട​ത്തോ​ടെ ച​ത്തൊ​ടു​ങ്ങും. ക​ഴി​ഞ്ഞ 60 വ​ർ​ഷ​ത്തി​നി​ടെ ക​ട​ൽ​പ്പ​ക്ഷി​ക​ളു​ടെ എ​ണ്ണം മൂ​ന്നി​ൽ ര​ണ്ടാ​യി കു​റ​ഞ്ഞി​ട്ടു​ണ്ട്. ട​യ​റു​ക​ളി​ൽ​നി​ന്നും പോ​ളി​സ്റ്റ​ർ വ​സ്ത്ര​ങ്ങ​ളി​ൽ​നി​ന്നു​മു​ള്ള അ​തി​സൂ​ക്ഷ്മ​മാ​യ പ്ലാ​സ്റ്റി​ക് ത​രി​ക​ൾ ക​ട​ലി​ലെ​ത്തി​യാ​ൽ അ​ത് ജ​ലോ​പ​രി​ത​ല​ത്തി​ൽ കി​ട​ക്കും. മീ​ൻ​മു​ട്ട​യാ​ണെ​ന്നു​ക​രു​തി ക​ട​ൽ​പ്പ​ക്ഷി​ക​ൾ ഇ​വ ഭ​ക്ഷി​ക്കാ​റു​ണ്ട്.

2050 ആ​കു​ന്പോ​ഴേ​ക്കും ക​ട​ലി​ലെ മ​ത്സ്യ​സ​ന്പ​ത്തി​ന്‍റെ ഭാ​ര​ത്തേ​ക്കാ​ളേ​റെ പ്ലാ​സ്റ്റി​ക് മാ​ലി​ന്യം ക​ട​ലി​ലെ​ത്തു​മെ​ന്നാ​ണൊ​രു ക​ണ​ക്ക്. പ്ലാ​സ്റ്റി​ക്കി​ന്‍റെ​യും പി​വി​സി​യു​ടെ​യും അ​നു​ബ​ന്ധ വ​സ്തു​ക്ക​ളു​ടെ​യും ഉ​പ​യോ​ഗം ക്ര​മാ​നു​ഗ​ത​മാ​യി കു​റ​ച്ചു​കൊ​ണ്ടു​വ​രാ​നു​ള്ള ശ്ര​മം ആ​ഗോ​ള​ത​ല​ത്തി​ൽ ന​ട​ക്കു​ന്നു​ണ്ട്. നാ​മും അ​ത്ത​രം ന​ട​പ​ടി​ക​ളെ​ടു​ക്ക​ണം. ഇ​ക്കാ​ര്യ​ത്തി​ൽ ഭ​ര​ണ​കൂ​ട​ത്തി​നും സ​മൂ​ഹ​ത്തി​നും ഇ​പ്പോ​ൾ ജാ​ഗ്ര​ത വ​ള​രെ​ക്കു​റ​വാ​ണ്. കോ​ട​തി ഇ​ത്ര ശ​ക്ത​മാ​യി ഇ​ട​പെ​ട്ടി​ട്ടും നാം ​അ​ല​സ​ത തു​ട​രു​ന്നു​വെ​ങ്കി​ൽ അ​ത് അ​പ​രി​ഹാ​ര്യ​മാ​യ പ്ര​തി​സ​ന്ധി​യാ​വും ഉ​ണ്ടാ​ക്കു​ക.
Copyright @ 2022 , Rashtra Deepika Ltd.