പ്രിയങ്കയുടെ രാഷ്‌ട്രീയപ്രവേശം യുവത്വരാഷ്‌ട്രീയത്തിനു പ്രേരകം
ദേ​ശീ​യ രാ​ഷ്‌​ട്രീ​യം ചൂ​ടു​പി​ടി​ക്കു​ക​യാ​ണ്. ലോ​ക്‌​സ​ഭാ തെ​ര​ഞ്ഞെ​ടു​പ്പി​നു​വേ​ണ്ടി രാ​ഷ്‌​ട്രീ​യ ക​ക്ഷി​ക​ളെ​ല്ലാം ക​ച്ച​മു​റു​ക്കു​ന്നു. മ​ഹാ​സ​ഖ്യ രൂ​പ​വ​ത്ക​ര​ണ​വും റാ​ലി​ക​ളും വ​ലി​യ ആ​വേ​ശം സൃ​ഷ്‌​ടി​ച്ചി​ട്ടു​ണ്ട്. ക​ഴി​ഞ്ഞ ദി​വ​സം പ്രി​യ​ങ്ക​ഗാ​ന്ധി​യെ കി​ഴ​ക്ക​ൻ ഉ​ത്ത​ർ​പ്ര​ദേ​ശി​ന്‍റെ ചു​മ​ത​ല​യു​ള്ള എ​ഐ​സി​സി ജ​ന​റ​ൽ സെ​ക്ര​ട്ട​റി​യാ​യി നി​യ​മി​ച്ചു​കൊ​ണ്ടു​ള്ള തീ​രു​മാ​നം ദേ​ശീ​യ രാ​ഷ്‌​ട്രീ​യ​ത്തി​ൽ, വി​ശി​ഷ്യ കോ​ൺ​ഗ്ര​സ് രാ​ഷ്‌​ട്രീ​യ​ത്തി​ൽ, നി​ർ​ണാ​യ​ക​മാ​കു​മെ​ന്നു നി​രീ​ക്ഷ​ക​ർ ക​രു​തു​ന്നു.

നെ​ഹ്‌​റു- ഇ​ന്ദി​രാ​ഗാ​ന്ധി-​രാ​ജീ​വ്‌​ഗാ​ന്ധി കു​ടും​ബ​പാ​ര​ന്പ​ര്യ​ത്തി​ന്‍റെ തു​ട​ർ​ക്ക​ണ്ണി​യാ​ണ​ല്ലോ കോ​ൺ​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യും പ്രി​യ​ങ്ക ഗാ​ന്ധി​യും. നെ​ഹ്റു​വും ഇ​ന്ദി​രാ​ഗാ​ന്ധി​യും രാ​ജീ​വ് ഗാ​ന്ധി​യും ഇ​ന്ത്യ​യു​ടെ ച​രി​ത്ര​ത്തി​ലെ അ​വി​സ്മ​ര​ണീ​യ​രാ​യ പ്ര​ധാ​ന​മ​ന്ത്രി​മാ​രാ​ണ്. മ​ഹാ​ത്മാ​ഗാ​ന്ധി​യോ​ടൊ​മൊ​പ്പം നി​ന്ന് രാ​ജ്യ​ത്തി​നു സ്വാ​ത​ന്ത്ര്യം നേ​ടി​ക്കൊ​ടു​ക്കു​ന്ന​തി​ൽ സു​പ്ര​ധാ​ന​മാ​യ പ​ങ്കു​വ​ഹി​ച്ച പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്‌​റു പ്ര​ധാ​ന​മ​ന്ത്രി​യാ​യ​ശേ​ഷം രാ​ജ്യ​ത്തെ വ​ലി​യ പു​രോ​ഗ​തി​യി​ലേ​ക്കു ന​യി​ക്കു​ക​യും രാ​ഷ്‌​ട്ര​ശി​ല്പി​യെ​ന്ന പേ​രു നേ​ടു​ക​യും ഇ​ന്ത്യ​ൻ ജ​നാ​ധി​പ​ത്യ​ത്തി​ന് ആ​ഗോ​ള​ത​ല​ത്തി​ൽ പ്ര​ശ​സ്തി കൈ​വ​രു​ത്തു​ക​യും ചെ​യ്തു.

വി​വാ​ദ​ങ്ങ​ളേ​റെ നേ​രി​ടേ​ണ്ടി​വ​ന്നു​വെ​ങ്കി​ലും ലോ​കം ക​ണ്ട ശ​ക്ത​രാ​യ ഭ​ര​ണാ​ധി​കാ​രി​ക​ളു​ടെ മു​ൻ​നി​ര​യി​ലു​ണ്ട് ഇ​ന്ദി​രാ​ഗാ​ന്ധി. ഇ​ന്ത്യ​യെ ആ​ധു​നി​ക​യു​ഗ​ത്തി​ലേ​ക്കു ന​യി​ക്കു​ന്ന​തി​ൽ രാ​ജീ​വ് ന​ൽ​കി​യ സം​ഭാ​വ​ന നി​സ്തു​ല​മാ​ണ്. ടെ​ലി​കോം മേ​ഖ​ല​യി​ൽ ഇ​ന്ത്യ ഇ​ന്ന​ത്തെ നി​ല​യി​ലേ​ക്കു വ​ള​ർ​ന്ന​തി​നു പി​ന്നി​ൽ രാ​ജീ​വി​ന്‍റെ ദീ​ർ​ഘ​ദൃ​ഷ്‌​ടി​യോ​ടെ​യു​ള്ള ന​ട​പ​ടി​ക​ളു​ണ്ട്. ഇ​ങ്ങ​നെ​യൊ​ക്കെ ഇ​ന്ത്യ​ൻ ച​രി​ത്ര​വു​മാ​യി അ​ഭേ​ദ്യ​ബ​ന്ധ​മു​ള്ള പാ​ര​ന്പ​ര്യ​വു​മാ​യാ​ണു മ​ടി​ച്ചാ​ണെ​ങ്കി​ലും രാ​ജീ​വി​ന്‍റെ മ​ക​ൻ രാ​ഹു​ൽ ഗാ​ന്ധി രാ​ഷ്‌​ട്രീ​യ​ത്തി​ലേ​ക്കി​റ​ങ്ങി​യ​ത്. രാ​ഹു​ലി​നു മു​ന്പാ​യി​ത്ത​ന്നെ രാ​ജീ​വ് ഗാ​ന്ധി​യു​ടെ പി​ൻ​ഗാ​മി​യാ​കു​മെ​ന്നു പ​ല​രും ക​രു​തി​യി​രു​ന്ന പ്രി​യ​ങ്ക​ഗാ​ന്ധി അ​ല്പം വൈ​കി​യാ​ണെ​ങ്കി​ലും ഇ​പ്പോ​ൾ സ​ജീ​വ രാ​ഷ്‌​ട്രീ​യ​ത്തി​ൽ എ​ത്തി​യി​രി​ക്കു​ന്ന​ത് കോ​ൺ​ഗ്ര​സി​ന് ഉ​ണ​ർ​വേ​കാ​തി​രി​ക്കി​ല്ല.

പ്രി​യ​ങ്ക​യു​ടെ രാ​ഷ്‌​ട്രീ​യ പ്ര​വേ​ശം ഏ​റെ​ക്കാ​ല​മാ​യി ഊ​ഹാ​പോ​ഹ​ങ്ങ​ളി​ലു​ണ്ടാ​യി​രു​ന്നു. മു​ഖ്യ​ധാ​ര​യി​ൽ​നി​ന്നു മാ​റി​നി​ന്ന അ​വ​ർ തെ​ര​ഞ്ഞെ​ടു​പ്പു​കാ​ല​ത്തു മാ​താ​വു സോ​ണി​യ ഗാ​ന്ധി​യു​ടെ​യും സ​ഹോ​ദ​ര​ൻ രാ​ഹു​ലി​ന്‍റെ​യും മ​ണ്ഡ​ല​ങ്ങ​ളി​ൽ മാ​ത്ര​മാ​യി പ്ര​ചാ​ര​ണ​പ്ര​വ​ർ​ത്ത​ന​ങ്ങ​ൾ ഒ​തു​ക്കി​നി​ർ​ത്തി. രാ​ഷ്‌​ട്രീ​യ​ത്തി​ൽ​നി​ന്നു പൂ​ർ​ണ​മാ​യി വി​ട്ടു​നി​ന്നി​ല്ലെ​ങ്കി​ലും കു​ടും​ബ​കാ​ര്യ​ങ്ങ​ളി​ലും മ​ക്ക​ളു​ടെ കാ​ര്യ​ത്തി​ലു​മൊ​ക്കെ​യാ​യി​രു​ന്നു കൂ​ടു​ത​ൽ ശ്ര​ദ്ധ. ഭ​ർ​ത്താ​വ് റോ​ബ​ർ​ട്ട് വ​ദ്ര​യ്‌​ക്കെ​തി​രേ ഇ​തി​നി​ടെ പ​ല ആ​രോ​പ​ണ​ങ്ങ​ളും ഉ​യ​ർ​ന്നു.

പൊ​തു​വേ​ദി​ക​ളി​ൽ പ്ര​ത്യ​ക്ഷ​പ്പെ​ടു​ന്പോ​ഴെ​ല്ലാം മു​ത്ത​ശ്ശി​യെ അ​നു​സ്മ​രി​പ്പി​ക്കു​ന്ന വ്യ​ക്തി​പ്രാ​ഭ​വം പ്രി​യ​ങ്ക​യി​ൽ തെ​ളി​ഞ്ഞു​നി​ന്നി​രു​ന്നു. ജ​ന​ങ്ങ​ളു​മാ​യി അ​ടു​ത്തി​ട​പ​ഴ​കാ​നും അ​വ​രു​മാ​യി ഹൃ​ദ​യം​തു​റ​ന്നു സം​വ​ദി​ക്കാ​നും പ്രി​യ​ങ്ക​യ്‌​ക്കു സാ​ധി​ച്ചു. സ​ജീ​വ​രാ​ഷ്‌​ട്രീ​യ​ത്തി​ലേ​ക്കു​ള്ള പ്രി​യ​ങ്ക​യു​ടെ ആ​ഗ​മ​നം ദീ​ർ​ഘ​കാ​ല ല​ക്ഷ്യ​ത്തോ​ടെ​യാ​വാ​മെ​ങ്കി​ലും ഇ​പ്പോ​ൾ അ​വ​രി​ൽ ഭ​ര​മേ​ൽ​പ്പി​ച്ചി​രി​ക്കു​ന്ന​തു വ്യ​ക്ത​മാ​യൊ​രു ഗെ​യിം​പ്ലാ​നാ​ണ്. യു​പി​യി​ലാ​ക​മാ​നം, പ്ര​ത്യേ​കി​ച്ചു പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ മ​ണ്ഡ​ല​മാ​യ വാ​രാ​ണ​സി​യു​ൾ​പ്പെ​ടു​ന്ന കി​ഴ​ക്ക​ൻ യു​പി​യി​ൽ, കോ​ൺ​ഗ്ര​സി​നു ന​ഷ്‌​ട​മാ​യ ജ​ന​സ്വാ​ധീ​നം തി​രി​കെ​പ്പി​ടി​ക്കു​ക എ​ന്ന​താ​ണു ദൗ​ത്യം. നി​ല​വി​ലെ സാ​ഹ​ച​ര്യ​ത്തി​ൽ അ​ത്ര ല​ളി​ത​മ​ല്ല അ​ത്. ഒ​രു കാ​ല​ത്തു കോ​ൺ​ഗ്ര​സി​ന്‍റെ കോ​ട്ട​യാ​യി​രു​ന്ന യു​പി​യി​ൽ ഇ​ന്നു പാ​ർ​ട്ടി ദു​ർ​ബ​ല​മാ​ണ്. സോ​ണി​യ​യു​ടെ റാ​യ്ബ​റേ​ലി​യി​ലും രാ​ഹു​ലി​ന്‍റെ അ​മേ​ത്തി​യി​ലു​മൊ​ഴി​കെ ഒ​ട്ടെ​ല്ലാ മ​ണ്ഡ​ല​ങ്ങ​ളി​ലും പാ​ർ​ട്ടി തീ​ർ​ത്തും ശോ​ഷി​ച്ചു​പോ​യി. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ സ​മാ​ജ്‌​വാ​ദി പാ​ർ​ട്ടി​യോ​ടൊ​പ്പ​മാ​യി​രു​ന്നെ​ങ്കി​ലും കാ​ര്യ​മാ​യ നേ​ട്ട​മു​ണ്ടാ​ക്കാ​ൻ ക​ഴി​ഞ്ഞി​ല്ല. ഇ​ത്ത​വ​ണ കോ​ൺ​ഗ്ര​സി​നെ ഒ​ഴി​വാ​ക്കി എ​സ്പി-​ബി​എ​സ്പി സ​ഖ്യം തെ​ര​ഞ്ഞെ​ടു​പ്പി​നെ നേ​രി​ടു​ന്പോ​ൾ ഹി​ന്ദി ഹൃ​ദ​യ​ഭൂ​മി​യി​ൽ ന​ല്ലൊ​രു രാ​ഷ്‌​ട്രീ​യ​ക്ക​ളി ന​ട​ത്തി​യി​ല്ലെ​ങ്കി​ൽ വ​ലി​യ കോ​ട്ട​മു​ണ്ടാ​കു​മെ​ന്നു രാ​ഹു​ലും കോ​ൺ​ഗ്ര​സും തി​രി​ച്ച​റി​ഞ്ഞു. അ​തി​നി​റ​ക്കി​യ തു​റു​പ്പു​ചീ​ട്ടാ​യി പ്രി​യ​ങ്ക​യു​ടെ വ​ര​വി​നെ കാ​ണു​ന്ന​വ​രു​ണ്ട്.

ആ​രോ​ഗ്യ​ക​ര​മാ​യൊ​രു രാ​ഷ്‌​ട്രീ​യാ​ന്ത​രീ​ക്ഷം ദേ​ശീ​യ​ത​ല​ത്തി​ൽ ഇ​ല്ലാ​താ​യി​ക്കൊ​ണ്ടി​രി​ക്കു​ന്ന കാ​ല​ഘ​ട്ട​ത്തി​ൽ ദേ​ശീ​യ രാ​ഷ്‌​ട്രീ​യ​ത്തി​ൽ നൂ​റ്റാ​ണ്ടി​ലേ​റെ പാ​ര​ന്പ​ര്യ​മു​ള്ള കോ​ൺ​ഗ്ര​സ് ക​രു​ത്താ​ർ​ജി​ക്ക​ണ​മെ​ന്ന് അ​നേ​ക​ർ ആ​ഗ്ര​ഹി​ക്കു​ന്നു​ണ്ട്. കോ​ൺ​ഗ്ര​സ് മു​ക്ത ഭാ​ര​ത​മെ​ന്ന മു​ദ്രാ​വാ​ക്യ​മു​യ​ർ​ത്തി​യ​വ​ർ ക​ള​ത്തി​ൽ എ​തി​രാ​ളി​ക​ളി​ല്ലാ​തെ ക​ളി​ക്കാ​ൻ ആ​ഗ്ര​ഹി​ക്കു​ന്നു​വെ​ന്ന തോ​ന്ന​ൽ ജ​ന​ങ്ങ​ളി​ലു​ള​വാ​ക്കി. ജ​നാ​ധി​പ​ത്യ​ത്തി​ൽ ആ​രോ​ഗ്യ​ക​ര​മാ​യ മ​ത്സ​രം അ​ത്യാ​വ​ശ്യ​മാ​ണ്. മ​ത്സ​രം ന​യ​ങ്ങ​ളു​ടെ​യും പ​രി​പാ​ടി​ക​ളു​ടെ​യും അ​ടി​സ്ഥാ​ന​ത്തി​ലാ​യി​രി​ക്ക​ണം. വ്യ​ക്തി​ത്വ​ഹ​ത്യ ന​ട​ത്തി​യോ ഏ​തെ​ങ്കി​ലും ക​ക്ഷി​യെ ഇ​ല്ലാ​താ​ക്കി​യോ നേ​ടേ​ണ്ട​ത​ല്ല ആ​ധി​പ​ത്യം. ത​ങ്ങ​ളു​ടേ​ത് ബി​ജെ​പി മു​ക്ത ഭാ​ര​ത​മ​ല്ലെ​ന്നും എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന രാ​ഷ്‌​ട്രീ​യ​മാ​ണു ത​ങ്ങ​ളു​ടേ​തെ​ന്നും കോ​ൺ​ഗ്ര​സ് അ​ധ്യ​ക്ഷ​ൻ പ്ര​ഖ്യാ​പി​ച്ചി​ട്ടു​ണ്ട്. അ​ധി​കാ​ര​ത്തി​ലെ​ത്തു​ന്ന​വ​ർ ആ​രാ​യാ​ലും വി​ശാ​ല​മ​ന​സ്ക​ത ജ​നം പ്ര​തീ​ക്ഷി​ക്കു​ന്നു.

പ്രി​യ​ങ്ക​യു​ടെ രാ​ഷ്‌​ട്രീ​യ പ്ര​വേ​ശം വ​ലി​യ ച​ർ​ച്ച​ക​ൾ​ക്കു വ​ഴി​യൊ​രു​ക്കി​യി​ട്ടു​ണ്ട്. രാ​ഷ്‌​ട്രീ​യ​ത്തി​ലെ കു​ടും​ബ​വാ​ഴ്ച​യാ​യി ഇ​തി​നെ ന​രേ​ന്ദ്ര​മോ​ദി വി​ശേ​ഷി​പ്പി​ച്ചു. രാ​ഷ്‌​ട്രീ​യ​ത്തി​ലെ കു​ടും​ബ പാ​ര​ന്പ​ര്യം അ​വ​കാ​ശ​വാ​ദ​ങ്ങ​ൾ​ക്കു​ള്ള അ​ടി​സ്ഥാ​നം മാ​ത്ര​മാ​ക​രു​ത്. ക​ഴി​വും പ്രാ​പ്തി​യും തെ​ളി​യി​ക്കു​ന്ന​വ​ർ​ക്കു പാ​ര​ന്പ​ര്യ​ത്തി​ന്‍റെ പി​ന്തു​ണ അ​ധി​ക​യോ​ഗ്യ​ത​യാ​കും. അ​ന്ത​ർ​ദേ​ശീ​യ​മാ​യി​ത്ത​ന്നെ നാം ​അ​തു കാ​ണു​ന്നു​ണ്ട്. അ​മേ​രി​ക്ക​യി​ൽ പി​താ​വും മ​ക​നും പ്ര​സി​ഡ​ന്‍റാ​യ​ത് പി​ന്തു​ട​ർ​ച്ചാ​വ​കാ​ശ​ത്തി​ന്‍റെ പേ​രി​ല​ല്ല​ല്ലോ.

ജ​നാ​ധി​പ​ത്യ​വ്യ​വ​സ്ഥ​യി​ൽ, ജ​ന​ങ്ങ​ളു​മാ​യി ഇ​ട​പെ​ട്ടും ജ​ന​ങ്ങ​ളു​ടെ പ്ര​ശ്ന​ങ്ങ​ൾ​ക്കു പ​രി​ഹാ​രം ക​ണ്ടെ​ത്തി​യും ജ​ന​വി​കാ​രം മ​ന​സി​ലാ​ക്കി​യും മു​ന്നോ​ട്ടു​പോ​കു​ന്ന ഭ​ര​ണ​ക​ർ​ത്താ​ക്ക​ളെ​യാ​ണാ​വ​ശ്യം. ആ ​ക​ഴി​വ് കു​ടും​ബ പാ​ര​ന്പ​ര്യ​മാ​യി വ​ന്നാ​ൽ അ​തി​നെ പു​ച്ഛി​ക്കു​ന്ന​തി​ൽ കാ​ര്യ​മി​ല്ല. എ​ന്നാ​ൽ, പാ​ര​ന്പ​ര്യ​വും കൃ​ത്രി​മ പ്ര​തി​ച്ഛാ​യ​യു​മ​ല്ല രാ​ഷ്‌​ട്രീ​യ​ത്തി​ൽ നി​ർ​ണാ​യ​കം. ജ​ന​ങ്ങ​ളു​ടെ അ​ഭി​ലാ​ഷ​ങ്ങ​ൾ​ക്കൊ​പ്പം നീ​ങ്ങാ​ൻ ക​ഴി​യു​ന്ന നേ​തൃ​ത്വ​മാ​ണ് ആ​ത്യ​ന്തി​ക​മാ​യി വി​ജ​യി​ക്കു​ക.

ഭ​ര​ണ​പ​ക്ഷ​ത്താ​യാ​ലും പ്ര​തി​പ​ക്ഷ​ത്താ​യാ​ലും ജ​നാ​ധി​പ​ത്യ​ത്തി​ൽ എ​ല്ലാ രാ​ഷ്‌​ട്രീ​യ​ക​ക്ഷി​ക​ൾ​ക്കും ത​ങ്ങ​ളു​ടേ​താ​യ ദൗ​ത്യ​മു​ണ്ട്. ആ ​ദൗ​ത്യം ഉ​ത്ത​ര​വാ​ദി​ത്വ​ത്തോ​ടെ നി​ർ​വ​ഹി​ക്കു​ന്ന​വ​രി​ലാ​ണ് ജ​നം വി​ശ്വാ​സ​മ​ർ​പ്പി​ക്കു​ക. പ്രി​യ​ങ്ക​യു​ടെ വ​ര​വ് ആ​രെ​യും അ​സ്വ​സ്ഥ​രാ​ക്കേ​ണ്ട​തി​ല്ല. മു​ൻ​വി​ധി​ക​ളും വേ​ണ്ട. കോ​ൺ​ഗ്ര​സി​നും ഏ​റെ​ക്കാ​ര്യ​ങ്ങ​ൾ പ​ഠി​ക്കാ​നു​ണ്ട്. പ​ഴ​യ പ​ല അ​നു​ഭ​വ​ങ്ങ​ളും അ​വ​ർ​ക്കു വ​ലി​യ പാ​ഠ​ങ്ങ​ൾ ന​ൽ​കു​ന്നു. കോ​ൺ​ഗ്ര​സ് രാ​ഷ്‌​ട്രീ​യ​ത്തി​ലേ​ക്കു യു​വ​ര​ക്തം കൂ​ടു​ത​ൽ ഒ​ഴു​കി​യെ​ത്തു​ന്നു​വെ​ന്ന​തു ശു​ഭോ​ദ​ർ​ക്ക​മാ​ണ്.​അ​ത് ഇ​ത​ര രാ​ഷ്‌​ട്രീ​യ​ക​ക്ഷി​ക​ളെ​യും സ്വാ​ധീ​നി​ക്കാം. തൊ​ഴി​ൽ ചെ​യ്യാ​ൻ ശേ​ഷി​യു​ള്ള യു​വ​ത ഏ​റ്റ​വും കൂ​ടു​ത​ലു​ള്ള രാ​ജ്യ​ത്തി​ന്‍റെ ഭ​ര​ണ​നി​ർ​വ​ഹ​ണ​ത്തി​ലും രാ​ഷ്‌​ട്രീ​യ​ധാ​ര​യി​ലും കൂ​ടു​ത​ൽ യു​വ​സാ​ന്നി​ധ്യം ഉ​ണ്ടാ​ക​ട്ടെ.
Copyright @ 2022 , Rashtra Deepika Ltd.