Choclate
Chocolate
ലയൺ കിംഗ്
കാ​ട്ടി​ലെ ശ​ക്തി​മാ​നാ​യ രാ​ജാ​വ് നി​ല​നി​ൽ​പ്പി​നാ​യി പോ​രാ​ടു​ന്ന ക​ഥ​യാ​ണ് ഇ​ന്ന് ഉയർന്നുവരുന്നത്. ഗുജറാത്തിലെ ഗീ​ർ വ​ന​ത്തി​ൽ അ​ടു​ത്തി​ടെ നി​ര​വ​ധി സിം​ഹ​ങ്ങ​ൾ മ​ര​ണ​പ്പെ​ട്ട​ത് അ​വ​യെ വീ​ണ്ടും വാ​ർ​ത്ത​ക​ളി​ൽ ഇ​ടം​പി​ടി​പ്പി​ച്ചി​ട്ടു​ണ്ട്. സിം​ഹ​ങ്ങ​ളെ​ക്കു​റി​ച്ച് കൂ​ടു​ത​ൽ ഈ ലക്കം വാ​യി​ക്കാം...

വ​ർ​ഗീ​ക​ര​ണം

ബി​ഗ് ക്യാ​റ്റ് കു​ടും​ബ​ത്തി​ൽ ക​ടു​വ ക​ഴി​ഞ്ഞാ​ൽ വ​ലു​പ്പ​ത്തി​ൽ ര​ണ്ടാ​മ​താ​ണ് സിം​ഹം.
ശാ​സ്ത്ര​നാ​മം: പാ​ന്തെ​റ ലി​യോ (Panthera leo)
ഓർഡർ: കാ​ർ​ണി​വോ​റ
ഫാമിലി: ഫെ​ലി​ഡേ
സബ് ഫാമിലി: പാ​ന്തെ​റി​നെ
ജീനസ്: പാ​ന്തെ​റ
സ്പീഷിസ്: ലി​യോ.

ക​ടു​വ, പു​ള്ളി​പ്പു​ലി, ജാ​ഗ്വാ​ർ എ​ന്നി​വ​യോ​ടൊ​പ്പം മാ​ർ​ജാ​ര ഇ​ന​ങ്ങ​ളി​ലെ പ്ര​ധാ​നി​യാ​ണ്. ഇ​വ​യെ​ല്ലാം പാ​ന്തെ​റ ജീ​ന​സി​ലും, ഫെ​ലി​ഡെ കു​ടും​ബ​ത്തി​ലും പെ​ടു​ന്നു. ഏ​ഷ്യ​യി​ൽ ഇ​ന്ത്യ​യി​ലെ ഗു​ജ​റാ​ത്ത് സം​സ്ഥാ​ന​ത്തു​ള്ള ഗീ​ർ വ​ന​ങ്ങ​ളി​ലും ആ​ഫ്രി​ക്ക​യി​ലെ സ​ബ് സ​ഹാ​റ​ൻ പ്ര​ദേ​ശ​ങ്ങ​ളി​ലു​മാ​ണ് ഇ​ന്ന് ഇ​വ അ​വ​ശേ​ഷി​ക്കു​ന്ന​ത്. ഗു​ജ​റാ​ത്ത് ക​ത്തി​യ​വാ​റി​ലെ ഗീ​ർ വ​ന​ങ്ങ​ളി​ൽ ഇ​ന്ന് നാ​നൂ​റി​ൽ​പ്പ​രം ഏ​ഷ്യാ​റ്റി​ക് സിം​ഹ​ങ്ങ​ളു​ണ്ട്.



ഉ​പ​വി​ഭാ​ഗ​ങ്ങ​ൾ

വ​ർ​ഗീ​ക​ര​ണ​ത്തി​ന്‍റെ അ​ടി​സ്ഥാ​ന​ത്തി​ൽ എ​ട്ട് ഉ​പ ഇ​ന​ങ്ങ​ളാ​ണ് സിം​ഹ​ത്തി​നു​ള്ള​ത്.

* ഏ​ഷ്യ​ൻ/​ഇ​ന്ത്യ​ൻ (Panthera leo persica).
* ബാ​ർ​ബ​റി സിം​ഹം (Panthera leo leo).
* പ​ടി​ഞ്ഞാ​റ​ൻ ആ​ഫ്രി​ക്ക​ൻ (Panthera leo senegalensis).
* കി​ഴ​ക്ക​ൻ ഹോ​ങ്കോം​ഗ് (Panthera leo azandica).
* കി​ഴ​ക്ക​ൻ ആ​ഫ്രി​ക്ക​ൻ (Panthera leo nubica).
* തെ​ക്ക് പ​ടി​ഞ്ഞാ​റ​ൻ ആ​ഫ്രി​ക്ക​ൻ (Panthera leo bleyenberghi).
* തെ​ക്ക് കി​ഴ​ക്ക​ൻ ആ​ഫ്രി​ക്ക​ൻ (Panthera leo krugeri).
* കേ​പ്പ് (Panthera leo melanochaita).

ഇ​തി​ൽ ബാ​ർ​ബ​റി സിം​ഹ​വും, കേ​പ്പ് സിം​ഹ​വും ഭൂ​മു​ഖ​ത്തോ​ട് വി​ട​പ​റ​ഞ്ഞു. ഏ​ഷ്യ​ൻ ആ​ഫ്രി​ക്ക​ൻ ഇ​ന​ങ്ങ​ളാ​ണ് ഇ​ന്ന് പ്ര​ധാ​ന​മാ​യു​ള്ള​ത്.

കൂ​ട്ടാ​യ്മ​യു​ടെ ജീ​വി​തം

മ​റ്റു മാ​ർ​ജാ​ര ഇ​ന​ങ്ങ​ളി​ൽ​നി​ന്നു വ്യ​ത്യ​സ്ത​മാ​യി സ​മൂ​ഹ​ജീ​വി​ത​മാ​ണ് സിം​ഹ​ങ്ങ​ൾ​ക്കു​ള്ള​ത്. ആ​ണും, പെ​ണ്ണും, കു​ട്ടി​ക​ളു​മ​ട​ങ്ങു​ന്ന കൂ​ട്ടു​കു​ടും​ബം. ഏ​താ​നും പെ​ണ്‍സിം​ഹ​ങ്ങ​ൾ, അ​തി​ൽ താ​ഴെ​യെ​ണ്ണം ആ​ണ്‍ സിം​ഹ​ങ്ങ​ൾ എ​ന്നി​വ​യ​ട​ങ്ങു​ന്ന സം​ഘ​ങ്ങ​ൾ (Pride) ആ​ണ് സാ​ധാ​ര​ണ കാ​ണ​പ്പെ​ടു​ക. ഇ​വ​യി​ൽ 2-15 സം​ഘാം​ഗ​ങ്ങ​ളു​ണ്ടാ​വാം. ആ​ണ്‍സിം​ഹ​ങ്ങ​ളി​ലെ ക​രു​ത്ത​ൻ പ്രൈ​ഡി​ന്‍റെ മേ​ധാ​വി. കു​ള​ന്പു​വ​ർ​ഗ​ത്തി​ൽ​പ്പെ​ട്ട ഇ​ര​ക​ളെ കീ​ഴ​ട​ക്കു​ന്ന​ത് പെ​ണ്ണു​ങ്ങ​ൾ.



ഒ​ക്‌​ടോ​ബ​ർ-​ന​വം​ബ​ർ മാ​സ​ങ്ങ​ളി​ലാ​ണ് ഗീ​ർ സിം​ഹ​ങ്ങ​ൾ ഇ​ണ ചേ​രു​ന്ന​ത്. ജ​നു​വ​രി-​ഫെ​ബ്രു​വ​രി മാ​സ​ങ്ങ​ളി​ൽ പ്ര​സ​വം. 116 ദി​വ​സ​മാ​ണ് ഗ​ർ​ഭ​കാ​ലം. സാ​ധാ​ര​ണ ര​ണ്ടു കു​ട്ടി​ക​ൾ. പ്ര​സ​വ​ങ്ങ​ൾ ത​മ്മി​ൽ ഒ​ന്ന​ര-​ര​ണ്ടു വ​ർ​ഷം ഇ​ട​വേ​ള. ആ​ണ്‍ സിം​ഹം പ്രാ​യ​പൂ​ർ​ത്തി​യെ​ത്തു​ന്ന​ത് അ​ഞ്ചു വ​ർ​ഷ​മാ​കു​ന്പോ​ഴാ​ണ്. കു​ട്ടി​ക​ളെ കാ​ത്തു സൂ​ക്ഷി​ക്കാ​നും, തീ​റ്റ തേ​ടി​ക്കൊ​ടു​ക്കാ​നും സ​ഹാ​യി​ച്ച് പെ​ണ്ണി​നും കു​ട്ടി​ക​ൾ​ക്കു​മൊ​പ്പം അ​വ​ർ ക​ഴി​യു​ന്നു. ര​ണ്ട​ര-​മൂ​ന്ന​ര വ​യ​സി​ൽ ആ​ദ്യ പ്ര​സ​വം പെ​ണ്‍ സിം​ഹ​ങ്ങ​ളി​ൽ ന​ട​ക്കും.

രാ​ജാ​വി​ന്‍റെ ര​ക്ഷ

1978ൽ ​ഇ​ന്ത്യ​യി​ലെ സിം​ഹ​ങ്ങ​ളു​ടെ എ​ണ്ണം 200 ആ​യി​രു​ന്നു. 1972ൽ ​വ​നം വ​ന്യ​ജീ​വി സം​ര​ക്ഷ​ണ നി​യ​മ​പ്ര​കാ​രം ഇ​ന്ത്യ​ൻ സിം​ഹ​ങ്ങ​ളെ സം​ര​ക്ഷി​ക്കാ​ൻ ശ്ര​ദ്ധ ന​ല്കി​യി​ട്ടു​ണ്ട്. ഇ​തി​നാ​യി പ​ദ്ധ​തി​ക​ളു​മു​ണ്ട്. ഇ​ന്ന് ഗീ​ർ​വ​ന​ങ്ങ​ളി​ൽ അ​ഞ്ഞൂ​റി​ല​ധി​കം സിം​ഹ​ങ്ങ​ളു​ണ്ടെ​ങ്കി​ലും ഇ​വ​യു​ടെ നി​ല​നി​ൽ​പ്പ് നേ​രി​ടു​ന്ന പ്ര​ശ്ന​ങ്ങ​ൾ ഉ​ണ്ട്.

ഗീ​ർ വ​ന​ങ്ങ​ളി​ൽ മാ​ത്ര​മാ​ണ് ഇ​വ​യു​ടെ സാ​ന്നി​ധ്യ​മു​ള്ള​ത് എ​ന്ന​ത് വ​ലി​യ പ്ര​ശ്ന​മാ​ണ്. അ​തി​നാ​ൽ ഇ​വ​യു​ടെ ജ​നി​ത​ക വൈ​വി​ധ്യം ഏ​റെ കു​റ​വാ​ണ് അ​തി​നാ​ൽ ത​ന്നെ രോ​ഗ​പ്ര​തി​രോ​ധ ശേ​ഷി​യും കു​റ​വാ​ണ്. കൂ​ട്ട​മാ​യി ജീ​വി​ക്കു​ന്ന​തി​നാ​ൽ രോ​ഗ​ങ്ങ​ൾ പ​ട​ർ​ന്നു​പി​ടി​ക്കാ​ൻ​എ​ളു​പ്പ​മാ​ണ്. ഇ​ത് മു​ന്നി​ൽ ക​ണ്ടു​കൊ​ണ്ടാ​ണ് സു​പ്രീം കോ​ട​തി നി​ർ​ദേ​ശ​പ്ര​കാ​രം 2009ൽ ​കു​റ​ച്ച് സിം​ഹ​ങ്ങ​ളെ ഗീ​ർ വ​ന​ത്തി​ൽ നി​ന്ന് മാ​റ്റി പാ​ർ​പ്പി​ക്കാ​ൻ നാ​ഷ​ണ​ൽ ബോ​ർ​ഡ് ഫോ​ർ വൈ​ൽ​ഡ് ലൈ​ഫ് തീ​രു​മാ​ന​മെ​ടു​ത്ത​ത്.



മ​ധ്യ​പ്ര​ദേ​ശി​ലെ കു​നോ വ​ന്യ​ജീ​വി സ​ങ്കേ​ത​മാ​ണ് ഇ​തി​നാ​യി തി​ര​ഞ്ഞെ​ടു​ത്ത​ത്. 2013ൽ ​ഈ പ​ദ്ധ​തി ന​ട​പ്പി​ലാ​ക്കാ​ൻ സു​പ്രീം കോ​ട​തി കേ​ന്ദ്ര​സ​ർ​ക്കാ​രി​നോ​ട് ആ​വ​ശ്യ​പ്പെ​ട്ടു. എ​ന്നാ​ൽ, ഗു​ജ​റാ​ത്ത് സം​സ്ഥാ​നം ആ​വ​രു​ടെ അ​ഭി​മാ​ന​മാ​യ സിം​ഹ​ത്തെ കൈ​മാ​റു​ന്ന​തി​ൽ എ​തി​ർ​പ്പു പ്ര​ക​ടി​പ്പി​ക്കു​ന്നു.

ഒ​രു ആ​ണ്‍ സിം​ഹ​ത്തി​ന് ആ​വ​ശ്യ​മാ​യ 85 ച​തു​ര​ശ്ര കി​ലോ​മീ​റ്റ​റും, പെ​ണ്‍ സിം​ഹ​ത്തി​നു വേ​ണ്ട 35 ച​തു​ര​ശ്ര കി​ലോ​മീ​റ്റ​ർ സ്ഥ​ല വി​സ്തൃ​തി​യും മ​ധ്യ​പ്ര​ദേ​ശി​ൽ ഇ​ല്ലാ​യെ​ന്ന വാ​ദ​മാ​ണ് ഗു​ജ​റാ​ത്തി​ന്‍റേ​ത്. ഒ​രു സ്ഥ​ലം മാ​ത്രം കേ​ന്ദ്രീ​ക​രി​ച്ച് സിം​ഹ​ങ്ങ​ളെ പാ​ർ​പ്പി​ക്കു​ന്ന​ത് അ​വ​രു​ടെ നി​ല​നി​ൽ​പ്പി​ന് അ​പ​ക​ട​ക​ര​മാ​കു​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ണി​ക്കു​ന്നു.

ഏ​ഷ്യ​നും, ആ​ഫ്രി​ക്ക​നും

ശ​രാ​ശ​രി ഒമ്പതടി നീ​ള​മു​ള്ള ശ​രീ​ര​മാ​ണ് ഇ​രു​വ​ർ​ക്കു​മു​ള്ള​ത്. പ​ത്ത​ടി ഏ​ഴി​ഞ്ച് നീ​ളം എ​ത്തി​യ ആ​ഫ്രി​ക്ക​നും, ഒ​ന്പ​ത​ടി ഏ​ഴി​ഞ്ച് എ​ത്തി​യ ഏ​ഷ്യ​നു​മാ​ണ് ഇ​തി​ൽ റി​ക്കോ​ർ​ഡി​ട്ട​ത്. തീ​റ്റ ക​ഴി​ഞ്ഞു​ള്ള ശ​രീ​ര ഭാ​രം ചി​ല ഇ​ന​ങ്ങ​ളി​ൽ ശ​രാ​ശ​രി 250 കി​ലോ​ഗ്രാ​മോ​ളം വ​രാം.

"സ​ട കു​ട​ഞ്ഞെ​ഴു​ന്നേ​ൽ​ക്കു​ന്നു’ എ​ന്നു പ​റ​യു​ന്ന​തു​പോ​ലെ ആ​ണ്‍ സിം​ഹ​ത്തി​ന്‍റെ മു​ഖ്യ പ്ര​ത്യേ​ക​ത സ​ട​യാ​ണ്. ഏ​ഷ്യ​ൻ ഇ​ന​ത്തി​ന്‍റെ സ​ട​യു​ടെ രോ​മ​സ​മൃ​ദ്ധി കു​റ​വാ​ണെ​ന്നു മാ​ത്രം. എ​ന്നാ​ലും ഇ​വ​യ്ക്ക് സ​മൃ​ദ്ധ​മാ​യി രോ​മ​ങ്ങ​ളു​ള്ള രോ​മ​ക്കു​പ്പാ​യ​മു​ണ്ടാ​കും. പ​ള്ള​വ​ശ​ത്തെ അ​തി​രു​ള്ള രോ​മ​ക്കൂ​ട്ട​വും, ക​തി​രു​പോ​ലെ​യു​ള്ള വാ​ല​ഗ്ര​വും കാ​ൽ​മു​ട്ടി​ലെ രോ​മ സ​മൃ​ദ്ധി​യും ഇ​വ​ർ​ക്കു​ണ്ടാ​കും.

സ​ട​യു​ടെ നി​റം ഇ​രു​ണ്ട​തോ ഉ​ളം നി​റ​ത്തി​ലോ ആ​വാം. മ​ഞ്ഞ ത​വി​ട്ടു മു​ത​ൽ, ഇ​ളം വൈ​ക്കോ​ൽ വ​രെ വി​വി​ധ ശ​രീ​ര നി​റ​ങ്ങ​ൾ. വി​ള​റി വെ​ളു​ത്ത പ​ള്ള​വ​ശ​വും, ക​റു​ത്ത വാ​ല​റ്റ​വും. പി​റ​ന്നു വീ​ഴു​ന്ന കു​ട്ടി​ക്ക് ക​റു​പ്പ്/​ത​വി​ട്ട് റോ​സ​റ്റു​ക​ൾ (പു​ള്ളി​ക​ൾ) കാ​ണാം. സ്വ​ഭാ​വ സ​വി​ശേ​ഷ​ത​ക​ൾ ര​ണ്ടി​ന​ങ്ങ​ൾ​ക്കും ഏ​താ​ണ്ട് ഒ​രു​പോ​ലെ​യാ​ണ്.



പ​ക​ൽ മ​ര​ത്ത​ണ​ലി​ൽ ഉ​റ​ക്ക​വും വി​ശ്ര​മ​വും. സ​ന്ധ്യ​യോ​ടെ വേ​ട്ട. പെ​ണ്‍ സിം​ഹ​ങ്ങ​ൾ കൂ​ട്ടു​ചേ​ർ​ന്ന് ഇ​ര​യെ പി​ടി​ക്കു​ന്പോ​ൾ കു​ട്ടി​ക​ളെ സം​ര​ക്ഷി​ച്ച് ആ​ണ്‍ സിം​ഹം മാ​റി നി​ൽ​ക്കും. പ​ക​ൽ മേ​ച്ചി​ൽ ക​ഴി​ഞ്ഞു പോ​കു​ന്ന, രാ​വി​ലെ മേ​യാ​നി​റ​ങ്ങു​ന്ന കാ​ലി​ക​ളെ സിം​ഹ​ങ്ങ​ൾ ഗീ​ർ വ​ന​ത്തി​ൽ ആ​ക്ര​മി​ക്കു​ന്നു. അ​വ​കാ​ശി​ക​ളി​ല്ലാ​ത്ത ജ​ഡ​വും തി​ന്നും.

അ​ഞ്ചു കി​ലോ​ഗ്രാ​മോ​ളം മാം​സം ഒ​രു ദി​വ​സം വേ​ണം. മു​പ്പ​തു കി​ലോ​ഗ്രാം വ​രെ ഒ​രു​മി​ച്ച് ക​ഴി​ക്കാ​ൻ ക​ഴി​യും. ഗ​ർ​ജി​ക്കാ​ൻ ശ്ര​മി​ക്കു​ന്ന ല​യ​ണ്‍ കിം​ഗി​ലെ കു​ഞ്ഞു​സിം​ഹ​ത്തെ ഓ​ർ​ക്കു​ക. ഒ​രു വ​യ​സു​ള്ള​പ്പോ​ൾ കു​ട്ടി സിം​ഹ​ങ്ങ​ൾ ഗ​ർ​ജി​ക്കാ​ൻ തു​ട​ങ്ങും.

ഓ​രോ സിം​ഹ​ക്കൂ​ട്ട​വും സൂ​ക്ഷി​ക്കു​ന്ന കൈ​വ​ശ ഭൂ​മി​യു​ടെ അ​തി​ർ​ത്തി ലം​ഘി​ക്കു​ന്ന​വ​രെ തു​ര​ത്താ​നാ​ണ് ഗ​ർ​ജ​നം. എ​ട്ടു കി​ലോ​മീ​റ്റ​ർ ദൂ​രെ വ​രെ​യെ​ത്തു​ന്ന ഗം​ഭീ​ര ഗ​ർ​ജ​നം!

പെ​ണ്‍സിം​ഹ​ങ്ങ​ളാ​ണ് വേ​ട്ട​യി​ൽ സ​ജീ​വം. ആ​ണ്‍സിം​ഹ​ങ്ങ​ൾ ദി​വ​സ​ത്തി​ൽ 20 മ​ണി​ക്കൂ​ർ വ​രെ വി​ശ്ര​മി​ക്കും. ഒ​രു വ​യ​സു പ്രാ​യം​വ​രെ സിം​ഹ​ക്കു​ട്ടി​ക​ൾ​ക്ക് വേ​ട്ട​യാ​ടാ​ൻ അ​നു​വാ​ദ​മി​ല്ല. പെ​ണ്‍സിം​ഹ​ങ്ങ​ൾ വേ​ട്ട​യാ​ടി​ക്കൊ​ണ്ടു​വ​രു​ന്ന മാം​സ​ത്തി​ന്‍റെ ആ​ദ്യ പ​ങ്ക് ആ​ണ്‍സിം​ഹ​ങ്ങ​ളു​ടെ അ​വ​കാ​ശ​മാ​ണ്.

ഞ​ങ്ങ​ൾ ചേ​ർ​ന്നി​രു​ന്നാ​ൽ

സിം​ഹം ക​ടു​വ​യു​മാ​യി ഇ​ണ ചേ​ർ​ന്നു​ണ്ടാ​കു​ന്ന സ​ങ്ക​ര​യി​ന​ങ്ങ​ളാ​ണ് ലൈ​ഗ​റു​ക​ളും, ടൈ​ഗ​ണു​ക​ളും. ആ​ണ്‍ സിം​ഹ​വും പെ​ണ്‍ ക​ടു​വ​യും ഇ​ണ ചേ​ർ​ന്നാ​ൽ ലൈ​ഗ​ർ (Liger) എ​ന്ന സ​ങ്ക​ര​യി​ന​വും, പെ​ണ്‍ സിം​ഹ​വും ആ​ണ്‍ ക​ടു​വ​യും ആ​ണെ​ങ്കി​ൽ ടൈ​ഗ​ണ്‍ (Tigon) എ​ന്നും വി​ളി​ക്കും. പു​ള്ളി​പ്പു​ലി​യു​മാ​യി സിം​ഹം ഇ​ണ ചേ​ർ​ന്നാ​ൽ ലെ​പ്പോ​ൺ​സ് (Leopons) എ​ന്നും, ജാ​ഗ്വാ​റു​മാ​യി ചേ​ർ​ന്നാ​ൽ ജാ​ഗ്ലി​യോ​ണ്‍സ് (Jaglions) എ​ന്നും പേ​രു വി​ളി​ക്കും.

എ​ന്നാ​ൽ യ​ഥാ​ർ​ഥ ഇ​ന​ങ്ങ​ളെ സം​ര​ക്ഷി​ക്കു​ന്ന​തി​ന്‍റെ പ്ര​ാധാ​ന്യം ക​ണ​ക്കി​ലെ​ടു​ത്ത് ഇ​ത്ത​രം സ​ങ്ക​ര​യി​ന​ങ്ങ​ളെ പ്രോ​ത്സാ​ഹി​പ്പി​ക്കു​ന്നി​ല്ല. ലൂ​ക്കി​സം (Leucism) എ​ന്ന ജ​നി​ത​ക മാ​റ്റ​ത്തി​ലൂ​ടെ ദ​ക്ഷി​ണാ​ഫ്രി​ക്ക​യു​ടെ കി​ഴ​ക്ക​ൻ പ്ര​ദേ​ശ​ങ്ങ​ളി​ൽ വെ​ള്ള സിം​ഹ​ങ്ങ​ൾ കാ​ണ​പ്പെ​ടു​ന്നു. ഇ​ന്ത്യ​യി​ൽ ഉ​ണ്ടാ​യ വെ​ള്ള​ക്ക​ടു​വ​ക​ളെ ഓ​ർ​ക്കു​മ​ല്ലോ.



ഗീ​ർ​വ​ന​ത്തി​ലെ ദു​ര​ന്തം

ചി​ത്ര​ക​ഥ​ക​ളി​ലെ ശ​ക്തി​മാ​നാ​യ കാ​ട്ടി​ലെ രാ​ജാ​വി​ന്‍റെ വേ​ഷം അ​ഴി​ച്ചു​വ​ച്ച് നാ​ട്ടി​ൽ നി​ല​നി​ൽ​പ്പി​ന്‍റെ ഭാ​വി തേ​ടു​ക​യാ​ണ് സിം​ഹ​രാ​ജ​ന്മാ​ർ. അം​മ്രേ​ലി, ഗി​ർ​സോം​നാ​ഥ്, ജു​ന​ഗ​ഡ് എ​ന്നീ തെ​ക്കു പ​ടി​ഞ്ഞാ​റ​ൻ ഗു​ജ​റാ​ത്തി​ലെ ജി​ല്ല​ക​ളി​ലാ​യി വ്യാ​പി​ച്ചു കി​ട​ക്കു​ന്ന ഗീ​ർ ദേ​ശീ​യോ​ദ്യാ​ന​ത്തി​ലും, വ​ന്യ​ജീ​വി സ​ങ്കേ​ത​ത്തി​ലു​മു​ള്ള ഇ​രു​പ​ത്തി​മൂ​ന്ന് ഏ​ഷ്യ​ൻ സിം​ഹ​ങ്ങ​ളു​ടെ മ​ര​ണ​മാ​ണ് കാ​ട്ടി​ലെ രാ​ജാ​വി​നെ വീ​ണ്ടും ശ്ര​ദ്ധ​യി​ലെ​ത്തി​ച്ച​ത്.

ക​ഴി​ഞ്ഞ സെ​പ്റ്റം​ബ​ർ 12നും ​ഒ​ക്‌​ടോ​ബ​ർ ഒ​ന്നി​നു​മി​ട​യി​ലു​ള്ള ചെ​റി​യ ഇ​ട​വേ​ള​യി​ലാ​ണ് ക​നൈ​ൻ ഡി​സ്റ്റെം​പ​ർ എ​ന്ന വൈ​റ​സ് രോ​ഗ​ബാ​ധ​മൂ​ലം ഇ​വ​ർ മ​ര​ണ​മ​ട​ഞ്ഞ​ത്. നി​ല​നി​ൽ​പ്പി​നു ഭീ​ഷ​ണി നേ​രി​ടു​ന്ന ഏ​ഷ്യ​ൻ സിം​ഹ​ങ്ങ​ക്ക് ഇ​ന്ന് അ​വ​ശേ​ഷി​ക്കു​ന്ന ഏ​ക പ്ര​കൃ​തി​ദ​ത്ത ആ​വാ​സ​വ്യ​വ​സ്ഥ​യാ​ണ് ഈ ​ഗീ​ർ വ​ന​ങ്ങ​ൾ. നാ​യ്ക്ക​ളെ ബാ​ധി​ക്കു​ന്ന പ​ക​ർ​ച്ച​വ്യാ​ധി​യാ​ണ് ക​നൈ​ൻ ഡി​സ്റ്റെം​പ​ർ (Canine Distemper). പാ​രാ​മി​ക്സോ കു​ടും​ബ​ത്തി​ലെ, മോ​ർ​ബി​ലി ജ​നു​സി​ൽ​പ്പെ​ട്ട ആ​ർ​എ​ൻ​എ വൈ​റ​സാ​ണി​ത്. ഈ ​രോ​ഗ​മാ​ണ് നാ​യ്ക്ക​ളി​ൽ​നി​ന്ന് ക​ന്നു​കാ​ലി​ക​ളി​ൽ​ക്കൂ​ടി അ​ല്ലെ​ങ്കി​ൽ ജ​ല​സ്രോ​ത​സു വ​ഴി സിം​ഹ​ങ്ങ​ളി​ൽ എ​ത്തി​യ​തെ​ന്ന് ക​രു​ത​പ്പെ​ടു​ന്നു. വാ​ക്സി​നേ​ഷ​ൻ ആ​ണ് രോ​ഗ​പ്ര​തി​രോ​ധ മാ​ർ​ഗം.

കി​ഴ​ക്ക​ൻ ആ​ഫ്രി​ക്ക​യി​ലെ മു​പ്പ​ത് ശ​ത​മാ​ന​ത്തോ​ളം ആ​ഫ്രി​ക്ക​ൻ സിം​ഹ​ങ്ങ​ളെ കൊ​ന്നൊ​ടു​ക്കി​യ ഭീ​ക​ര​നാ​ണ് ഈ ​വൈ​റ​സ്. 1994-ൽ ​ടാ​ൻ​സാ​നി​യാ​യി​ലെ സെ​റ​ൻ​ഗെ​ട്ടി (Serengeti) നാ​ഷ​ണ​ൽ പാ​ർ​ക്കി​ൽ ആ​യി​ര​ത്തോ​ളം സിം​ഹ​ങ്ങ​ൾ ഈ ​രോ​ഗം​മൂ​ലം മ​രി​ച്ച​ത് ന​മു​ക്ക് ന​ല്കു​ന്ന മു​ന്ന​റി​യി​പ്പാ​ണ്.

ഈ ​വ​ർ​ഷം ഗീ​ർ വ​ന​ത്തി​ൽ ജീ​വ​ൻ ന​ഷ്ട​പ്പെ​ട്ട 23 സിം​ഹ​ങ്ങ​ളി​ൽ 21-ഉം ​ഈ രോ​ഗ​ബാ​ധ​മൂ​ല​മാ​ണ് മ​ര​ണ​മ​ട​ഞ്ഞ​ത്. ഒ​പ്പം ബ​ബീ​സി​യ എ​ന്ന ര​ക്ത​പ​രാ​ദ പ്ര​ശ്ന​വും, ആ ​രോ​ഗം പ​ട​ർ​ത്തു​ന്ന ബാ​ഹ്യ​പ​രാ​ദ​മാ​യ പ​ട്ടു​ണ്ണി​യു​ടെ പ്ര​ശ്ന​ങ്ങ​ളു​മു​ണ്ട്. പെ​ട്ടെ​ന്നു​ണ്ടാ​കു​ന്ന വ്യാ​പ​ക​മാ​യ ഒ​രു രോ​ഗ​ബാ​ധ ഭൂ​മി​യി​ലെ ഏ​റ്റ​വും ശ​ക്ത​നാ​യ ഒ​രു ജ​ന്തു​ഇ​ന​ത്തെ പൂ​ർ​ണ​മാ​യും തു​ട​ച്ചു​നീ​ക്കാ​നു​ള്ള സാ​ധ്യ​ത മു​ന്നി​ൽ​ക്ക​ണ്ടു​കൊ​ണ്ട് കു​റ​ച്ച് ഏ​ഷ്യ​ൻ സിം​ഹ​ങ്ങ​ളെ മ​ധ്യ​പ്ര​ദേ​ശി​ലേ​ക്കു മാ​റ്റ​ണ​മെ​ന്ന ആ​വ​ശ്യം വീ​ണ്ടും ശ​ക്ത​മാ​കു​ന്നു.

ഡോ. സാബിൻ ജോർജ്
Copyright @ 2022 , Rashtra Deepika Ltd.