ന്യൂസിലൻഡ് പ്രധാനമന്ത്രി ജസീന്ത അർഡേൻ പെണ്‍കുഞ്ഞിനു ജന്മം നൽകി

Thursday, June 21, 2018 2:11 PM IST

ന്യൂസിലൻഡ് പ്രധാനമന്ത്രി ജസീന്ത അർഡേൻ പെണ്‍കുഞ്ഞിനു ജന്മം നൽകി. മുപ്പതു വർഷത്തിനിടെ, പദവിയിലിരിക്കെ കുഞ്ഞിന് ജന്മം നൽകുന്ന ആദ്യ ലോക നേതാവാണ് ജസീന്ത. വ്യാഴാഴ്ച ഉച്ചകഴിഞ്ഞ് 4.45-നാണ് പ്രധാനമന്ത്രി കുട്ടിക്കു ജൻമം നൽകിയത്.

താൻ അമ്മയായ വിവരം ജസീന്ത ഇൻസ്റ്റഗ്രാമിലൂടെ ലോകത്തെ അറിയിച്ചു. കുഞ്ഞും താനും ഓക്ക്ലൻഡ് സിറ്റി ആശുപത്രിയിൽ സുഖമായിരിക്കുന്നുവെന്നും ജസീന്ത ഇൻസ്റ്റഗ്രാമിൽ കുറിച്ചു.

മുപ്പത്തിയേഴുകാരിയായ ജസീന്ത കഴിഞ്ഞ വർഷം ഒക്ടോബറിലാണ് ന്യൂസിലൻഡ് പ്രധാനമന്ത്രിയായി ചുമതലയേറ്റത്. ഡോക്യുമെന്‍ററി അവതാരകൻ ക്ലാർക്ക് ഗേയ്ഫോഡാണ് ജസീന്തയുടെ ഭർത്താവ്. ജസീന്ത ആറാഴ്ചത്തെ വിശ്രമത്തിലായതിനാൽ ഉപപ്രധാനമന്ത്രി വിൻസ്റ്റണ്‍ പീറ്റേഴ്സ് ആണ് ഇവരുടെ ചുമതല നിർവഹിക്കുന്നത്.

അധികാരത്തിലിരിക്കെ അമ്മയാകുന്ന രണ്ടാമത്തെ പ്രധാനമന്ത്രിയാണ് ജസീന്ത അർഡേണ്‍. 1990-ൽ പാക്കിസ്ഥാൻ പ്രധാനമന്ത്രിയായിരിക്കെ ബേനസീർ ഭൂട്ടോ പെണ്‍കുഞ്ഞിനു ജൻമം നൽകിയിരുന്നു.

Welcome to our village wee one. Feeling very lucky to have a healthy baby girl that arrived at 4.45pm weighing 3.31kg (7.3lb) Thank you so much for your best wishes and your kindness. We're all doing really well thanks to the wonderful team at Auckland City Hospital.

A post shared by Jacinda Ardern (@jacindaardern) on Jun 20, 2018 at 11:14pm PDT

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.