കല്ലറക്കുള്ളിൽ നിന്നും ആർത്തനാദം; പതിനൊന്നാം നാൾ കല്ലറ തുറന്നു പരിശോധിച്ചപ്പോൾ കണ്ടത്

Wednesday, February 21, 2018 4:33 PM IST

രണ്ട് ഹൃദയാഘാതം സംഭവിച്ചതിനെ തുടർന്നാണ് ബ്രസീലിലെ അൽമഡാ സാന്‍റോസ് എന്നു പേരുള്ള യുവതി മരിച്ചെന്ന് ഡോക്ടർമാർ സ്ഥിരീകരിച്ചത്. എന്നാൽ മൃതദേഹം അടക്കം ചെയ്ത അന്നു മുതൽ കല്ലറക്കുള്ളിൽ നിന്നും പുറത്തേക്കു വന്ന അസാധാരണമായ ശബ്ദം കേട്ട് അന്പരന്ന ബന്ധുക്കൾ ഇവരെ അടക്കം ചെയ്തതിന്‍റെ പതിനൊന്നാം നാൾ കല്ലറ തുറക്കുകയായിരുന്നു.

കല്ലറ തുറന്നു പെട്ടി പുറത്തെടുത്ത ഏവരും ഒരു പോലെ ഞെട്ടിപ്പോയി കാരണം ശവപ്പെട്ടിയിൽ മറിഞ്ഞു കിടക്കുന്ന അവസ്ഥയിലായിരുന്നു ഇവരുടെ മൃതശരീരം. അൽമഡായുടെ നെറ്റിയിലും കൈകളിലും നിറയെ മുറിവുകളുമുണ്ടായിരുന്നു മാത്രമല്ല നഖങ്ങളും വിരലുകളും അടർന്ന് മാറി കിടന്ന അവസ്ഥയിലുമായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ഇവർ മരിച്ചുവെന്ന് ഡോക്ടർമാർ സ്ഥിരീകരിക്കുകയായിരുന്നു.

ഇവർ മരിച്ചിരുന്നില്ലെന്നും രക്ഷപെടാൻ നടത്തിയ ശ്രമങ്ങളായിരിക്കാം ശവകല്ലറയിൽ നിന്നും കേട്ട ശബ്ദവും ഇവരുടെ ശരീരത്തിലെ മുറപ്പാടുകളുമെന്ന് നിഗമനത്തിലാണ് ഡോക്ടർമാർ.സംഭവത്തെ ചുറ്റിപ്പറ്റിയുള്ള ഉൗഹാപോഹങ്ങൾ നിർത്തണമെന്നും പോലീസുദ്യോഗസ്ഥർ ആവശ്യപ്പെട്ടു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.