പുണ്യാളാ, കാത്തോണേ..! ജോയ് താക്കോൽക്കാരൻ വീണ്ടുമെത്തുന്നു

Saturday, May 20, 2017 10:00 PM IST

ഫീൽ ഗുഡ് സിനിമകളുടെ സ്വന്തം രഞ്ജിത്ത് ശങ്കർ അണിയിച്ചൊരുക്കിയ രാമന്‍റെ ഏദൻതോട്ടം പ്രേക്ഷകമനസ് കീഴടക്കിയതിനു പിന്നാലെ മറ്റൊരു സന്തോഷവാർത്ത കൂടി. ജയസൂര്യയെ നായകനാക്കി രഞ്ജിത്ത് ശങ്കർ സംവിധാനം ചെയ്ത സൂപ്പർഹിറ്റ് ചിത്രം പുണ്യാളൻ അഗർബത്തീസിന്‍റെ രണ്ടാഭാഗം തയാറാകുന്നു. സംവിധായകൻ തന്നെയാണ് തന്‍റെ ഫേസ്ബുക്ക് അക്കൗണ്ടിലൂടെ ആരാധകരുമായി ഇക്കാര്യം പങ്കുവച്ചത്. കഴിഞ്ഞ നാലു വർഷമായി മനസിൽ കൊണ്ടുനടന്ന ആഗ്രഹമാണ് സഫലമാകുന്നതെന്നും പ്രേക്ഷകരുടെ പ്രതീക്ഷയ്ക്കൊത്ത ഒരു തിരക്കഥ ഇപ്പോഴാണ് തയാറായതെന്നും രഞ്ജിത്ത് ശങ്കർ പറഞ്ഞു.

2013ലാണ് പുണ്യാളൻ അഗർബത്തീസ് റിലീസ് ചെയ്തത്. നൈലാ ഉഷ നായികയായി എത്തിയ ചിത്രത്തിൽ അജു വർഗീസ്, രചനാ നാരായണൻ കുട്ടി, ഇന്നസെന്‍റ്, ശ്രീജിത്ത് രവി എന്നിവരും പ്രധാന വേഷങ്ങളിലെത്തി. ജോയ് താക്കോൽക്കാരൻ എന്ന തൃശൂർകാരൻ അച്ചായനെയാണ് ജയസൂര്യ ചിത്രത്തിലവതരിപ്പിച്ചത്. രഞ്ജിത്ത് ശങ്കർ തന്നെയാണ് ചിത്രത്തിന്‍റെ തിരക്കഥ രചിച്ചതും. ചിത്രത്തെക്കുറിച്ച് മറ്റ് വിവരങ്ങളൊന്നും ലഭ്യമല്ല. ലഭിച്ചിരിക്കുന്ന വാർത്തകൾ വിശ്വസിക്കാമെങ്കിൽ ചിത്രത്തിന്‍റെ ഷൂട്ടിംഗ് ഉടൻ ആരംഭിക്കും.

ജയസൂര്യയെ നായകനാക്കി രഞ്ജിത്ത് ശങ്കർ ഒരുക്കിയ ചിത്രങ്ങളെല്ലാം മികച്ച അഭിപ്രായമാണ് നേടിയത്. പുണ്യാളനു പിന്നാലെ സുസു സുധീവാത്മീകം, പ്രേതം എന്നീ ചിത്രങ്ങളും രഞ്ജിത്ത് ശങ്കർ- ജയസൂര്യ കൂട്ടുകെട്ടിൽ പിറന്ന സൂപ്പർഹിറ്റുകളായിരുന്നു.

രഞ്ജിത്ത് ശങ്കറിന്‍റെ ഫേസ്ബുക്ക് പോസ്റ്റ്:

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.