പട്ടാഭിരാമനായി ഇന്ദ്രജിത്ത്; ടിയാന്‍റെ പുതിയ പോസ്റ്റർ എത്തി
പൃഥ്വിരാജും ഇന്ദ്രജിത്തും ഒന്നിക്കുന്ന പുതിയ ചിത്രമായ ടിയാന്‍റെ പുതിയ പോസ്റ്റർ പുറത്തിറങ്ങി. ഇന്ദ്രജിത്തിന്‍റെ കഥാപാത്രമായ പട്ടാഭിരാമനെ അവതരിപ്പിച്ചുകൊണ്ടുള്ള കാരക്ടർ പോസ്റ്റർ താരം തന്നെയാണ് ഫേസ്ബുക്കിൽ പോസ്റ്റ് ചെയ്തത്. അദ്ഭുതങ്ങൾ മനുഷ്യനെ തേടിയെത്തുമ്പോൾ ഇതിഹാസങ്ങൾ ജന്മമെടുക്കുമെന്നാണ് പോസ്റ്ററിലെ വിശേഷണം.

നവാഗതനായ ജിയെൻ കൃഷ്ണകുമാർ സംവിധാനം ചെയ്യുന്ന ചിത്രത്തിന് തിരക്കഥയൊരുക്കുന്നത് മുരളി ഗോപിയാണ്. ചിത്രത്തിൽ അസ്‌ലൻ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. കുംഭമേളയുടെ പശ്ചാത്തലത്തിലൊരുങ്ങുന്ന ചിത്രം അതീവരഹസ്യമായാണ് ചിത്രീകരിച്ചത്. ഗോപീസുന്ദര്‍ സംഗീതവും സതീഷ് കുറുപ്പ് ഛായാഗ്രഹണവും നിര്‍വഹിച്ചിരിക്കുന്നു. റെഡ് റോസ് ക്രിയേഷന്‍സിന്‍റെ ബാനറില്‍ ഹനീഫ് മൊഹമ്മദാണ് നിര്‍മാണം. ഈദ് റിലീസായി ടിയാന്‍ തിയറ്ററുകളിലെത്തും.