മിലൻ വാർഷികാഘോഷവും സാഹിത്യ സംവാദവും ഡിസംബർ ഒന്പതിന്
Wednesday, November 22, 2017 1:28 PM IST
മിഷിഗണ്‍ മലയാളികളുടെ ഏക സാഹിത്യ കൂട്ടായ്മയായ മിഷിഗണ്‍ മലയാളികളുടെ ഏക സാഹിത്യ കൂട്ടായ്മയായ മിഷിഗണ്‍ മലയാളി ലിറ്റററി അസോസിയേഷൻ (മിലൻ) പതിനെട്ടാമത് വാർഷിക സമ്മേളനവും സാഹിത്യ സംവാദവും ഡിട്രോയിറ്റിലുള്ള പുനത്തിൽ കുഞ്ഞബ്ദുള്ള നഗറിൽ ഡിസംബർ ഒന്പതിന് നടക്കും.

കല്പിത ധാരണകളെ കാലോചിതമായി നവീകരിക്കുകയും, നൂതനമായ ചിന്താധാരകളുടെ വെളിവെളിച്ചം തെളിയിക്കുകയും ചെയ്യുന്ന സാഹിത്യ ലോകത്തിലെ പുത്തൻ വിശേഷങ്ങളുമായി ഡോ.ശശിധരനും ജെ.മാത്യൂസും മുഖ്യാതിഥികളായി പങ്കെടുക്കും.

ന്യൂയോർക്ക് സ്റ്റേറ്റ് യൂണിവേഴ്സിറ്റിയിലെ മുൻ പ്രഫസറും ജവഹർലാൽ നെഹ്റു യൂണിവേഴ്സിറ്റി ഗവേഷണ ബിരുദ്ധാരിയുമായ പ്രഫ. ഡോ.ശശിധരൻ സാഹിത്യവും സംസ്കാരവും’ എന്ന വിഷയത്തെ അധികരിച്ചും അമേരിക്കയിലെ അറിയപ്പെടുന്ന പത്രപ്രവർത്തകനും ലാനയുടെ സെക്രട്ടറിയുമായ ജെ.മാത്യൂസ് മാധ്യമ വിവരണവും സാഹിത്യ രചനയും’ എന്ന വിഷയത്തെ സംബന്ധിച്ചും പ്രഭാഷണങ്ങൾ നടത്തും. തുടർന്നു നടക്കുന്ന സംവാദത്തിൽ പ്രമുഖ അമേരിക്കൻ മലയാളി സാഹിത്യകാരൻ അബ്ദുൾ പുന്നയൂർക്കുളം, ഡോ.ശാലിനി ജയപ്രകാശ്, തോമസ് കർത്തനാൾ, രാജീവ് കാട്ടിൽ, ബിന്ദു പണിക്കർ തുടങ്ങിയവർ പങ്കെടുക്കും.

പതിനെട്ടു വർഷത്തെ പ്രവർത്തന മികവുമായി അണിയിച്ചൊരുക്കുന്ന വിവിധ കലാപരിപാടികൾക്ക് ജയിൻ മാത്യു, വിനോദ് കോങ്ങൂർ എന്നിവർ നേതൃത്വം നൽകും.സമ്മേളന പരിപാടികളിൽ മിലൻ പ്രസിഡന്‍റ് മാത്യു ചെരുവിൽ അധ്യക്ഷത വഹിക്കും. സുരേന്ദ്രൻ നായർ, മനോജ് കൃഷ്ണൻ, ആന്‍റണി മണലേൽ എന്നിവർ പ്രസംഗിക്കും.

റിപ്പോർട്ട്: വിനോദ് കൊണ്ടൂർ ഡേവിഡ്
Copyright @ 2022 , Rashtra Deepika Ltd.