ഫ്ളവേഴ്സ് യു.എസ്.എ കരോൾ ഫെസ്റ്റിവൽ 2017 ഷിക്കാഗോയിലെ ചിത്രീകരണം നവംബർ 25ന്
Monday, November 20, 2017 2:07 AM IST
ഷിക്കാഗോ: ഫ്ളവേഴ്സ് ടിവി യുഎസ്എ കരോൾ ഫെസ്റ്റിവൽ നടത്തുന്നു. നോർത്ത് അമേരിക്കയിലെ വിവിധ ഇടവകകളെ പങ്കെടുപ്പിച്ചുകൊണ്ട് നടത്തുന്ന കരോൾ ഫെസ്റ്റിവലിന്‍റെ ഷിക്കാഗോയിലെ ചിത്രീകരണം നവംബർ 25-നു രാവിലെ ഒന്പതു മുതൽ ഉച്ചക്ക് രണ്ടു വരെ ഷിക്കാഗോയിലുള്ള സെന്‍റ തോമസ് ഓർത്തഡോക്സ് ചർച്ചിൽ നടത്തുന്നു.

ഷിക്കാഗോയിലും സമീപപ്രദേശങ്ങളിലും ഉള്ള എല്ലാ ഇടവകകൾക്കും ലഭിക്കുന്ന ഒരു സുവര്ണ്ണാവസരമാണ് ഫ്ലവേഴ്സ് ടിവി നടത്തുന്ന കരോൾ ഫെസ്റ്റിവൽ 2017. താല്പര്യമുള്ള എല്ലാ ഗായക സംഘങ്ങളും എത്രയും പെട്ടെന്ന് സംഘാടകരെ അറിയിക്കേണ്ടതാണ്. അതിനു ശേഷം തങ്ങളുടെ ഓഡിയോ റിക്കോർഡ് സമർപ്പിക്കാനുള്ള അവസരം ഉണ്ടായിരിക്കും. 15 മുതൽ 30 വരെയുള്ള അംഗങ്ങളെ ഉൾക്കൊള്ളിച്ചുകൊണ്ട് ആറു മിനിറ്റ് ദൈർഘ്യമുള്ള ഒരു ഗാനം ഇംഗ്ലീഷിലോ മലയാളത്തിലോ ആലപിക്കാവുന്നതാണ്. നവംബർ 25-നു ചിത്രീകരിക്കുന്ന കരോൾ ഗാനങ്ങൾ ഡിസംബർ മാസത്തിൽ ലോകമെന്പാടും സംപ്രേഷണം ചെയ്യുന്നതാണ്. കൂടുതൽ വിവരങ്ങൾക്ക്: ബിജു സഖറിയ (847 630 6462), ഷിജി അലക്സ് (224 436 9371). ഷിക്കാഗോയിൽ നിന്നും ഷിജി അലക്സ് അറിയിച്ചതാണിത്.

റിപ്പോർട്ട്: ജോയിച്ചൻ പുതുക്കുളം
Copyright @ 2022 , Rashtra Deepika Ltd.